محمد الجارالله السهلي

الســـــــــــــــــــــــــــــــــــــــلااااااام عليــــــــــــــــــــــــــــــــكم

مساء\صباح الخير

اليـــــــــــــــــــــوم جبت لكم ثلاااااث قصايد من قدكم

للشـــــــــــــــــــــــاعر: محمد الجارالله السهلي
مع السلامه:
لاصرت بايعني أشوفك على خير
..............................مع السلامه دام مابه سلامه
قلت انتهينا ؟ قلت لك :خير ياطير
..............................ماني بأول شخص يخسر غرامه
محذرك من قبلها ألف تحذير
...............................لاعفتني بيعوف قلبي هيامه
مانيب ميت ولا أحتاج تبرير
................................ صح الله لسانك ووفر كلامه
بسمعك حبكة وفكرة وتصوير
...............................وافهم عدل يالي مدعي بالفهامة
وجه الشعر ابيض ويحتاج تغيير
.................................. ودي تزين هالقصيدة علامة
ماضيك الاسود بذكرة دون تقصير
..................................... كذا يكون بخدة الشعر شامة
يصدق معي تعبير ويخون تعبير
..................................ياضيعة الشاعر بوقت انسجامة
يمكن خطأ ادونك بالشعر مير
..............................ولو ماحترمتك ..للغرام احترامه
ماكان حبك غير ..بس طعنتك غير
.................................علمتني معنى الندم والندامه
ماجاك مني أي زله ولا تقصير
...............................كل ما اخطيت اعاتبك بابتسامه
حسبي على الذكرى اذا هبت اعصير
.................................ماعاد تنفع شرهتي والملامه
البال ظامي وقتها والحزن بير
............................ خسرتك وهمي كسبت اهتمامة
والليل فازع لك كذا جاني مغير
............................... ظلمتني واكثر ظلمني ظلامة
لاقبل علي اوحيت صوت المساير
.............................. فزيت كل ضيف اقوم بمقامة
وليا عزم هالليل ضيقه وتفكير
...............................قلي بربك كيف أقدر انامه
مافيه داعي للعتب والمعاذير
...........................الغدر خال الجرح واطيب عمامه
اما يجيب الله مطر ... تالي وخير
............................والا السلامه (مااااش) ما من سلامه


وسلامتكم
----------------------------------------------------------------------
أصــــعــــب ســــؤال:
( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :
ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت !!)
يا صاحبي لو كل شي يمر بالخاطر يقال
ما كانت العبره تــــولجني اليامنك طريت ؟!
شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!
عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!
مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!
صرت ( اعقد حجاجي ) اذا جابوك باطراف الجدال
وانا قبل لاقالوا اسمك كـني : ميت ثم حييت ..
تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت ! )
حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..
ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال ))
واقرا القصايد في غيابك كلبوها بيـــت ... بيـــت ..
بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )
----------------------------------------------------------------------
فلسفــــــــه حـــــــــــره:
النص/حالة تجرد/فلسفه حره
محاوله للتوحد والخصوصيه
علاقتي فيه:حب ومن طرف واحد
نزعاتها تفتقد نزعه ثنائيه
كريم..واكراما لجيته في بالي
ذبحت له مطلع ومنهج وقافيّه
وعزمت..مالاكتبته من قناعاتي
وماتيسّر من احرفناالهجائيه
ياضيفي المتعب من الضوء والشهره
الليله انسى معاييير النجوميه
خذ راحتك واترك احساسي ورى ظهرك
شاعرك مستاءوافكاره جنونيه
يؤمن باشياء:مايقدر يفسرها
ويفكر باشياء: جبريه وحتميّه
الكون في نظرته من شرقه لغربه:
كل شئ في داخله مسلوب حريّه
الروح مسجونه في جسم البني ادم
ولادمي منسجن في كوره ارضيه
وبالرغم من كبر الكوكب المائي
الارض مسجونه بقبه سماويه
لذا يكون الخضوع:احيان بالفطره
تحت أسس واضحه لاحكام كونيه
والدين في نظرته من وحيّه لفقهه:
أسمى رتب الاحتياجات الغريزيّه
تأكيدلامنطقيّ الفكر بالمنطق
وتجسيد الاعجاز في فكره بديهيّه
اعطاء الانسان معنى انسان فعليّاً
احساسه بقيمة العيش بشموليّه
لذا يكون الرقي في اعظم احواله:
تعلق الذات بالذات الألاهيّــه
والحكم في نظرته من عدله لظلمه:
تصحيح الاخطاء في صوره ضبابيه
تصريح:بان الحباة المقبله اجمل
وتوضيح:معنى الفخامه والرفاهيّه
وفساد الارض وخضوع الحق للباطل
الحاصل من الصراعات السياسيّه
لذا تكون الدول في العالم الثالث:
هيئه لتنفيع مجموعه حراميّه
والعب في نظرته من بعضه لكله:
الركض خلف التفاهات الكماليّه
تكريس الاذهان في مالا ينميها
برنامج.. مسابقه .. جلسه رياضيّه
اهم العقول تكون مشغوله
فاشياء لايمكن تسمى : مصيريّه
لذا تكون الشعوب: اجساد تتكاثر
وتمارس الدجه بصوره جماعيه
والمجتمع مسرحيه والبطل فيها
أفضل ممثل لتمثيل المثاليه
والانتماءات للاحزاب والمذهب
ماهيب محصوره بموطن وجنسيه
تشل جسم البلد وتشتت الوحده
تزرع تفرق وتجني حرب اهليّه
والناس فالناس مدري ويش مشغلها
حسبي على نزعة النفس الانانيّه
تخلي الادمي مشغول في ربعه
عين فبني عمه وعين فبني خيّه
عنده حساسيّه من الناجح الاقرب
والقرب لازاد..تزداد الحساسيّه
ولوأنه مراقب أوضاعه ومصلحها
كان العلاقات بالغالب حميميّه
والرجل لابد يصنع نفسه بنفسه
ويجابه المستحيلات بعصاميّه
تحفظ قياسيّة الارقام وتسجّل
من اجل تحطيم الارقام القياسيّه
وتعامل الشخص مع غيره يبيّن لك
مقدار مافيه من أزمات نفسيّه
والرحمه أصدق مشاعرنا وأروعها
لله در..التواضع والمحنيّه
وممارسة قوة السلطه على ضعيّف
ردة فعل ناتجه عن ضعف شخصيّه
على التناقض تعيش العالم وتحيى
بعقول وحده وبافكار انتقائيه
ولاهو ضروري طبايعهم تفرقهم
الاختلافات احاناً ظروريه
مايجذب الموجب الا روعة السالب
والضد بالضد قمة بالرومانسيه
خذني مثل حي رغم اعجابي بنفسي
وتقديري لكل طبع وخصلةٍ فيّه
عمري ماحبيت وحده طبعها طبعي
أنا حياوي ولا أحب الحياويه
أسرفت واعذرني اليا أسرفت ياضيفي
الليله زيارتك ماهيب عاديّه
اليا متى والشعر ماشبه الشاعر
وعلاقته فيه محدوده ورسميّه
لكن خلاصة حديث المدرك الهايم
في وادي أفكاره الغر الفجائيه
لوكل ماساد بين الناس مقنعنا
ماعاش الابداع فارض الاتباعيّه
مع وافر الكره والتحقير والضيقه:
سحقاً..لكل السخافات الوراثيه!!

يعطيك العافيه

"تقبلي مروري"

يسلمو