الزمن طبعه كذا .. جنااااااااااااااااااااااان

وبعد ماطلــعت برا الفله اطلقت لضحكتها العنـان كانت تضحك بطريقه هستريـه لدرجة أنهـا جلست على لأرض من كثر الضحك مو قادره توقف ..
جـاتها هديل اللي كانت تلعب برا مع وائل و وسن ووقفت بجنبها
هديــل :خالتووو وش صار ليش تضحكين !!
سالي اللي جالسه على ركبتها وماسكه بيد بطنهـا وباليد الثانيه متركيه علىلأرض:ههههههههههههههههههههههههههههههه
هديل بليزههههههههههههه لا تكلميني تزيديني ضحـك ..ههههههههههههههههههههههههههههههههههههههههههههه ههه ههههههههههههههههههههههههههههههههههههههههههههه ههه.
وتركت بيديها الثنتين على لأرض ومددت رجليها على لأرض بتعب.....
وهـج اللي حاطه يدها على خصرها واقفه وراها:لا ياشيخـه وين جالسه أنتي عدل جلستك وحطي الطـرحه هذي على شعرك وزري عباتك ..
سالي:هههههههههههههههههههههههههههههههههههههههه ههههه ه بليز لاتقولين ياشيخـه تذكريني بالي صار داخـل هههههههههههههههههههههههههههههههههههههههههه... ...
هديل براءه :وهج سالي ليه تضحك لتكـون أستخفت ..
سالي وقفت فجاءه عن الضحك :ياحماره هديلوووووووه أنقلعي عن وجهي,,هذا كلام تقولين لوحده أكبر منك ...
وهج وهي تصفق :براااافوووو شاطره فاهمـه الدرس ,,ليتك تعلمين نفسك قبل ماتحشين راس هديل بهالنصايح ..
سالـي اللي حطت يدينها تحت راسها وتمددت على العشب:وهج واللي يسلمك لاتخربين علي وناستي ...
وهج وهي ترفسها بخفه برجلها:قوومي الله يأخذ بليسك على بالك أنتي بالبيت ,, تصدقين ولا لبنانيه جالسه على البحر وش رايك تفسخين ملابسك بعد ..
سالي اللي قامت وتنفض عباتها عن لأعشاب اللي اعلقت فيهـا:والله البنانيات مايجن شي عندي ,,بس بعدك اسوي مثلهن ..
وهج :شفتي نجـاح بنت عمي ...
سالي :ايه ش فيهـا ..
وهج :شكلها حبوبه غير عن أختها ..
سالي :ياعمري أنتي كل الناس عندك طيبين ,,ذولا تربوا على الشـر مستحيل أحد يطلع منهم صالح ...
وهج :حرام تحكمين عليهم وأنتي ماشفتي منهم شي...
سالي :طيب خليك منهم اللحين وين نروح ..
وهج باستغراب:ندخل عندهم وين بنروح بعد...
سالي هي توقف بوجها وتحط يدها على خصرها:لاحبيبتي مستحيل ادخل عند شويخ بعد اللي صار أنا ماقدر على لسانها اللي مثل الحيه ...
وهج :اووووووف تسبب بالمشاكل وترميها على الناس ,,اللحين الادميه وش قالت لك مو أنتي اللي تشمتي فيها وطلعتي ...
سالي:ايه مو عشانها ماتكلمت ماراح تفوت فرصه وتردلي اللي قلته ..
وفي لأسطبــل...
ناصــــر:ماشاءالله عندكم مجموعــه حلوه ..
أبو ياســر:البركـه بياســـر هو اللي استورد هالمجموعه من باكستان ..
ياســـــر بحماس:وان شاءالله بدخل فيهـا مسابقات الموسم وماراح يفلت من اسطبلنا كأس الموستورد ..
ناصــر:على الخيل اللي عندك اضمن لك الفوز إن شاءالله ..
ياسـر بغرور:هذا من ذوقك ياولد عمـــي..
أبو ياســــر وهو ياشر على كابينه فيهـا حصان شديد السواد :هذا مو عز الخيل اللي فاز بكأس الملك العـــام ...
ياســــر :الا هو ,,شرايك فيه ..
أبو ياســــر وهو يقرب منه ويمسح على راسه :ماشاءالله ,,ماشاءالله.. كيف قدرت تشتريه ..
ياســــــر بغرور : تربيتك ياطويل العمــــر..
ناصـــر :وبيقدر اسطبلك على المنافسـه خصوصاً إن فيها اسطبلات معـروفه ولها باع طويل فهالمجال..
ياســـر:مو عشانه معروفين ماراح يحسبون لأسطبلنا حساب وبيكون مفاجئة الموســم..
أبو ياســــر:ياســــر قول للعمال يجهزون 3خيـول تكون مروضـه عشان البنـات أكيد يبغون يركبون ..
ياســر:يبه الله يطولنا بعمـرك والبنات وش هوله يركبن اذا طاحت وحده منهن وتكسرت رجعوا الحريم الوم علينا..
أبو ياســــر:خلهم يستانسون بعدين أنا واعد بسمــه ,,وماراح اخلف بوعدي..وهو يطلع من لأسطبل :لاتنسـى خيل مروضه ..
وبقوا ناصــر وياســـر لحالهــــم لأول مــره من زمــــن بعيــد ...
ياســــر:تجــــرب...
ناصــــر:من زمان ماركبت خيل ..
ياســــر : حتـى ولو ماينخــاف عليك ..
ناصـــر:ماعندي مانـع ,,بس ماظن تبغانا نركب خيل بثيابنا..
ضحك ناصر وهو يتصور أشكالهم وضحك ياســر اللي تصور نفس المنظـر :ههههههههههههههههههههههههههههههههههه.
ياســـر: بنطلـع وكأنا بمسلسل بدوي,, ولا يهمك اللحين بجيب من سياره بدلتين للفروسيـــه اتوقـعك لك نفس مقاسي ...وطلع ..
وبعد ماخذوا امكانهم في ميدان السبــــاق ,,وصوب قاســم (احد عمال الاسطبـل ) طلقة لبدايـــه..
انطلق ياســـر بحصانـه يسـابق الريـــاح كــان ناصــــر مايقـل عنه فروسيـــه ولاكن انقطاعه عن ركــوب الخيــل كن لـه اثـره ..
وعند نقطة النهايه وقف ياســـر وهويحـاول يسيطــر على حصـانه اللي هاج فجاءه ,,ولحق بـه ناصــر بعد ثواني ...
وبعد مانزلوا ..
ناصــــر:وش صــار ..
ياســر وهو يرفع له حاجب :تصدق حتـى أنا مادري وش صـار ,,مو من عادتــه شقـران يكون هـادي كذا بس بالأخيـر طلع على حقيقتـــه ..
ناصـــر :يعنــي أنت مستغــرب أنه هادي وأنا مستغرب أنه هـايج ..سبحان الله ..ولله في خلقـه شؤون..
يـاسـر:بلاك متعـــرف شقــران ذا مو أي أحد يركبه جلست ست شهور اروضــه ...
ناصــر:وكيف تشارك فيه بسباقات ..
ياســـر:انا من يوم اشتريته ماشركتـه بسباقات لأن مشاركتـه بهالوضع تسبب خطـر للي بيركبه ولمتسابقين غيـره ..
ناصـــــر وهو يعطي العامل رسن الخيل:بس شكلك ماشتريه بمبلغ مو هين ..
ياســـــر:شريته بملايين ,,وكنت ناوي اشركـه بسباقات وحصد من وراه الجوائز وسمعــه ,,بس اللحين غيرت رايي ومابغـى أحد يركبــه غيـــري ...
هــــــز ناصر راسه بتفهــــم وهم يطلعون من لأسطبل متجهين للفله
سالــي اللي متمدده على الكنبــه وتلعب بالجوال وتصور نفسهــا:وهــج,,وهج ,,وهججججججج..والتفتت عليها بخوف أنها تكون طلعـت لكنه شافتها على نفس وضعهـا جالسه على الكرسي اللي جنب الباب ..
سالـي وهي ترمي عليها مخده :وهج وصمخ لي ساعه اناديك ليه ماتردين ..
وهج وهي تقلد سالي بطريقة كلامهـا:اووووف طفشتين اوذتين اشغلتين وبعدين معك ...
سالي وهي تضحك بسخــريـه :ههههههههههه ..ضحكتين ,,ماتعرفين تقلدين ..
وهج :سالي والله خايفـه امشي نطلع هذا شكله مجلس لرجال ..
سالي وهي ترجع تنام بنفس الوضعيه:لاحبيبتي لاتخافين مو مجلس الرجال ,,ماتشوفينه معفوس كنه شقة عزوبيــه ..
وهج :طيب أنتي له مو راضيه نرجع للفلـه...
سالـي:لاااااه عشان تمسكني أمك وهات يتهزيء...
وهج :ماتبين تتهزئيـن اعتذري من عمتي شيخــه ويادار مادخلك شـــــر...
سالي اللي قفزت كنها ملدوغــه :تهبى ماعاااااد الا هي اعتــذر لشيوووووووووخ..كانت هالكلمــه على دخلـــت ياســـر..
اللي فتـــح الباب بقوه ,,وهج اللي كانت بالكرسي اللي جنب الباب دايركت تغطت بطرحتها اللي على كتوفهـــا ...
سالي تجمـــدت على نفس الحركه وهي فاتحه عيونها على لأخيــــرمن الصدمـه ,,,
ياســــر كانت صدمتـه أكبـــر لأن اللي شافه ماينــوصف عيونه ابت أنهــــا تناظـر بشي غيـر وجه سالي اللي كان اجمـــــل مارأته عينه ...سالي مانتظرت أكثر وغطت وجههـــا بطرحتها وبكــذا اسدلت الستـــــار عن اجمــــل وجـــه ابدع بتصويـره الخالق .....
سالي بدات بالهجـــوم :ماشاءالله عليك ياولد لأصــول كذا تدخل على الناس ...
ياســــــر:واذا كانوا الناس ذولا مايعرفــون لأصول ويتكلمون عن أهل البيـت وهم بيتهــم وش تسمينــه يابنـت لأصــــول ...
سالي بطريقتهـا اللي تنرفز :ماشاءالله هذي اللي ربتك عليه فطوم تســمع على كلام غيـــرك ...
ياســر بهالحضـه شياطين الدنيا كلها تناقز قدامــه نسـى كل مابادئه وتجـــرد من رجولته اللي تمنعـه يمد ايده على حـرمـه ..
ياســر :انا اوريك اللحين وش أسـوي لو كنت ماني متــربي ...
وجرهـــا مع عباتهـــا ورماها على الكنــب واخذ عقــاله اللي كان مرمي على طاوله ..وهج ماستحملـــت الموقف وجلست تبكي بطريقــه هستريـه ...
وهج وهي تبكي:ارجـوك لا اتركهاااا حراااام عليك يامجـــرم ..
ياســـــر وهو يلوح بالعقال بوجه وهج :جبببببببببببببببببب ولاكلــمه ..
سالي وهي تقوم من الكنب وترتب عباتها وبطريقة ساخـــره :لو كنت رجال وريني شطارتك وحاول تمــد ايدك علي اذا ماخليت كل اللي بالمزرعه يتلمــون علينا ,,عشـــان يشوف أبوك ولده اللي ينشد فيه الظهــــــر وش قاعــد يســوي,, ويعرفــونك على حقيقتــك ,,ولد فطـــوم وش بتطلــــــع يعنـي ماخس من امك الا أنت ...
ياســـــر اللي زادت عصبيتــه وقرب منها بتهور وهو يرفع العقال بتهديد :جبببببببببببببب ,,وصـرخـي بملي فمك,,وكلامك ولاحـــرك فيني شعــــــره..
سالـــي بوقاحتهـــا اللي صارت طبــــع :على بالك بقول بيضر بني لابقول انك كنت ....... وقطع كلامهــــا وهج اللي حطت ايدها على فمهــــا عشـان تمنعهـامن تكملت كلامهـا اللي صدق لو قالته ياســـر ماراح يرحمــها..
وهج وهي تشاهق :بسسسسس انتي اللي تستثيرينه حراااام عليك سالي الله يخليك اسكتـــــي ...ودخلت في نوبـة بكاء شديده من عظـــــم الموقف اللي انحطـــت فيـــه ...
ياســــر اللي وصل فيــه الغضب حده :اللحين بطلــــع بس عشـان هذي >>ويأشــــر على وهج ..خايف تمــوت علي,,بس واللي رفع سبــع إن لخليك تندميــن على كل كلمــــة سب نطقتيهــا بحق أمي وحقي ..
وطلــــع ياســـرمن المجلــس بعــــد مارمـى على سالي نظرت احتقار ...
ياســـر كان ماتوقـع انه يسمـع من سالي أي سب أو استنكــار بس ابد ماتوقع أنه بيسمـع ضحكتها اللي استفزتـه وكان بيرجع بس انه مسك أعصابه ..وعشان يهـرب من صدا ضحكتهـا اللي يتردد بأذنــه هرب من المزرعه كلهــــا ...

سالــي وهي تمد ايدهـاللوهج الجالسه على لأرض :وش فيك حلت لك جلست لأرض قومــــي نطلع خلاص البعبع راح ...
وهج دزت يدها اللي مادتها لها وطلعت بدون أي كلمه ..
سالي وهي ترمي عقـال ياسـر اللي بالأرض برجلها :ياحليلــه ولد فطـــــوم بيطقني هههههههههههههههههههههههههه
هههههههههههههههههههههههههههههههههههههههه

دخلت وهج الفلـــه وهي تحاول تماسك وتوقف عن البكاء ,, مرت على الصاله اللي كانت جالسين فيـها الحريم بعد مانضمـت لهم سعــــاد ,,وجُنـى وأبتهــــال ..وهج كانت بتصعد الدرج ماتبغى أحد يشوفهــا ...بس امهـا نادتهــا..
أم ناصــر:وهج يمــــه تعالي سلمي على عمتك سعـاد ..
سعـاد وهي تسلـم على وهج :ماشاءالله عليهم بناتك يأم ناصــر الله يحفظهم لك ...
وهج كانت تبغى تطلع فوق ترتاح من الموقف اللي مرت فيه بس ماقدرت ,,جات وجلست جنب جُنــى...
جُنـى:وش فيك ,,شكلك كنتي تصيحين ..؟
وهج:مافيني شي ولاتسوين عمرك فاهمه وتعرفين كل شي ...
جُنـى:بسم الله علي ماقلت كلمه الا اكلتيني ..وين الأنسه سالي...
وهج :..........
جُنـى:ايه خلاص فهمت متخانقين وانتوا زي البزران ماتجلسون مع بعض الا تهاوشون ...
وهج :حلي عني ياشيخه وفري نصايحك لنفسك ..
دخلت سالي اللي ماكان للموقف أي تأثيـــــر عليها سلمـــت على سعــاد وجلست مع الحــــريم ...
أم ناصـر:وين كنتوا من طلعتوا الصبح مارجعتـــوا ..
سالي وهي تحط رجل على رجل :كنا نتمشى بالمــزرعــه ..وتلف على فاطمــه وهي تميل راسه وتسترخي بالكرسي:تصدقين يأم ياســــر "تنطقها بطريقه مستفزه " المــزرعه وايــد حلوه واضح أنه متعوب عليهـــــا ..
فاطمـــه بتكبـر:أكيد بتطلــــع حلوه أي شي يحـط ياســـر ايده في يطلـع حلــو..
سالي بسخـريه:مو ايد هذي العصــا سحــــريه ..
نزلــوا فاتن وبسمــه وبعــد الســلام ...

بسمــه اللي جلست جنب أمهــا بدلع :يمه قلتي لأبوي نبي نركب خيل ...
فاطمـــه :ايوه حبيبتي قلت له ...
شيخــه :وش تبون تركبون بس عشان تكسرون ,,ليكون وافق أبـراهيم ..
فاطمــه :أكيد بيوافق وهو يقدر يرفض لدلوعته بسمـه طلب ..
شيخــه :بس موكل الطلبات تنفذ ...
فاطمــه:اللي نقدر عليه ماراح نقصــر فيه على عيالنا ...

وبالمجلــــس عند الرجال ..
أبو ياســـــر كان معصب على عياله لأنهم ماصحوا إلى بعد صلاة الظهــر :لو كملتوا نوم لين العصــر أفضل ,,انتوا جاين تمشون وتو سعون صدوركــم ولاتنامون ...
بندر: اسفين يبـه بس البارحه سهرنا لوقت متأخـر..
ريان :وبعدين حنــا متعودين نصحى بهالوقت ...
أبو ياســـر:لا وتقولها بقواة وجه أنا ماجبلي الضغط الا برودك هذا ..
عبدالله :هد اعصابك ياعمـي الله يطولنا بعمـــرك ,,ترا العصبيه مو زينـه لك ...
ريان يتكلم بصوت واطي لوليد اللي بجنبـه :ولييييييه عصب الشايب اللحين وش بيفكنا منه بيعطينا محاضره طويله عريضه ...
وليد وهو يناظره بأستحقار ويكلمه بنفس درجة الصوت :فيه أحد يتكلم عن أبوه كذا ,,أنت ما مخرب اخلاقك الا نايفووووه الزفت ...
ريان:هي أنت وش خرب أخلاق هذي بعد ليه شايفين عندك ورع ,,وعلى طاري نايف الدب نايم ولا أحد فكر يصحيه وحنا نتلقى التهزيء هنــا ..
ابـو ياســــر:بنـدر اتصـل على أخوك شوفـه وين ,,وقولهم يزهبــون الغـداء...

كان منطلق بسيارته بأقصـــــــى سرعه وصوت ضحكتهــــا يتردد براسه ,شغــــل الراديو ورفع الصوت عشان يغطي على الصوت اللي براســـــه ...
واللي قهــــر أكثر وخلى رجله تدس على البنزين بقوه فكــــره اللي خانه وراح يفكــــر بجمالها اللي ماشافــه على بشـــــر ,,
وهو يكلم نفسه :عمــــري مافكـرت بالجمال عمري مافكـرت بنت وانا كد شفت أشكال والوان ليه هذي بذات اعجبتني ,, لا وش يـ ياسـر اعجبتني هذي بعد ,,وش صار لي وش سوت فيني
وبصوت مسمـــــوع :حلوه ماقلت شي حلوووه موت بعد ,, بس
جنت على نفسهــا يوم اختارت عداوتي على بالها بهالسهــوله
الموضــوع تسب وترفع صوتهــا على ياســـر وينتهي الموضــوع لاياحلـــوه ..دامـــك أختــــرتي هالطــريق أنا ماعنــدي مانـــع
أنا ماخليتها تعض اصــا بعهــا ندم ماكون ياسـرالـ.......
ادار سيـــــارته وعاد الــى المــــزرعــــه بنشـــوة التحــدي ...

بعــــد صلاة العصـــر كانوا البنــات بالســاحه حقت ترويض الخيل اللي حطولهــم العمــال الخيل فيهــا ,,سالي ماكانت تبغى تجي لاكن بعد تلميحات بسمه وفاتن انهــا تخاف تركب خيل جات,, لأن سالــي من صغــرها تحب الخيل وكانت تدرب على ركوب بمزرعة أبوهــا اللي فيهــا أجود أنواع الخيل حتى صارت مهاره ومتمرسه ..
فـاتن وهي راكب على الحصان:بسـمه تعالي اركبي معاي اخاف لحالي...
بسمه وهي تركب خيل ثاني :اسفــه أنا أحب اخذ راحتــي وماحب الخوافين مثلك يركبون معي ..
فاتن :ابتهال اركبـي معي ..
ابتهال :انا بركب مع جُنـى ماتعرف ...
بسمــه :يالله فتووووون قوي قلبك ,,واستعجلي عشان البنات الباقين يركبون لأن الشباب بعد المغــرب بيركــبون ...
سالي كانت جالسه على السياج ووهج واقفــه عندهــا ...
سالي :خلاص انســي اللي صار وخلي اليوم يمــر على خير ..
وهج:انسـى واللي صار ينســى,, سالــي انتي صرتي خطــر على نفسك تصرفاتك المجنونه مدري وين بتوصلك ...
سالي وهي تحرك رجولها اللي ماتصل الأرض بالهواء:وهج قفلي الموضوع هذا مو المكان المناسب اللي نفتح فيه موضوع زي كذا ...
وهج :طيب أنزلي لاطيحين ...
سالي :لاتخافين متمسكه زين ,,تعالي اجلسي جنبي ...
وهج :لا ياشيخــه تكسري لحالك ,,انا مو بايعه عمـري..
سالي وهي تصنع الزعل :افااااا وتهون عليك خالتك حبيبتك ...
وهج :تدرين أنك ماتهونين علي فمالها داعي هالتمثليه ...
اقتربت منهم بسمــه وهي تمشي وماسكه لجـام الخيــل...
بسمــه: يالله بنات دوركم...
وهج :لا أنا اخاف مو راكبــه ...
سالي :طول عمــرك خويفــه,,,وتوجه للكلام لبسمــه :مابغى هذا مافيه غيــره ..
بسمــه وهي منغاضه منها:غيــر ثلاثه ذي مافيه الا اذا كانت عندك الشجاعه انك تدخلين لأسطبل وتختارين غيره ,,وناظرتها بتحدي ...
ردت سالي لها نظرة التحدي وتوجهت لبوابة الساحه الي تفتح على لأسطبــل ولحقتها وهج ....
ركبت بسمه على فرسها وجلست تنتظــر سالي وش بتسوي ..تقربت منها فاتن :وش فيهــم راحو للأسطبـل ..
بسمــه :المجنونه سالي مو عاجبها الفرس هذا وراحت للأسطبل بتأخذ غيــره ..
فاتن :مجنونه كيف تدخل للأسطبل صدق جنيه ماتخاف ....
بسمــه :أخاف تأخذ خيل مو مروض ويويلي من ياســر وهو من البدايه ماكان راضي نركب اصلاً لولا تدخل أبوي...
فاتن اللي ابتسمت على ذكــر ياســر :ماعليك منهاهي اللي مسويه فيهــا بطله ..
طلعت سالي من لأسطبــل وهي تقود حصــان أشقــر في غاية الروعه,, و وراها وهج اللي حاولت تثنيها عن تصرفها بس ماقدرت ...
..لكــن اللي صدم الجميـع إن الحصان هذا كان شقـــــران حصــان ياســـر المفضل ولي مو أي أحد يركبــه ...
بسمــه :لا بليــز سالي الا هذا ياســر مايسمــح لأحد يركبه غيره بعدين هذا خطير ...
ابتـــهال :والله خطيــر بيطيحك اذا ركبتيــه...
ناظرتهم سالي بنظرة تحدي وقفزت على ظهر شقران بكل رشاقه ..
صاحبتها صرخات البنات الخائفــه ...
وبلمح البصــر انطلقت فيه لآخــر الميدان ...
كانوا جُنــى ووهج يصرخون عليهـــا برعب أنها ترجع بس لا مجيب ..
كانت سالي تحس انها طايره تحس بشعور بنشــوه ولا نتصــار لأن ركوبهــا حصــان ياســر المفضل بيحرق قلبه ..كان شقــران يركض بســرعه وكأنه ماعلى ظهره أحد ... ووصلت لنهايه بسلام ورجعت تدور على الســاحه بمهــاره عاليــه ...
ولكــن هدوء شقــران ماطول فجاءه هاج وأرتفع فوق عشان يرمي سالي اللي على ظهــــره ..
البنــــات يوم شافوا الموقف صارخوا بصوت عالي (وصلني هنــا بالرياض هههههههههههههههههههه) وكلهم نزلوا من على خيلهم وقفزوا خلف السياج ...

الشبــــاب (با ستثناء ناصــر ونايف ) كانوا جالسين بمكــان قريب من الأسطبــل تحسباً لمثــل هالمواقف...
ووصل لمسامعهم صراخ البنات ..
بنــدر:وش صار وش فيهــم يصــرخون ..
وليد :ماتعرفهم البنات حتى لو شافوا صرصور صرخوا ....
الكل :هههههههههههههههههههههههههههههه...
ورجع صراخ مره ثانيه بشكل أكبــر ..
ياســـــر :لا شكــل صــار لهم شي كبير ..أنا رايح لهم ..
وليد بطريقه كوميديه:تعاااال يابو شباب استهد بالله لتهـــور,,مسويه روحه خايف على البنات وهو خايف على خيلــه ..
الكــل :ههههههههههههههههههههههههههههههههههه.

حاول ياســـر يتصل على جوال بسمـــه بس محد يرد عليـــه ..
وصرخات البنات المرعوبه تزيد كل ماقتـــرب من لأسطبــل لين وصل للمكان كانت هيائتهم واضحه فيه بس ملامحهم غير واضحه
ومن الزاويه اللي واقف فيهــــا شاف البنات واقفين خارج الســاحه ويصرخون باســم أحد بس ماكان كلامهم واضح ..
غيــر مكانه بحيث انكشفت له كل الساحه وشاف فيهــا اللي ماتمنى يشوفــه شقــران حصانــه المفضل بأقسى حالة الهيجان وشخص ما راكبــه ,,مايدري ليش حاس أنها هي اللي مافارقت باله لحضه من ذاك الموقف ,,واقف يراقب الموقف من بعيد مع أن اللي راكبه كان في خطــر بس ماتدخل ,,وكأنه يتشفى منها وهو يشوف شقران كيف يتلاعب فيهــا ,,وشاف بعــد اللي أثــار جنونه شاف كيف سيطــرت على شقران ومشت فيه لين لأسطبل ونزلت منه ودخلته لأسطبــل بكــــل هدوء ...
بعد اللي صـار انسحبـــو البنات كلهم من الســاحه وتوجهوا للفلــه...
اتصل ياســـر على الشبـاب يجون وراح يتطمــن على شقــران وهو من داخله يغلي...
اقامــوا الشباب سباقات بينــهم كانت حمــاسيــــه ,,
بعــــد العشاء قرر ناصـــر يرجع البيت لأنه عنــده شغــل يــوم الجمعــه فرجعـــوا اهله كلهم ...

وفاليــــوم الثاني بعد صلاة الجمعـــه مشت كل العوائـــل ..ماعدا ياســـر اللي انتظـــر لين العصــر ..
كان بنفس المجلس اللي تهاوش معها فيه كان يجمع اغراضــه بشنطته الرياضيـــه عشان بيرجع البيت كان بيطلع بس انتبه لجواله المرمي على الكنبـــه ورجع ياخذه ...
طوال الطريق وصورتهــا مافارقت خيالــه حاول بكل الطرق أنه مايفكر فيهـا بس عقله يخونه ويرجع يفكـــرفيهــا...
قطــع حبل أفكـــــاره نغمــة الجـــــوال (بابا فين باباهنا هنا هوه اول مين اول عمـوه ...الخ )
استغــرب ياســـر من هالنغمـــه لأنهـــا مستحيل تكون نغــــة جواله طلع الجـــــوال من جيبه وفتـــح وانصـدم بخليفـــة الشاشـــه اللي كانت صورة بنت ,,والبنت هذي معــــــروفه بالنسبه له وهي اللي مافارقت خياله من يومين وتوه يهوجس فيهــــا...

نهــــــاية الفصــل لأول
من الجزء الرابـــع

الجــــــــــزء الرابع
الفصـــل الثاني
وقف السياره على طرف الطريق بشكل مفاجيء,,تنهد بتعب وهو يتأمل صورتهــــا بخلفية الشاشـــــه جلس مــــده وهــو على هالحــــاله ..حتى انتبه على نفسه يوم رجع الجوال يـرن مره ثانيه كان بيرد بس بلحضه الأخيــره تدارك الوضع وحط الجـوال على السايلنت ورمــاه بالـــدرج السيــــاره ...
وهــــج : اوووووف اكيد حاطته على السايلنت عشان كذا مانسمعه يوم يدق...
سالي: اصلاً حنا جالسين نلعب على أنفسنـــا ولا الجوال وش بيجيبه للمطبخ..
وهج:اوووووووف منك طيب وش بنسوي دورناه بكل مكان ماله اثر ,,وبيأس :اتصلي عليه مره ثانيه يمكن نلقاه ...
سالي بالسخريه:نلقاه وين بالثلاجه ولا بالفرن ...
وهج:طيب بروح ادوره بالسيـــــاره مره ثانيه ...
سالي:قولي مـــره عاشـــــره مو مــره ثانيه ...
وهج وهي تطلع :انا بروح ادوره ولو للمــــــره المليـــــون
رمت نفسهـــا على الكنبه جنب جُنـــى اللي تذاكر ...
جُنـــى: بشـــــري لقيتوووووه....
سالي بقهـــــر :لا قلبنا الدنيــــا فوق حدر مالقيناه .. و وهج رجعت الدوره بالسياره...
جُنــــى وهي تناظر امها اللي دخلت الصاله:خلاص غيــــــري الموضوع لاتسمعك امي ..
سالي وهي توقف:طيب انا قايمـــــه اخاف من القهــــــر لساني يزل وغلط قدامها وبذاك الوقت من بيفكني من أمك ...

طلال بزعــــل:هذا جزاتي اني أحبك ومقدر اعيش من غيرك يومين
ماسمــع صوتك مروا علي كنهم سنتين ..
فاتن بضحكه كلها دلع: هههههههههههههه ياعمـــــري أنت ياحبك لتضخيم لأمــــور ...
طلال :والله من جد اشتقتلك حبيبتي ,,فتــوون قلبي ابغى اشوفك ,,امووووووت واشوف صاحبة اجمل صوت سمعته بحياتي ...
فاتن:احلم حبيبي الحلم بلاش ...
طلال :طيب مو راضيه تقابليني ارسلي لي صورتك ...
فاتن :طلولي حبيبي كم مره قلت لك لاتكلمني بهالموضوع ولا ترا مراح تسمع صوتي بعد اليوم ..
طلال:ياروح طلال انتي خلاص اخــــر مره تكلم معك فهالموضوع اهم شي تكونين حبيبتي رايقــــه ...

كانت جالســه على سريرها وحاضنه مخدتهــــا وغارقه بأفكــــارهــا
ليش فارس يوم كان سكـــران ناداني باسمــــى جُنـــى ,,,معقوله يكـــــون ,,لاااااااا مستحيل الا جُنى مستحيل يكون بينهــــم علاقــه انا اشك بنفسي وماشك بجُنـــى ,,طيب ليش ناداني باسمهـــا مي معقوله يكون حافظه من يوم قلت له عنــها طيب وش جابــــه على باله
يوم كان سكران ,,ليكون لااااااااااااا وقفزت من سريرهــــا وفتحت دولابهــــا بســــرعه طلعت الصندوق اللي كان ورى ملابسهـــا كان مفتــــوح انصدمت هي ما عمرها تركتـــه مفتــــوح طلعت لألبــــوم ومثل ماتوقعت فيه صور ناقصــــه مسكت راسها بعجــــز وبقهــــر صرخت : لا يااااااربي وش اقول لجُنــــى وهي الي ماتمنتني على صورها انا الوحيده اللي رضت تعطيني أصورها ....
وجلست تبكي على لأرض بقهــــر وقلت حيله .....

كانت ادور بالغــــرفه بشكـــل مزعج .....
وهج :بسسسسسسسسسسسسس ازعجتيني اجلسي يعني دورانك هذا بهالشكل هو اللي بيرجع الجوال ....
سالي وهي مستمره بدورانها: وهج احس الموضوع جدي,,مو مصدقه اني صرت بهالموقف,,اول مــــره احس بالخوف وتهديد من المجهول شعـــور مـقرف ...
وهج وهي تجــر شعـرها بقهـر:ياحبيبي توهــا تحس بالخوف
سالي بتجنيني الجوال من يومين ضايع وانتي توك تحسين بالخوف ..
سالي وهي تجلس على السرير:مدري توقعت بدوره والقاه ,,ماني قادره اتصــور انه كذا فجاءه يختفي ,,وبصوت مخنوق:وهج الجوال لو طاح بيد احد حياتي بتدمــــر ...
وهج :وهذي فيهــــا شك ,,كم مره حذرتك لتصورين نفسك بالجوال
بس ماسمعتيني ...
سالي:وهج هذا مو وقت اللوم قولي وش اسوي اللحين ...
وهج :اول شي لازم نسويه نتصل على لأتصالات يفصــلون الرقـــم ..
سالي:اوووووووف طيب وأنا وش بستفيد اذا على الفاتوره لوتجي 10 الاف مو مهم اهـــــم شي الصــور ...
وهج :موضـوع الصـور مو بيدينــا ادعي الله انهـا الجـــــوال مايطيح بيد انســان ممكــن يستغلــــه ..
سالي:طيب يمـكن يطيح بيد أحد يساومنــا عليه...
وهج بخوف :الله يستـــــر

كان جالس يدور بسيــــارته بدون هدف محدد يوم رن جواله وكان صديقـه سلطان ..
ناصـــر:الووو
سلطان:سلام عليكم ..
ناصـــر:وعليكم السلام هلا والله ..
سلطــان:بالمهلي وينك ..
ناصـر:والله قاعد افرفر بالسيـــاره أنت وينك بمـــرك ونطلع نتعشى..
سلطان :يعني افهم منك انك عازمني ...
ناصــــر:ههههههههههههههههههه ايه معـزوم اذا ماكنت مرتبط..
سلطان :لاحبيبي فاضي لك ولا عشاك ..
ناصـــر:خلاص جهـــز نفسك انا بدوار اللي قبل بيتكم ماراح انتظـر كثيــر عشر دقايق والا بيفوتك العشاء ..
سلطان :هييييي وش فيك أنت تكلمني كني بنت انطق عند الياب لين اطلع لك ..
ناصــر:هههههههههه محشــوم بس استعجــل ...
ورجــــع للمـوضوع اللي مضيق خلقــــه وهو يتذكـركلام عمـه له يوم طلب منه يجلسـون لحالهم ...
ابـوياســــر:زي ماقلت لك ياناصــر انت ولد أخوي وحسبة ولدي وحنــا نبغى ننســى الماضي ونفتــح صفــحه جديده ..
ناصــر اللي كان يجاريه بالكلام يبغى يعرف وش وراه:وانا ماقلت غيـــــر كذا ..
ابو ياســــر:طيب دام هذا رايك انا اقول مالها داعي المحــاكم والقضيــه اللي رافعــها ونحــل الموضوع ودي ,,وبعدين القضيه لها ست سنين ومانحكم فيهــا..
ناصــــر:لا تطمن ياعمــــي بالجلســـه الجايــه بينحكـم بتوزيع الورث,,والموضوع ذا أنت تدري عنه وواثق منه ولا ماطلبت مني اتنازل عن القضيـه ....
ابويـاســـر:ولو انحكـم بتوزيع الورث أنت بتخسـر واحنا بنخســـر ,,شـــركات العائله كيان واحد وراس مالهـــا واحد من ايام ابوي المــرحــوم ,,وحصة أبوك من ورث جدك الثلث ,,وبتقسيــم الشركات راح تنهــار لانهــا مكمله لبعضهـا...
ناصـر:والمطلوب ياعمـــي من وراى كل هالكلام ...
ابــو ياســر:تنازل عن القضيــــه ...
ناصــر:وورث ابـوي ..
ابو ياســر:تدخـــــل معنا شريك بمجموعة شــركاتنا وبنعطيك نسبة 15% من اسهـــم المجــوعه ...
ناصـــــر وهو يضحك بسخـريه: ماحسبتــها صح ياعمي قصدك 30%
وكل الريال من وفاة جدتي صرفته بأخذ مثله ....
ابو ياســـر:بس هذا كثيــر..
ناصـــر:لا ماهــو كثير هذا حقي وحق اخواني ,,ولا ننتظــر المحكمه ونشوف كيف بتقســم التركــه ..
ابوياســر:لا خلاص اتفقنــا بس بالنسبه للفلوس ماعندنا سيوله اللحين
والشراكه تعال بايام أنت فاضي فيه عشان نوقع العقــود بعد ماتنازل عن القضيه ..
ناصــر:بالنسبــه للفلوس ماني مستعجل ..اما القضيه فنوقع العقود وبعدين اتنازل عن القضيه ..
ياهووووووووووه وين وصلت يابو الشباب..
ناصــر:بسم الله متى جيت أنت ؟؟
سلطان:اوووووووه من زمان ولي ساعه اناديك وانت ولا كنك عايش بكون لحالك ..
ناصــر:وهو يحرك السياره ..خلك من هالفلسفه وقول وين تبغى تعشــى ..عندي موضوع مهم ابغى اكلم فيه ..
سلطان بتريقه :اذا تبغى تخطب من اللحين اقولك خواتي كلهن تزوجن الا اذا تبغى تحتري ريم للين تكبـــر..
ناصـــر:هههههههههه ومن هي ريم ..
سلطان :بنتي..
ناصـــر:هههههههههههههههههههههههههههههه أنت للحين ماتزوجت وتدور عريس لبنتك اللي ماجت ...
سلطــإن :ايه تعرف الزمن تغير والرياجيل الكفو انعدمــوا قلت احجزك لبنتي ...
ناصــر:هههههههههههههههههههههههههههههههههههههه ههه.
والله انك رهيب تغيــر مود الواحد غصبــاً عنــه ....


وهـج وهي تتقلب على السريــر:شكلي بكـــــره مو رايحــه الجـامعه ..
سالـي وهي تنقلب على جهتـهـا:وليش أنشــاءالله اذا بتغيبين انا احق منك انا اللي طاحيه بمصيبــه ...
وهج:انتي مالـك أسبــوع مداومــه وبترجـعين تغــيبين ...
سالي:اوووووووف يعنــي لازم اداوم بجلس معك ندور على حل ...
وهج وهي تجلس وتربع على السـرير وترفع سبابتهـا بوجه سالي بتهديد:بداومين وانا بغيـــب ومشكلتك مالها حــل وهذا اخــركلمــه عندي فاهمـــــه ...
سالي بنفس الطريقه وقربت راسهـا منهـا بتحدي :لا مو فاهمـــه وبشوف من بيجبرني ...
وهج وهي تنام وتلف على الجهه الثانيه :تصبحين على خيــــر...
سالي :وانتــي من أهلــــه

وبالصبـــاح صحت وهــج وماكانت سالي موجوده ...
وهج وهي تمدد ايديهــا بكسل :اشــوا داومت بروح اتصــل عليهــا ..
ورفعت السمــاعه واتصلت على رقمــها الاول بس ماحد رد ..
وهج وهي تضرب راسهـــا :اوووووووه نسيت إن جوالها ضايع باتصل على رقمــها الثاني اللي مع جُنـى اكيد اخذته منها...
اتصلت بس كان مغلق ..
وهج:اوووووف اكيد بالمحاضره وحاطتــه على خدمـة مو جود...
ورجعت تنـــام ....
دخل ناصــــر للبيت مستعجــــل ..
سلطان :لحضه وين رايح ..
ناصــر:بدخل تسبح واغيــر ملابسي وجيب الأوارق ..
سلطان:لايالحبيب وانا انطق هنا انتظــرك ,,مايكفي انك مخليني أستئذن من الدوام واجي معك ...
ناصــر:سلطان خلصني وش تبي ترا أنت اللي معطلني..
سلطان :عطني مفاتيح سيارتك بروح افطــر عشــر دقايق وراجع لك .
ناصــر:خلاص تبغى تفطــر تعال معي ,,وجره مع يده ..
سلطــان:تعال وين بتوديني...
ناصــر وقفه عند باب المطبخ :تفضــل أفطـر الوقت هذا البيت مافيه احد الا الوالده واليوم معزومــه على شاي الضحــى ...
سلطان :طيب بس لتأخر اخاف تجي أمك وتحسبني حرامــي وتتصل على الشــرطه ويقبضون علي وبكــره بالجرايد تطلع صورتي مكتوب تحتهــا حاميها حراميها ...
ضربه ناصــرعلى راســه :بتقص لي قصة حياتك ,,يالله انا طالع فووق خذ راحتك البيت أو قصدي المطبخ مطبخك ....

بعد نصف الساعه من محاولة النوم ..
وهج:اووووووف لو اني بالجامعه كان راسي مو قادره ارفعه من الكسل واللحين النوم مو راضي يجيني ..ليه مانزل تحت افطــربس اخاف اشووف ناصر هو يجي هالوقت يفطــر لا توه هو يجي الساعه عشر واللحين 9:40 باقي ربع ساعه ويجي يمديني انزل اجيب شي اكله ورجع قبل مايجي..
نزل وبنطلونهــا برمودا وعليها رسومة دباديب صغار بالأزرق ...شعرها البني اللي كيرلي رافعتــه وكان نازل منه خصل بشكل مبهذل ...

سلطان كان جالس على طاولة الطعام يفطــر بعد ماحطت له الشغاله الفطور وحاط شماغه على كتفه ..
دخلت وهج المطبخ واتجهت للبارده تشرب ماء بحيث مانتبهت للسلطان اللي جالس يفطــر ..
وهج وهي تشرب ماء:ميري حطي لي فطور و سوي معه نسكافيه وطلعيــه فوق
بس لاتقولين لبابا ناصــر اني موجوده اوكي ...
ميري :بابا ناصــر في غرفه مال هوا فوق ..
وهج :وليييييييه هذا وش جابه هالوقت طيب لاتقولين إن وهج موجوده اوكي ميري..
ميري:لا انا مافيه قول ,,بس يمكن صديق مال هوا قول وهي تأشــر على سلطان ..
وهج ناظرت بالي تأشــر عليه سلطان وشافت سلطان اللي ناظر فيهــا وعلى وجهه علامة تعجب..
جمدت وهج بمكانهــا ماتدري كيف تتصــرف عمــرها ماتصورت يصيــر لها موقف زي كذا وين بيتهم ومع مين مع صديق أخوها اللي مامر على موقفها لأولي معه شهــر..سمعت صوت ناصــر ينزل مع الدرج و هو يكلم بالجوال..
فتحت باب المطبخ الخلفي وطلعت بســرعه ..

سلطان كان جالس عادي وفجاءه حس انه انصب عليه ماء بارد يوم سمع صوت بنت تكلم مع الشغاله يعني البيت ماهو فاضي زي ماقاله ناصــر الموقف اللي كان فيه لايحسد عليه ..ويوم رفع راسه يشوفها عرفهــا على طول مستحيل ينساهـا من بعد اللي سوته فيه ذاك اليوم,, سمعهــا وهي تقول لشغاله لا تقولين لناصر إن وهج مو جوده يعني اسمهـا وهج ,, وشافهــا يوم ناظرته ببراءه بعيونهــا الناعسـه وكأنه تسأله وش جابك هنــا ..
ناصـر :سلطان سليطين اوووووووف وبعدين معك وبصرخه :سلطان ...
انتبه سلطان على صرخة ناصر وتلفت يدور وهج بس اشوا ماكانت موجوده متى طلعت مانتبهت لها..
ناصــر اللي يأشر بيده قدام وجه سلطان:وش فيك تلفت شوفيني هنا جالس قدامك ..
سلطان :ومن قال اني ادورك..
ناصر وهو يوقف:اها بس خلك من الحكي الفاضي وامش ورانا شغل ..
تقدم ناصــر سلطان وطلع من البيت سلطان كان يتلفت لباب البيت وكأنه يدور احد ..
جره ناصر من يده :لا والله اليوم منت صاحي بس لاتكون الشغاله سحرتك..
سلطــان بنفسه :لا والله أختك بعيونهــا الناعســه هي اللي سحرتني انا من ذاك اليوم وأنا مو صاحي كيف من بعد ماشفتهــا من قريب ,,اما اللي يشوفك يالدب بيتوقع عندك اخت بهالجمــال والنعومه ...وبصوت مسمــوع :مالت عليك يالدب ..
ناصر:وش قلت انا دب هذا جزاتي أني مدخلك بيتي ومفطرك وامس عازمك على العشاء وهز راسه بأسف:صدق أنك لئيم ..
سلطان اللي متوقع صوته يكون مسموع لناصــر:وش فيك ماكان قصدي خاني التعبير
انا قصدي ..وماعرف وش يقول ..
ناصــر:شفت ماعندك عذر بس الشرهه مو عليك الشرهه علي انا اللي مصاحب واحد مثلك ..
سلطان :اقول خل عنك بس الرجال متى مواعده ...
ناصــر:بقى على الموعد معه ربع ساعه ...
سلطان :ايه زين الله يقدم اللي فيه الخيــر..
ناصـــر:آآآميــن ..

دخلت وهج غرفتـــها وهي ترتجف من الخوف لا ياربي وش اللي صار ,,يارب اكون للحين نايمــه واللي صار كله حلم..
معقوله هذا سلطان صديق ناصــر بس وش قاعد يسوي بالمطبخ ,,والله اني غبيه والواحد وش يسوي بالمطبخ أكيد قاعد يفطــر,,بس ناصــر كيف مخليه يدخل البيت عادي ,,والله إن ناصــر ذا غريب يعني عادي عنده مدخل صديقه البيت ومجلسه بالمطبخ يفطــر ,,ياربي والله كنت بمــوت لو دخل علي ناصــر وأنا بالمطبخ قاعده اناظــر بصديقــه بغباء ,,بس خليه يقول لناصــر شي ,,اللحين الكوره بملعبي وش مدخله بيتنا ؟؟..بعدين أناماتوقعت اني بدخل المطبخ ولقى فيه شخص غريب؟؟.
وهي تشوف نفسهــا بالمـرايه :ياربي بس شكلي مره مبهذله ياءالله اللحين وش بيقول عني ,,يقول اللي يقول ماهمني اصلاً وش مدخله مطبخنــا يعني لازم يفطر وهي تأشر على صورته اللي تصورتها بالمرايه :مالت عليك يالدب (ردتها لك اخت ناصر تستـاهل ياسليطين هههههههههههههههههههه)
دخلت الشغاله بالفطورة...
وهج:بابا ناصــر طلع ..
ميري :ايوه ..
وهج :طيب أنت مافيه قول اني ادخل مطبخ وصديق مال هوا فيه موجود ..
ميري:اوكي..وطلعت..
وهج:الله يأخذ هالخشه الحيوانه ماعلمتني انه موجود غبيه على بالها مثلها عادي أطلع قدام الرجال..
ناظرت للفطور بس حست إن نفسها انسدت بعد الموقف :اوف اروح اسبح يمكن انسى الموقف الكريه اللي صار..

وبالثـــــانويه البنات ..
بالأستـــراحه..
خلــود:اوووووف والله المدرسه مو شي من غيــر رحاب ..
جُنـى وهي ترفع له حاجب:ليه وانا مو ماليه عينك ..
خلود:لا بس رحــاب غيــر..
جُنـى وهي توقف:اجل خلي رحاب تنفعك ..
خلود:تعالي وين رايحه يالخبله ..
بس جُنــى طنشتها وكملت طريقهــا ..
خلود:ياءالله انا وش سويت على طول زعلت والله ماكنت اقصد ..>>>وجلست تلوم نفسهــا ,,البنت حساسه هههههههههههههههههههههههه..
وبعـد عشــردقائق جات جُنـى ومعها قارورتين ماء..
جُنى وهي تمد لخلود وحده :تفضلي...
خلود وهي تأخذها:يعنــي مازعلتي..
جُنـى:ههههههههههههههههههههههههههه لا مازعلت صدق انك مقصه ..
خلود:هذي جزاتي اني اراعي مشاعركم ومابغى احد يزعل علي..
جُنـى بجديه :خلود حبيبتي خليك واثقه من نفسك انتي قلتي رايك واللي مو عاجبه يشرب من مواية البحــر ...
خلود:بس انا ماحب أزعل أحد مني..
جُنـى:اوووووووووووف خلود وبعدين معك يعني انتي عاجبك وضعك بيتكـم وتحكم زوجات أخوانك فيك,, لازم توقفينهم عند حدهم عشان مايتمادون باهانتك...
خلود ودمعة عيونهـا:جُنـى انتي تقولين كذا لأنك قويه وانا مستحيــل اصيــر مثلك.
جُنـى بصرامه:لو بغيتي بتكونين مثلي..
وقطع حديثهـــم المعلمه اللي دخلت ......

كان بالسيــاره راجع من شغـــله يوم انتبـــه على لا هتزاز بالأوراق اللي بدرج السيــاره وتذكــــر الجـــوال اللي رماه أمــس بالدرج ..
ياســــر :اوووف هــذا وقتــه بعــــد ...
الجوال مازل يهتـــز صك بوجه المتصــل ,,واخذ الجوال وحطه بجيبه ونزل للبيت ,,
شاف بســـمه جالسه على التلفــزيون وتذكـــر اللي صار يوم الخميس ..
ياســـر:سلام عليكــم ..
ردت بسمــه السلام وهي خايفــه من نظرات اخوهــا اللي ما تــرحم ...
ياســـر بصوت عالي :بسمه ..
بسمه اللي كانت تناظر تلفزيون وجهة كل حواسهـالأخوهــا:نعم ..
ياســر:ممكن تفسرين لي وش صار يوم الخميس ..
بسمــه باستعباط:وش صار..
ياســر بعصبيه:انا مالعب معك ,,من سمحلكم تطلعون شقران ..
بسمــه وهي خايفه:انا مالي دخل والله مالي دخل ..هذي سالي خالة بنات عمي وحده وقحــه انا مالي دخل ..
ياســر اللي تأكدت ظنونــه مع انه كان واثق انهــا هي:انا وش دخلني فيهـا انتي اللي مسئواله قدامي وأنا حذرت كذا مره الأسطبــل ماتدخلونه,,طيب لو شقــران صار له شــي بذاك الوقت حتى موتك مايكفيني...
بسمــه بلعت ريقــه برعب:طيب أنا وش دخلني هي اللي تعمل عملتــها وانا اللي اتحاسب ..
ياســر:انا قلت لك ركوب خيل مافيه بس انتي اللي ازعجتينا لين سمحنالك ,,بعدين كان بأمكانك تمنعيهــا ...
بسمــه :حاولت أمنعها بس هي عنيده والبنات تحدوهــا فزاد عنادهــا ..
ياســربداخله :من ناحية عنيده انا اشهد انا ماقدرت عليهــا ..بس هين..وهو يمسك الجوال اللي بجيبه :الشاطـــر اللي يضحك بالآخــر..
وطلع من الصاله بدون أي كلمه زياده ..
بسمــه :اووف فكـــه كله من ساليوووه وجه النحس كنت بروح بشربة ماي..
دخل ياســـر غرفتــه فسخ ثوبه وعلقه ودخل للحمـــام يسبـــح ..
وبعــد ماطلـــع طفى النور بينــام بعدين تذكــــر الجوال فتح لأبجوراه قام وجابه ورجــــع تمدد على السرير فالبدايه شاف المكـــالمات اللي مارد عليهــا
(76) مكالمــه 12من ارقــام مختلفــه وباقي المكالمات كلها من رقــم واحد
وتـــوه بيفتش بالجــوال الا (المـــرجوجه )يتصــل بك ..
ضحك بداخلــه سبحان الله هالبنات عليهن أسمـــاء ..جاء بيصك بوجها بعدين فكر ليش مارد ...
ياســر:........
سالي للي بجنبهــا:اشــوا ارفعه اخيــراً ..
ياســر يسمع:.......
سالي :الوووووو
ياســر:.......
سالي:اووووف ردوا..
ياسـر:نعم..
سالي:مابغيت اتكلم ..
ياســر:نعم بغيتي شي أختي ..
سالي :ايه ابي جوالي ...
ياسـر باستعباط:أي جوال..
سالي بقلة صبــر:هيييييي انا ماسولف معك جوالي اللي جالس تكلمني فيه اللحين ...
ياســر: اول شي احترمي نفسك ولا تصرخين علي ترا مو اصغر عيالك .. والجوال اللي تكلمين عنه دامه معي يعني لي ,,يالله انقلعي ولدقين مره ثانيه وانسي إن كان عندك جوال ..
سالي :إنـ.....
وسكـــــر بوجها...
وجلس يضحك كأنه له سنه ماضحك وبعد ماوقف ضحك ..جلس يفتش الجوال وانصدم بمحتوايته وكمية الصور ومقاطع الفيديو اللي فيه وكلها لهــا
وفبعضهــا كانت ترقص ..
ياســـر:معقوووله هذي غبيـــه لهدرجه ..مافيه وحده صاحيــه وعندها ذرة عقل تسوي سواياها...هذي وجد الجوال بيدها خطـــر ..
ورجعت تتصـــل...
ورفعــه ياســــر بعد ارنه الثانيــــه...
ياســـر:نعم انســـه سالي بغيتي شي ...
سالي:ايه ابي جوالي..
ياســـر:الصــراحه كنت برجعه بس بعد اللي شفته داخله غيرت رايي..
سالي بقهـــر:ومن سمح لك تفتش بشي ماهـو لك..
عبيـــر:سالي وش قاعده تقولين فتش فيه ياويلي..
سالي وهي توخر الجوال عنها:عبير ياويلي بموت يعرف اسمي وأكيد شاف الصوري الحقيـر..
عبير:ياغبيه تكلمي معه بأحتـــرام ليحقد وبذاك الوقت لاتلومين الا نفسك ..
سالي:بحاول بس هو حيوان يستفزني...
ورجعت الجوال لأذنهــاوجاها صوت ياســر:خلصتي سوالف انســه سالي ..
سالي بترجي:طيب أنت وش تبغى فيه رجعه لي ..
ياســر اللي اعجبه صوتها وهي ترجى:اسف ماودي اردك بس أي شي القاه بمتلكاتي يكون ملكــي ..
سالي بخوف:ليه أنت وين لقيتــه..
ياســر :قلت لك لقيته بممتلكاتي ,,وبعدين ترا ازعجتيني بنــام هذا وقت تتصلين فيــه ...
سالي:وجوالي..
ياســر بملل:اذيتينا انتي وجوالك ,,اتصلي وقت ثاني ,,والا اقولك الرقم اللي تتصلين منه حقك ..
سالي:ليه تسأل ..
ياســــر:اوف جاوبيني على قد السؤال ..
سالي:ايه حقي..
ياســر بخبث:طيب ليه تقولين عن نفسك مرجوجه ..
سالي:اوووووف كان مع بنت أختي وبكيف اقولها مرجوجه..
ياســر: طيب بامأنه صار معك ماتبغين اغيــرالأســـم ولا راضيه بالمرجوجــه
ههههههههههههههههههههههههههههههههههههههههههههه هه..
سالي بصوات واطي:ضحكة من سرك ..
ياســر:وش قلتي ..
سالي:ماقلت شي ...
ياســر:طيب وش رايك تسمعين صوت القطــار وصكه بوجهــا..
سالي :الله يلعنــه الحقيــر صك بوجهي..
عبيــر:مو مهم اهم شي الجوال يرجع والله تستاهلين تكسيــر راس على هالسواه..
سالي:يالله بنطلع السواق من زمان جاي..
عبير:وصليني معك سواقنا للحين ماجاء ..
سالي:يالله لبسي..

وبعــد العصــر كانوا كلهــم مجتمعين بالصــاله اللي تحت (ماعدا أم ناصــر كانت بغرفتها تكلم ) ...
وهج كانت جالسه ونايمه على رجلهاسالــي وجُنـــى كانت تدرس هديل ....
فجأه قفــزت سالي اللي نايمه على رجل وهج :ارافعــوا على صوت التلفزيون ...
عادل :ليه وش فيــه ..
سالي :ارفع بسرعه الأغنيه بتخلــص ...
عادل:هذي لقنــاة الأولى ..
سالي:ارفع اغنيــه وطنيه ,,
ورفــع الصوت لأغنيــه كانت :

حنــــا ســعوديـيـن وافيـــن العهــود
بــروح نفــدي دارنـــا وتـــرابهـــــا
حنــا لبـــو متعب اذا نادى جنــود
نقضي على الفتنـــه ونطفي نـــارهــا
ابومـــتعــب كــل نبــض لـــه
هـــو ملكنـــا مابهــا ريبــه
حاكــمً بشـرع والملــه
حكمــه العادل نباهيبه
خدمة لأســلام مجدلــه
كم زعيمـاً ساتــراً عيبـه
سيفنـا اللي للعداء نسله
بالعداءبانت مضاربيــه
طلته ياحي هالطلــه
لا شهــر حراً نباريبـه
لازعـل ضاق الوطن كله
ولارضي كل الهواء طيبه
ابو متعب..أبو متعب ..ابو متعب
كلنــا فـداء لعبـدالله
بالوفـــاء والحـب والطيبـه
يالله إنـك تنصــره يالله
شيـخ عـــز ورحمـــه وهيبـــه ..

كلهــم تفاعلوا مع لأغنيــه وجلســـوا يرقصون على أنغامهــا ويرددون كلامتــها الجميــله جداً ....
سالي:واااو روعــــه أحب لأغنيــــه هذي ...
جُنـــى:ابغــى وحده بعد برقص ...
وهج وهي ترميهــا بالمخده:وش قالو لك برنامج مايطلبه المستمعين ...
سالي :ولك تكرم عينك جنوووه الجنيه روحي جيبي الاب توب حقي من فوق واسمعك لأغاني الي تبغين ...
جُنــى:اوكي بروح اجيبــه بس مو عشانك عشان لأغاني ,,عشان ماتحسبيني طعتك ...
سالي:وجع احترميني انا خالتــك ..
جنُــى طلعت لها لسانهــا وهي تركض مع الدرج ....
عادل قام :يالله أنا بروح ادرس..
سامي:وانا بعد ..
وهج :تعالوا وين رايحين احلوت الجلسه ..
عادل وهو يسوي حركات تخويف:والله بتحلو اكثــر لوطب علينــا ناصـــر..
وهج :وانت سامــي ماعليك من عدول الخواف..
سامي :سوري بس لو جكنــا ناصــر ماراح تنفعوني ..بااااااااي وحظ سعيد ..
سالي بسخريه :هههههه ياخف دمك ..
سامي وهــو يطلع لها لسانه :طالع على خالتي ..
جابت جُنـى لاب توب وشغلت لهم سالي اغنيــة الأماكن بس كلهم أعترضــوا مايبغونهــا..
سالي:اوووووف وش فيكــم والله حلوه ..

وهج:حلوه ماقلنا شي بس حنا نبغى شي ينرقص عليه ..
سالي طيب وش رايكم بذي وشغلت لهم أغنيــة راشد مشكلني ..وجلســــوا جُنــى وهديل يرقصــون وهج وسالي يصفقون ويصفــرون كانوا مره مسوين جووووو...
مشكلنــي حبك ياروح الروح مشكلني ..
واتعبنــي قلبــك مــع الحســاد اتعبنـي..
يامـا نصحتــك وقلـت لك كانـك تحبنـي ..
ابعــد عــن الشــر ياعمــري وغنيلـــه .....الخ
وبعدهــا شغلت أغنيــة نبيل شعيل للحين أحبهــــا..
للحين احبهـــا ولاني قادر أنساها ..
صورتهــادايم في بالي ماتفارقني ..
كل شي حاولي يذكرني بذكراها...
خلت لي في كل شي ذكرى تذكرني ..
احين تطري علي وقول مقساها ...
واحين ماتطري ولقى الشوق جنًنـي..
كل يوم أقول من هاليوم بنســاها...
واكذب على روحي بالنسيان لاكني
للحين أحبها ولاني قادر انساها ..
وبنص لأغنيه رمــــت جُنى نفسهــا على الكنبه:خلاص تعبت ..
سالي :يالله كملي للأخيـــــر والله رقصك روعــه ..
وهج :وش تكملون صوت الباب ناصــــر جاء الهججججـــه ..
وتقافزوا كلهم على غـر فهــم وخلــو للأغنيــه شغــاله ..

دخل ناصـــر الصاله وكما توقع مالقى أحد وصك الاب توب ..
ناصــر باسخريه: ايه اذاحضــرت الملائكــه ...
وبصوت عالي:يمــــــــه ,,أم ناصـــــر ..
بس ماحد رد عليه ..
ناصــر لنفســه :لا تكــــون طالعه..ورجع ينادي:هديــل ,,عادل ,,سامي ...
بس محد رد عليه كلاً خايف من التهزيئه ..
ناصـــــر:اطلع لأمي بغرفتهــا احسن ...
جاء بيقوم ولقاء أمـــه نازله من فوق ..
وقام وحب راسهــا..
ناصــر:هاه يمه وينكم لي ساعه انادي ومحد رد علي ...
أم ناصــر:ماسمعتك كنت بغرفتي أكلم بنت خالي هيفاء ولدها أحمــد بيتزوج وعازمتنــا على زواجه يوم الخميس ..
ناصــر:ايه الله يوفقه ,,وين هنا بالرياض ولا بالقصيم ..
أم ناصــر:لا بالرياض ,,وانت يمه ماودك تزوج وتفرحين فيك ..
ناصــر:مو وقته يمه ,,الا بناتك المرجوجات وينهن ..
أم ناصــر:ليه وش مسويات بعد ..
ناصــر:ابد ماسواو شي بس ماشغلات أغاني صوتها ينسمع بأخــر الشارع ويوم سمعوا صوت الباب هرباً وتركاً لأغاني شغاله ...
أم ناصــر :وش دراك انهن البنات ..
ناصــر:هذا لاب توب سالي بعدين العيال شفتهم بالحديقــه ..
أم ناصــر:الله يهديهن ويهديك ..
ناصــر:افاااااا ليه ..
أم ناصــر:مافيهــا شي ادعيلك بالهدايه ..
ناصــر:هههههههههههههههههههههههههههههههههه ...
أم ناصــر:ياولدي تزوج وريح قلبي اللي بعمرك كلهم تزوجوا وعندهم عيال..
ناصــر :خلاص يمه قلت لك ماهو وقتــه ...
أم ناصــر بحزن:ومتى وقته لامت وأنا ماشفت عيالك ..
ناصــر وهو يقوم يحب راسهـا:لا انشاءالله لك طولت العمــر الله يهديك يمه ماله داعي هالكلام ...


وبعــد ربع ساعــه اذن المغــرب وطلع ناصــر للمسجــد والحقــه عادل وسامي ...
نزلت هديل تتسحب مع الدرج وتطل من فوق السلـــــم :يمه ناصــر طلع ..
أم ناصــر بضحكه:ايه طلع وش مسويه ياسوسه انتي وخواتك ..
هديل بوناسه :كنا مشغلين أغاني ونرقص ووناســه ,,بس جيت ناصــر خربت علينا,,
نزلت سالي وعلى طول توجهت للاب توب تطمـن عليه (ههههههههههههههههههههه)
سالي:اقول أم ناصــر وش عندهــا هيفاء متصله ..
أم ناصــر بأستغراب :وانت وش دراك انها هيفــاء..
سالي :كنت ماره وسمعتك وانتي تقولين لها أم أحمد وعرفت ...
أم ناصــر:ايه ,,متصلــه تعــزم على زواج ولدهــا أحمــد ..
سالي :والله بالمبارك,, وبصوت واطي: فكه مابغى يتزوج..
أم ناصــر:ترا سمعتك,, وانتي الخسرانــه ولا أحمد ينرفض ..
سالي:ايو الله أنا الخسرانه لأن يوم السبت عندي أمتحان وماراح أقدر احضــر العرس..
أم ناصــر:شوفو اللي ماتستحي لا عاد حدك تبغين تفضحينــا,,مايكفي بزواج ماجد ولد عمي اللي خطبك اربع مرات وكل مره ترفضينه ,,أمه بغت تموت بحسرتها يوم شافتك حاضــره ..(سالي اللي رفضت كثيــر بس ذولا مثال لهــم وماخفي كان أعظم وبعدين بتفهمــون قصدي)
سالي:وييييييييه أكيد أنا سالي مو حيا الله ...
أم ناصــر وهي قايمــه بتطلع :ياخوفي من كثــر ماترفضين ماحد يجيك ..
سالي:احسن تجي منهم ولا مني ..
هزت أم ناصــر راسهــا بأسف وطلعت ..
دخلوا جُنـى و وهج على طلعتهــا..
وهــج:قال شي ناصــر ..
سالي:لا يوم جيت كان طالع ..
جُنـى:الله يستــر ولارجــع مايتذكـر ويهوشنـا..
سالي :خلكم من ناصــر واسمعــوا هالخبــر اللي بمليون ..
وهج:الله يستــر من أخبارك ...
جُنـى:ماعليك منها قولي..
سالي:حميدان ولد هيفــاء زواجه يوم الخميس..
جُنـى بصدمــه :أحمــد ولد خالتي هيفـاء..
سالي:قصدك أحمـد ولد خال أمك ,,من متى صارت هيفوه خالتك ..
جُنـى:يعني هو بيتزوج ..
سالي:ايه بيتزوج ..
جُنـى والعبــره خانقتهــا:لا مستحيل ,, كيف مايصيــر يتزوج ..
وهج وهي تهز جُنـى :بسم الله عليك وش فيك جنوه ..
جُنـى وهي تبكي:حرام عليك سالي قولي أنك تمزحين ..
سالي:لا مأمزح ,,أحمد ولد هيفاء بنت خالي بيتزوج ..
جُنـى وهي تصرخ وترمي المخدات الصغيره حقت الكنب :كذب ,,كذب,,أحمــد ماراح يتزوج انتوا تكذبون علي ,,هو وعدني مايتزوج غيري ..
سالي و وهــج على وجيهــم أكبر علامة استفهــام ...
وهج :جنـى يامجنونه وش قاعده تقولين ..
جُنـى زاد صياحهــا..
جرتهـا سالي للغرفــة الضيوف اللي جنب الســلم عشان محد يسمع كلامهــا أمها أو ناصــر..
جُنـى كانت تمشي بدون أحساس جلستها سالي على السرير ..
سالي:جُنـى واللي يرحم والديك وش قاعده تقولين ..
جُنـى :احبه ماتفهمون أحبه ليش يتزوج غيري ..
وهج اللي بدت تبكي:وش قصدك كيف تحبينه هذا كبر أبوك ..
جُنـى وهي تشاهق:احبه الحب مايعرف عمــر محدد ..
سالي بأستهتار:ماشاءالله ومتى شفتيه عشان تحبينه ...
جُنـى:اذكره يوم كنت صغيــره وحبيته ,,وجلست تبكي..
وهج :ياويلي سالي سكتي هالمجنونه ,,لا يسمعهــا ناصر ويذبحهــا..
جُنـى وهي تمسح الدموعهــا:متى الزواج ..
سالي:يوم الخميس..ليش..
جُنـى:بحظر الزواج عشان أودعه الخاين ..ورجعت تبكي..
سالي :خاين وهو وش دراه عنك عشان يصــير خاين ..
جُنــى:وعدني يتزوجني لاكبــرت ,,وراح وتزوج غيــري ..ووقفت ..
سالي:وين بتروحين ..
جُنـى:بروح اشوف اذا كان عندي فستــان أسود البسه بالزواج ..
وهج: ومن بيخليك تحضرين الزواج عشان تبكين وتفضحينــا..
سالي:جُنـى خلاص عن حركات البزران ,,زواج مانتي حاضرتــه ...
جُنـى:حــرام عليكم تحرموني من شوفتــه لأخــر مره الخاين الكذاب
نقض وعده ..وضربت جبهتها بقهــر:لا خطأ المفروض أقول وعدني ونقض وعده ...
سالي وهج :وشوووووووووو..
جُنـى:اووووووووف كله من صياح ذي نستني وش أقول..وجلست تناظر بوجيهم المصدومه وماتت ضحك :وش رايكم بالمشهد مو ضبطت الدور ..
ووقفت وحيتهم بطريقة الممثلين بالمســرحيات ..
سالي:الله يلعنك حرقتي أعصابنــا ...
وهج وهي تمسح دموعهــا:يعنــي تكذبين ماتحبينه ..
جُنـى:ههههههههههههههههههههههههههه وأنا من وين أعرفه عشان أحبـه ..
سالي:والدمــوع كنتي تبكين صدق..
جُنـى بغرور:ادري أنا تدربت لين صرت اتقن الحركــه هذي ..
وهج:حرام عليك اتسلين بمشــاعرنا..
جُنــى:اهم شي المشهــد نجح مشاعركم مو مهمه هههههههههههههههههههههههههه..
وهج :طول عمــرك انانيــه وماتهتمين بمشاعــر غيرك..
جُنـى:اقووووول خلي عنك يالحساسـه وقومــوا نلحق على الحلى قبل مايزطـه سامي الدب..
جوا بيطلعون بس دق جــوال سالي وكــان (تسالي ) رقم سالي اللي مع ياســر ..
سالي :اتصــل الحمــار اللي معه جوالي ..
جُنـى :بسرعه ردي قبل مايقفل ..
وهج:لا لاتردين هنا اطلعي فوق أخاف تنفعلين وصوتك يطلع ويسمعك ناصــر..
سالي :طيب برد وقوله لحضه وطلع فوق ..
وهج :يالله وش تحترين ..
سالي :الوووو
ياســر :ساعتين عشان تردين ..
سالي :اسفه لحضه ..

وطلعت تركض فوق ..
ودخلت وصكت الباب..
سالي وهي تلهث:الوو ..
ياســر:وش داخله مارثون ...
سالي:.........
ياســر يستلعن:وش أخبارك ..
سالي:وش تبغى بأخباري ,,عطني جوالي ..
ياســر:مدري وش موتك على هالجوال مافيه شي يستاهــل ..
سالي:طيب دام مافيه شي يستـاهـل رجعه لي ..
ياســر:ارجعه لك خبل أنا ,,بعدين انتي وجد الجوال معك خطــر ..
سالي : اوووووووووف أنت شكو جوالي بترجعه ولا ايش ..
ياســر:لا مو مرجعه وش بتسوين ..
سالي :طيب ممكن طلب لو كان عندك ذرة رجوله بتنفذه ...
ياسـر:اذا كان قصدك الصور لاتخافين ماراح اسوي شي..
سالي: صوريي مو مهم بس فيه صور بنات أختي واللي يسلمك لاتسوي فيهـا شي..
ياســر:قلت لك الصور كلها مو مسويه فيهــا شي وخصوصاً صور بنات أختك زي ماتقولين لأنهم عرضي ..
سالي بأستغراب:وش قصدك ..
ياســر:مالك دخل ,,وهذي أخــر مره اسمــع صوتك فيهــا لاعاد تتصلين ..
سالي:لا والله وجوالي..
ياســر:قلت لك مالك جوال عندي ..وسكر ..
سالي جلست تناظر بالجوال بقهــر ..
سالي:الله يأخذه الحقيــر ,,بس كلامه غريب بالبدايه يقول انه لقاء الجوال بممتلكاته ليش الشارع ملكه ,, بعدين يقول عن جُنـى و وهج عرضه ..وش قصده يعني من أهلهم ,,لايكون الجوال ضايع بالمزرعه
ضربت جبهتها صدق اني غبيه أكيد لقاه بالمزرعه ,,ايه صح اخر مره معي يوم كنت بالمجلس بعدين تهاوشت مع الكريه ولد فطوم ,,اووووف تركته هناك ,,لا ليكون الحقيــر هذا ياسرووه اووووف الئيم طالع على أمه والله لو دريت أنه هو كان ماترجيته ..
دخلت عليها وهج وهي سرحانه قربت عند اذنهــا:بووووووووووووو
بس سالي ماتحركت ..
وهج:وش فيك ..
سالي:تدرين الجوال مع مين طلع ..
وهج :مع مين ..
سالي:مع ياسر ولد فطوم..
وهج : وش دراك هو قالك ..
سالي:لا ,,وقالت لها السالفه ..
وهج :صدق أنك غبيه بالعكس المفروض ماتخافين لأنه مستحيل يضرك مهما سويتي له ..
سالي :لا ياشيخــه وش اللي ماخليك واثقه كذا ..
وهج:مدري بس أحسه انه رجال ومستحيل يسوي
هالتصرفات الصبيانيه وبعدين مهما كان انتي تعتبرين من أهله واللي يضرك بيضره ..
سالي:ايه خل نلعب على أنفسنا بهالكلام بعدين ننصدم بالواقع ...
وهج:اووووووف منك صدقيني ماراح يقدر يسوي شي ,,ودامنا عرفنا من هو لاعاد تدقين عليه ...
سالي:يخسى ولد فطوم أنا ارد عليه ,,بس أذا دق برد عليه يمكن يصحى ضميره ويفكر يرجع لي الجوال..
وهج:تصدقين عجبني يوم يقول أن وجود الجوال معك خطــر..
سالي:اكيد بيعجبك مو ولد عمك والدم يحن لبعضه ..
وهج :دايم انتي كذا الكلام الصدق مايعجبك ,,
وسكتت كأنها تذكرت شي:ايه تعالي ماقلت لك وش صــار اليوم الصبح ..
سالي بحماس:لا وش صار..
وجلست وهــــج تقولها الموقف اللي صار لها مع سلطــــان ...

....نهــــــاية الجــــــزء الــرابع .....
اتمني اشوف ردودكم
باي

الجــزء الخامس
(الفصل الأول)
كانت جالســــه تتأملــهاوهي نايمـــها بعدين جلست تلعوزها مسكت منديل وقعدت مره تدخله بأذنها ومره بخشمـها وهي ولاحاسه.. تكلم نفسهـا:ياءالله قد ايش هي بريئه وهي نايمه لو أنهــا صاحيه كان ذبحتني قبل ماسوي فيها كذا ,,بالأخير ملت وصرخت عليها:سالي يالله اصحي الساعه ست ونص يالله جااااااااااامعـــــه ..
بس سالي ولاعبرتهـا للحين نايمه ...
وهج:اوووووف وبعدين معها ذي متى بتخلص من ثقل النوم اللي فيهــا..
وهج وهي تجر المخده من تحت راسهـــا :سااااااااااااااالي اصحــــي...
جلست وهج تهزها للين فتحت عيونهــا:اخيــراً مابغيتي يالله اصحي ...
سالي وهي تتمغط وتتثاوب:ليه الساعه كم ...
وهج:اوووووف الساعه ست ونص يالله اصحي ...
سالي وهي تقوم من السرير:اوووووووف متى بتخرج وفتك ..
وهج :ههههههههههههههههههههههههههههههههههههههههههه ..نفس الكلام كنت اسمعه منك يوم كنا بالثانوي ..
طنشتها سالي ودخلت للحمــام ..
بالصاله اللي تحت كانــوا عادل وسامي وجُنـــــى جالسين يفطــرون وهديل نايمه على وحده من الكنبات..
أم ناصــر:هديل يمه قومي افطــري..
هديل وهي تمسك بطنها بتمثيل :يمه اااااي بطني يوجعني ماقدر ادرس..
جُنـى:ههههههههههه قديمه مكشوفه كنا انسويها قبلك ..
هديل:والله صدق بطني يوجعني ..آآآآي..
أم ناصـــر :لاتحلفين كذب اسم الله مو لعبه ..
هديل وهي شوي وتبكي من القهــر:ماكذبت..ومدرسه مو رايحه ..
أم ناصــر:يويلي يالعنيده مدري على مين طالعه ...
جُنـى:وهذي يبيلهـا سؤال طالعه على خالتوووو سالي...
أم ناصـر:والله أنك صادقه ماخلت منها شي ...
هديل :يعني خلاص اغيب..
أم ناصــر باصرار:لاااا واذا كنتي صدق مريضه بوديك المستشفى...
هديل يوم سمعت اسم لمستشفىقفزت:لا خلاص طبت ..وجلست تفطــر مع اخوانهــا..
عادل :لا ..انتي مريضه لازم تروحين المستشفى ..
سامي بتأيد:صح لازم تروحين المستشفى عشان نتأكد يمكن يطلع فيك مرض خطيـــر..
هديل جلست تبكي:لا انا مافيني شي خلاص طبت ..
أم ناصــر:حسبي الله عليكم من عيال صيحتم اختكم ..
سامي:يمه وش فيك علينا هي اللي تقول أنها مريضه هذي جزاتنا انا نبغى نطمن عليهــا...
ناصــر :يالله صباح خيــر وش فيكم على هالصبح اصواتكم طالعه ...
أم ناصــر:يعني ماتعرف أخوانك كل صبح وهم على هالحاله..
ناصــر وهو يحب راس امه : ايه الله يهديهــم ..وجلس يشرب قهــوته ..
نزلت وهج من فوق وهي ماسكه عباتهــا وجلست مع اخوانها تفطــر...
ناصــر:وهج تو وانا نازل سمعت من غرفتك صوت أغاني عالي ..
وهج بارتباك:هاه..مو بأنا ..هذي سالي..
أم ناصــر:لاحول ولاقوة الا بالله ..انا البنت هذي مدري متى بتعقل..
وبهالــوقت نزلت سالي من فوق وهي تغني ومروقــه على لآخــر...
سالي وهي تجلس بجنب وهج :هاااي كيفــكم شباب..
عادل وسامي اكتمــوا ضحكتهم ..بس جنــى ماقدرت انفجرت ضحك وهديل كملت معهــا
ضحكت جُنــى غريبه تضحك هذا اللي خلى ناصــر يبتســم ...
أم ناصــر عصبت :سالي اصطلبي وش هالحركات انا بديت اشك انك بنت ..وقامت وطلعت ..
سالي باستغــراب :وش فيها امكــم علي ..وبعصبيه وهي تأشر على اللي جالسين على طاوله قدامها :هيييييي مو انتم تعصبونها تجي تحط حرتها فيني..
ناصــر :لاهم مالهم دخل هي مقهوره منك ..
سالي وهي تحك راسهــا بغباء:توني بس صحيت من النوام ممداني اسوي شي ...
حركة سالي خلت جُنــى ترجع تضحك بصوت أعلى ..
سالي انقهرت من جُنــى ورمتهــا بالخبــز ..
أم ناصــر دخلت على حركة سالي لأخيـــره :ساااااالي وش قاعده تسوين بزر انتي تلعبين بالنعمــه ...
قامت سالي من على الطاوله :اووووووف سالي سالي ,,,مافيه بالبيت هذي غيــر سالي يغلط ..وهج افطري بسرعه بانتظرك برا...وطلعــت..
أم ناصــر وهي تجلس بتعب:تعمل عملتها وتزعل ..
محد حاول يتدخل بين امهم وخالتهم وفضلوا السكوت ...
سمــر:يالناس ياعالم.. آآآآآآآه ...ياقلبي ماقدر احتمــل شوفوا من جاء ..
ساره:ياعيني على الزعلانين ,,شوفو كيف الشرار يتطاير من عيونهــا..
نجلاء وهي تدق على الطاوله :يأرض احفظي ماعليكي ..حبيب قلبي حظر
اليوم طالع قمــر فيه طلتك ياسلام ..حلاك غير البشـــر ..وخذت مشي الحمــام ..
بسمــه:حسبي الله عليكم والله اني بديت اشك فيكم كل هذا غزل فيهــا ولاكانكم بنات مثلهــا..
ساره :ياويلي شفت جمال بس بجمالها لااا عمري ماشفت ..
سمــر:ياختي لاتلومينــا هذي تسحـــر..
بسمــه:والله منتم بصاحين ...
نجلاء:مو بس حنا انتي ماشفتي يوم دخلت الكفتريا كل الناس التفوا عليهـــا .. وهي تأشــر:اللحين طالعي شوفي كيف الكل يناظر الطاوله الي هي جالسه عليهــا...
وعلى الطاوله اللي كان يشرون عليهــا كانت جالسه سالي وهي تغلي من الغيض ...
وهج:ههههههههههههههههههههههههههههههههههههههههه ههه خلاص حبيبتي انسي اللي صار ,,مانتي اول ولاخــر وحده تنطرد من المحاضــره ...
سالي:مو كله منك..
وهج :وأنا شكــو ,,ليكون انا اللي مشغله لأغاني على الصبح ,,ولايمكن أنا اللي رميت جُنــى بالخبــز ,,ولايمكن انا اللي لساني متبري مني وماحترم أختي اللي أكبــر مني ..
سالي بعصبيه وهي تضرب بيده على الطاوله :لاانتي ماسويت كل ذا بس انتي الل جلستي تقولين لعبيــر اللي صار ونرفزتيني وخلتيني اتكلم بعصبيه وتنتبهلي الدكتوره وتطردني....
وهج:طيب خلاص اللحين روقي مو حلو شكلك وانتي معصبه بعدين شوفي كيف الناس صارت اطالعنا..
سالي وهي تلف بنظرها على اللي جالسين بالكفتريا بغرور:اووووف وانا وش علي من الناس ...
ساره :ياعيني شوفي كيف تطالع بالناس ولا كأنهم شي عندهــا...
بسمــه بأنفعال:معك حق هذي ولاتشوف الناس شي عندهــا ..هذي قمت الوقاحه والغرور
ماتعرف شي اسمهــااحتــــرام ,,السانها متبري منهـا غايه في قلة لأدب..
نجلاء :الصراحه معك حق شكلها ماتنتحمل والدليل انا مالها الا صدقتين ..
بسمــه:وانتي الصادقه وحده والثانيه بنت اختها...
سمـر اللي ماعجبها الكلام:وانتي ليه تكلمين عنها كذا وكأنك تعرفينهــا ..
بسمــه :ايه اعرفهــا,,شفتي اللي اللحين جالسه معهــا..
سمــر:أي وحده اللي جت بالأخيــر..
بسمــه:لا اللي كانت جالسه معها من قبل ...
نجلاء: أي وحده الصراحه انا مادقق فيهم لأن وجودها يغطي على الكل ...

بسمــه:اللي شعرها بني وكيرلي اللي عيونها ناعسه ..
نجلاء: ايه عرفتهــا..
بسمه وهي تشبك اصابعها:هذي تصيــر بنت عمي ...
سمــر:احلفي ..
بسمــه:مايحتاج احلف ..
ساره :يعني بنت عمك صديقتها..
بسمــه:لا بنت عمي هي بنت اختها اللي قلت لكم عنها ..
نجلاء:ماشاء الل عليها بنت عمك مره ناعمــه وخصوصاً عيونها الناعسه تذوب...
سمــر:شكلها هاديه ,,بس انا اول مره ادري إن عندك احد يقربلك في الجامعه غير فاتن الطاوس..
بسمــه:هيييييي ترا مارضى عليهــا بنت عمتي ..
نجلاء:اوووف كيف مستحملتهــا والله لوانها بنت عمتي كان من زمان ذابحتهــا...
ساره :لاتغيرون الموضوع ,,يالله خلصينا قولي وش اسم بنت عمك وش اسم خالتهــا..
بسمــه:بنت عمي وهج ,,وخالتها وتقولها بقرف: سالي..
ساره :سالي حلو ...
سمــر:يالله حكينا عنهــا..
بسمــه:والله هذا اللي ناقصني اضيع وقتي بالحكي عن ساليووه ..
ساره:لااااا,, بسمه بليز..
نجلاء:بسمــه لاتكونين لئيمــه حكينا...
بسمــه:حتى أنتي يانجلاء اذكر ساره اللي معجب فيها ..الظاهر العدوى انتقلت لكل الشله ...
وفـــي ثانوية البنــات
…رحاب لليوم الثالث على التوالي تغيب ..
وكان عندهــم حصة انتظار…
خلــود:اكيد فيهــا شي مو معقوله كل هالغياب وهيا مافيهــا شي ..
جُنــى:حتى أنا خايفــه عليهــا كل ماتصلت ترفعه الشغاله وتصرف …
خلود:طيب انتي سألتيها ليه غايبه …
جُنــى:ايه سالتهــا تقول مافي معلوم ,,لو كانت مريضه بتقول …
خلود:لاتكون ماتبغى تكلمنا..
جُنـى:شكلها,, بس خليهــا على راحتهـا مردها بتدرس …
جُنـى مسكت دفتر كان على الطاوله ووقفت..
خلود :وين بتروحين …
جُنــى:بروح اودي دفتري لأبله العنود تجين معي …
خلود :لا مالي خلق اطلع ..
جُنــى وهي تبعد عنها:على راحتك…
جُنـى راحت غرفة المعلمات وعطت المعلمه الدفتــر وهي تمشي بسيب خالي مافيه اي احد
لدرجة انهــا تسمــع صوت جزمتها على لأرض ,,صارت تسمع اصوات على شكل همس وكل ماتقترب من السلم اللي كان يطلع السطح يزيد صوت همس…
المكان كان مخيف محد يمر فيه كان بأخر السيب والسيب هذا بالدور الثالث والفصول اللي فيه مغلقه مافيهــا احد بس بعد اللفه يجي سيب ثاني فيه فصول شغاله ..
وقفت على بداية السلم متردده ,,لاكن روح المغامره اللي سيطرت عليها وبشجــاعتهــا المعهوده طلعت السلم لين وصلت حد صار الأصوات فيه واضحه لها ..
المكــان كان ينبعث منه رايحة سجايــر ..يعنــي فيه احد هنــا يدخن …
وقفت بمكانها تسمع كلامهم كانوا تقريباًخمســه ..عرفت ثنتين منهم من خلال أصواتهم المميــزه (كــانوا نور وأمل زميلاتهــا بالفصــل)…
وهي جايه بتنزل سمعت نغمة جوال وبعده سمعت أمل ترد وشكلها تكلم واحد فهمت كذا من تعليق البنات عليها …
اكتفت باللي سمعته وجت بتنزل بس كان فيه قوطي ببسي مو منتبهتله وهي نازله ضرب فيه
مريولها البنات سمعوا صوته وهو يتدحرج..
فقاموا بسرعه يشوفون من فيه مالقوا أحد …
نور:مكان هذا صار مكشوف لازم انغيــره…
مهـا:وحنا لقينا غيره وقلنا لا …
سلوى:توقعون من كان …
نور:مو مهم أكيد سمعت اصواتنا وعرفت من حنا وبنت أبوهــا لوفتحت فمهــا بشي …
فاديه :خل تعلم أنا ماعاد يهمني شي …
أمــل وهي تغمزلها:يابعد عمري أنت يافـادي أكيد مـاراح تخاف لأنك ماتخاف تخوف …
بالحصه اللي بعدها حضرت جُنـى بذهن شارد لفت انتباه المعلمه اللي كانت عندهم وخلاها اكثر من مره تناديها تنتبه للشرح …
جُنــى جالسه تفكــر اللي سوته صح أو خطأ ,,تحس الحركه اللي سوتهــا خطأ هي ماتعودت على الحركات الوشايه وتحس أنها حركه طفوليه بس لوسكتت بيكون خطأ أكبــر
أهم شي ان ضميــرها مرتاح اللي سوته …
طيب لو دروا أنها هي اللي خبرت عنهــم وذولا اصحاب مشاكل وهي مو ناقصه على أخــر السنه مشاكل وخصوصاً ان لأمتحانات الشهريه على لأبواب ,,بطقاق ان ماخف الا من اللي خلقني وش بيسون يعني اعلى مابخيلهم يركبونه …
ياســر لسكرتير أبوه :الوالد عنده أحد …
جمــال:ايه طال عمرك عنده اجتمــاع مع محامي العــائله ابو لؤي…
ياســر:طيب خذ لأوراق هذي دخلها عليه لاطلع من عنده المحــامي وخبــره اني طلع ومو راجع الى بالدوام المسائي …
جمــال: انشاءالله اي اوامــر ثانيــه …
ياســر ماعطاه وجه وطلــع …
جمــال :لك الله يلعن الساعه اللي اشتغلت فيها تحت أمرتك انت وبيك ,,,ولا انا بعد هالعمــر بقول لشب كبر ابني طال عمرك,,يلعن ابو الحاجه اللي ذلتنا الكن …
دخل ياســـر البيت ولقى أمــه اللي توه طالع من عندهــا حريم جالســه بالصالــه ..
بعد ماسلم ياســر وجلس فصخ غترته وانساب شعره الطويل على كتوفــه ..
فاطمــه وهي تطالع بتلفزيون :وش فيك يمه راجع بدري …
ياســر:مافي شي بس مقهــور ابوي ماجتمع مع محامي العائله ومناداني للأجتمــاع … ابوي متغيــر بلأوانه لأخيــره وصار فيه اشياء يخبيهــا عني..
فاطمــه وهي تحط رجل على رجل :اشيـاء مثل ايش ...
ياســر:تساليني ..أنتي أدرى ابوي مايشق خيط بأبره الا بشورك …
فاطمــه :لايكون مو عاجبك الوضع وتبغى أبوك يسوي شغله من وراي..
ياسر :يمه أنا ماقصد كذا لاتفهميني خطأ ,,بس خبريني وش اللي صايــر ,,يمه يرضيك بعد كل الصالحيات اللي معطينيهــا أبوي أكون مثل لأطــرش فالزفه …
فاطمــه :لا يمــه مايرضيني وأنا مابغالك الا الزين ,,بس الموضوع هذا بذات من صالحك ماتعرفــه …
ياســر بقهــر:ليش يمــه أرجوك فهميني …
فاطمــه :الموضوع هذا لوعرفتــه اللحين بيسويلك مشاكل مع أبوك ,,وانا اعرفك متهور يمكن
تكبــر الموضوع احسن شي ماتعرف بهالوقت …
ياســر وهو يوقف بقوه :طيب لا تعلميني بس بتشوفون وش بسوي …
وطلع الدرج بسرعه وهو يركض …
نادته أمه بس مارد عليها ,,ونزل بعد عشر دقايق ومعه بيده شنطته ...
فاطمــه :ياســر اعقل وين بتروح …
ياســر وهو يتوجه لباب الصاله بيطلع :بلتعن بستين داهيــه ولاعرفتوا قدري بهالبيت برجع,,مع السلامــه وطلع وصك الباب وراه بقوه …
فاطمــه وهي تجلس بحســره: هذي اللي كنت خايفه منه,,اجل لو بتعرف الموضوع وش بتسوي كله من هيلا (أم ناصــر) و ولدهــا لابارك الله فيهم من يوم دخلوا حياتنا دخلت معهم المصايب ..
طلع من البيت ومن داخله يغلي,,محتار وين يروح لأن عنده شقـه فخمــه في حي راقي قريب من شركة أبوه ,,متعود يقضي وقت كبيــر فيهــا كان وده يستقل ويعيش فيهــا بس أبوه كان له بالمرصاد ورفض أنه يستقل عن أهله قبل مايتزوج وطبعاً هذا كان اخــر شي يفكــر فيه ياســر ..
طبعاً الشقــه ماعمــر أحد دخلها غير ياســر وحارس البنايه اللي ينظفهــا بكل بساطه لأن ياســر ماله اصحــاب ,,محيطه مقتصــر على شغله وصدقات العمــل بس والمعارف من العائله اللي ماتعدا علاقته فيهم حدود المصالح ..
ياســر كان يحس انه داخله بركان بينفجــر باي لحضه عشان كذا فضل الاختلاء بنفسه
الموضوع اللي مخبيه أبوه عنــه شاغله وكان فيه شي داخله يقوله أن الموضوع له علاقه بعيــال عمــه …
وهو سرحان جاه مسج على جوال سالي اللي معه تضايق من النغمــه اللي مخصصتها لرسايل اللي كانت على شكل صوت اسعاف…
الرساله كانت من الغــالــي..
مـــاعــــاد لـي حيلـه علـــى ملـك الاشــواق .."
مشـــاعري وأشــواق قلبــي"ملــكوني"
الشوق بلـوى والـولــه صــــار ســـراق.."
ويمـــك احــاسيس المحبــــه"دعـونـــي"
مشتـــااق لـك.....
.... مشتــااق..
مشتــااق .....
...... مشتـااق
لكــن ظروفـي عن لقاك"بعـدونــي"…
وبعد دقايق من وصول المسج اتصــل …
ياســر وهو يطالع الجوال بأستغراب :ومن الغالي هذا بعد ؟!..اوف مو وقته وصكه بوجهه…
نايف:فارس فااااااااارس اصحى اوف وبعدين معه هذا … فارس وعمى اصحى ..
فارس:اوووووووف وش فيك اذيتني خلني أنام ..
نايف:قوم بكلمك …

فارس:كلمني وانا نايم ..
نايف :فارس صحصح اسمعني…
فارس وهو يتغطى بالحاف:نايف ولعنه وش تبي ..
نايف :وين مفتاح سيارتك مقفله على سيارتي …
فارس :اللحين كل هالأزعاج عشان مفتاح وين بتروح هالوقت ..
نايف:بروح الجامعه خلصني وين المفتاح ..
فارس وهو يصرخ بعصبيـه :دوره فوق التلفزيون وانقلع عن وجهــــي …
نايف اللي قهــره فارس يوم صرخ عليه حب ينتقم منه ويخرب عليه نومتــه …
راح المطبــخ وجاب من ثلاجــه قارورة ماء بارد دخل للغرفــه اللي فيهــا فارس وترك الباب مفتوح عشان يطلع بســرعـه …
نايف :فارس ,,فارس ارفع راسك بقولك شي…
فارس وهو يفتح الغطــاء :اووووف الله يزعـ…
وكب عليه نايف المــاء واطلق رجليه لريح ..جلس فارس مده يستوعب اللي صار
وبعد ماستوعب,, فار دمـــه من اللي سواه فيــه نايف ,,قام من السرير بقــهر ,,دخل الحمــام بعدين طلع وهو يجفف وجه بالفوطـه …
اخذ بكت السجــاير من فوق التلفــزيون جلس يدخن ويتفرج على التلفزيون,,,له اسبوع مارجع البيت من بعد الموقف اللي صارله مع رحــاب …مو مصدق ان أخته شافت وهو بذاك المنظــر,, مايذكــر وش قال لهــا بس يتذكــر كيف كان شكلها والدموع مغطيه وجهاو هي تقومـه عشان توصلـه للغـرفتـه,,مو قادر يرجع البيت ويواجها بعد اللي صار أكيد أنه طاح من عينــها,,أكيد اللحين تكرهه وتتمنى لو ماكان أخوهــا...كل هالأفكــار والهواجس اللي سيطرت على فارس كانت كافيه أنها تمنعه من الرجعه للبيت ,,,وصل بأفكــاره إلى الجُنــى اللي طنشت تهديده وماتصلت :انا اوريك من هو فارس اللي لاقال فعــل ,, وهو يشد على طرف الكرسي:على بالك ماقدر اوصلك والله لوصلك لوكنتي بين أهلك ...
أبو ياســر:هاه وش قلت ياناصــر..
ناصــر:خلاص ياعمــي زي ماتفقنــا بكره نوقع العقود واليوم اللي بعده المحــامي يتنازل عن القـضيـه ..
أبو ياســر:على بركة الله ,,بس الموضوع هذا ابغاه سري على لأقل بالفتــره هذي ..
ناصــر:وأنا ماعندي مانع بتحفظ على سرية الموضوع ...
أبو ياســر:والفلوس ابغاك تصبــر علي شوي ...
ناصــر:لاتخاف ياعمــي أنا بالي طويل ,,واذا على الصبــر أنا من ست السنين وأنا صابر ماتفرق معي كم شهــر زياده ...
كانت مو مصدقه اللي قاعده تشوفه وتقراه عفطت الرساله ورمتهـا على لأرض بقهــر معقولــه وصلت فيه الجرأه لهدرجــه ..جابتهــا لها الشغاله تقول أن شغالات الجيران عطتها اياها كانت تظن الرساله من رحاب ,,ماتوقعت ولا واحد بالميه أنها من عند فارس كلامه فيهــا كله تهديد ,,وخبــرها إن صورهــا عنده ويقــدر يوديها بستين داهيــه لو ماتصلت
وكان يقولهــا بوقاحــه انه اذا كانت خايفــه تتصل فيه تجي للحديقه بالليل زي أول مــره عشان يتفقون ...
حست جُنــى بقهــر عمرها ماتوقعت انهــا بطيح بموقف زي كذا كان يتكلم معهــا كأنها انسانه خايســه,,ممكن تسوي اللي يطلبه منهـا هي اللي حطت نفسهــا بموقف زي كذا وخلت انسان واطي زي هذا يطمع فيهــا...
بس الصــور كيف حصل عليهــا ,,مو مهم كيف المهم انهــا عنده واحد نذل زي كذا لوبغى شي يسوي المستحيل عشان يحصــل عليــه ..
انا لازم أخبــر أحد عشان يوقف معي ماعندي إلى سالي وهج خوافــه لو علمتهـا بتفضحني بخوفهــا ....
دخلت عليهــم الغرفه شافت وهج تقـرأ مجله وسالي جالسه على الكمبيوتــر..
جُنـى:سالي ممكن شوي ابغاك تشرحيلي شي مافهمته ...
سالي:اوووه مو وقتك مشغوله ..
جُنـى:ماراح اخذ من وقتك كثيــر..
سالي مطنشه....
جُنـى:يالله عاد عن المذله ...
سالي:اووووف طيب روحي وانا لاحقتك ...
جُنـى:بليز بسرعـه...
دخلت سالي وعلى طول جات وجلست بجنبهــا على السريـر ...
سالي :خلصيني وين كتابك عندي بس ربع ساعه طلعتهــا لك من تحت
الأرض ...
قامت جُنـى وصكت الباب ...
جُنـى برود:ماكنت ابغاك تشرحيلي كنت أبغاك بموضوع خاص ..
سالي:والموضوع هذا ماينقال قدام وهج لازم اجيبيني لغرفتك ..
جُنـى :لا ماينقال قدام وهج لأنهــا لو سمعته بتفضحنــا ..
سالي بحمــاس :لهدرجه الموضوع خطيــر..
جُنــى بحزن :أكثر مماتصورين ... سالي انا طحت بورطــه كبيــره ..
سالي:كيف مافهمت ..
جُنـى :انا افهمــك بس قبل ماتكلم أبغاك توعدني انك ماتجلسين تلوميني وتحسسيني بالذنب لأني ماليت من لوم نفسي...
سالي:اوعدك بس اخاف يكون هذا واحد من مقالبك ...
جُنــى اللي تحس بالضغط كبير من الموقف حست باحباط من سالي اللي شكلها مو مصدقتهــافجلست تبكي ...
سالي وهي تسوي حركه براسهــا دلاله على عدم التصديق :حتى هذي ماتمشي علي ...
جُنـى وهي تشهق بين كلامهــا:سالي والله صدقيني تبغاني احلف لك بالمصحف على إن كلامي اللي بقوله صدق...
سالي كسرت خاطرها جُنـى اللي شكلها يدل على أنها صدق طايحه بورطه ...
سالي:خلاص مايحتاج تحلفين صدقتك بس تكلمي مابقى على الربع ساعه إلى خمس دقايق ماتكفي اسمع المشكله واحلهــا...
جُنــى جلست تضحك من بين دموعهــا على سالي اللي عندهــا قدره عجيبه على تغيــر مزاج الواحد حتى باصعب لأوقات ...
جلست جُنــى تقول السالي القصــه وسالي جالسه تسمــع بتركيــز بدون ماتقاطعهــا...
خلصت جُنـى كلامهــا بس سالي للحين ساكته ماتكلم وتناظر بوجه جُنــى ..
جُنــى:وش رايك ..
سالي: رايي بايش ..
جُنـى:بالي قلت لك ..
سالي:طيب وانا وش المطلوب مني ..
جُنـى:ساعديني عشان احل المشكله ..
سالي وهي توقف بتطلع :بس هذي مشكلتك وأنت اللي لازم تحلينهــا ..
جُنــى:سالي ارجوك انتي وش قاعده تقولين ..
سالي:اقول انا آسفه حلي مشكلتك بنفسك ...
جنــى جلست تبكي بصوت عالي ....
وسالي واقفه وطالع فيهــا وبعد مده هدت جُنـى...
سالي:جُنـى..
جُنـى ناظرت فيهــا بدون ماتكلم ..
سالي:تذكرين يوم اخبركم بزواج أحمــد تذكرين المقلب اللي سويتيه ..
جُنـى وصوتهــا مبحوح من الصياح:ايه اذكر بس وش دخله بالي قلته لك ,,سالي انتي تحسبين اللي قلته مقلب..
سالي:لا أنا مصدقتك بس تذكرين كيف كانت وهج تبكي ,,ويوم قالت لك انك جرحتي مشاعرنا قلتي أنها مو مهمه عندك ..
جُنـى :ايه اذكــر..
سالي :واللحين يوم قلت لك اني ماراح اساعدك حسيتي بطعم الجرح ذقتي الالم كيف إن انســان قريب منك يسببلك الم دون مايراعي مشــاعرك ...
جُنـى وهي منزله راسهــا:معك حق انا غلطت بحق وهج وماراعيت انهــا حساسه وكلامي بيجرحهـا..
سالي : عادي جُنـى وهج أختك وماراح تزعل منك ,,بس فيه ناس قريبين منك يمكن تجرحينهم وماتلقين الفرصه اللي تصححين فيها غلطك ..
جُنــى استغربت كلام سالي اللي يدل على حكمتهــا: سالي انتي تقولين هالكلام ..
سالي:قصدك أني المفروض انصح نفسي قبل مانصحك ,,ادري إن اللي سويتيه
أنتي قليل قدام اللي أنا اسويه ,,بس أنا مابغاك تطلعين مثلي وقحه وقليلة أدب لأنك لو طلعتي مثلي الكل بينتقد أمك لتربيتها لك وهذا أكيد مايرضيك ...

جُنــى:اكيد أنا دايم أفكــر اسوي اشياء مجنونه بس تفكيري بأمي هو اللي يمنعني ..
سالي:ولاتنسين ناصــر اللي ضحى بشبابه علشان يحقق لكم السعاده ولو كان على حساب نفسه ...
جُنـى:طيب سالي أنتي وش مستفيده من لعب دور البنت المتمرده الوقحه ..
سالي:لأن مافيه أحد اخاف عليه من كلام الناس ,,بالعكس لو تكلمت الناس عني يمكن هذا يذكــر أهلي فينــي ...
جُنـى:بس أهلك يدرون عنك وانتي قبل شهــر كنتي عندهــم ..
سالي وهي تضحك بألم :ههههههههههههههههههههههههههههههههههههه
تصدقين جُنـى ان الأسبـوع اللي جلسته عند أبوي ماشافتـه إلى مره جاني بغرفتي وجلس عندي نص ساعــه يسألني أذا كنت محتاجه فلوس ويخبرني انه بيزيدي لي المبلغ اللي ينزله بحسابي كل شهــر ,,يحسبيني مثله أكبر همي الفلوس يحسب بهالطريقه أنه صار ابوي ,,,وأمي رحت لها يوم قضت الوقت كله بالكلام عن ولد خالتي اللي خطبني وجلست تحن على راسي عشان أوافق عليه لأنهــا ماتبغى أختهــا تزعل منهــا,,كنت أتمنـى تطلب مني أنام عندهــا بس ماطلبت ويوم أنا بنفسي طلبت منها ابات عندهــم رفضت وقالت لي :حنا بيتنــا صغيــر وعلى قد حالنا ,,تبين بس تضيقين علينا وانتي عندك ببيت أبوك غرفــه كبر بيتنــا كله ,,,اسألك بالله ياجُنــى ذولا أهــل ,,وسكتت لأن العبــره خنقتهــا ولو تكلمت زياده بتبكــي..وهي اللي مانزلت دمعتهــا من ست سنين ,,لأنــه ملت البكي والبكي ملهــا...
جُنــى عشان تغيــر الموضوع :اقول ياسيدة الأعمــال ضيعتي وقتي وقتك يالله خلصيني وفكــري بحل لمشكلتي ...
سالي بعد ماتماسكت :امممممممممم خليني أفكــر ورد عليك ...
جُنـى:بس لاتطولين علي ...
سالي:لهدرجه مستعجله على العرس..
جُنــى جلست تناظر فيهــا بغباء ويوم فهمت وش تقصد أنفجــرت ضحك ...
سالي :لاتخافين جُنــى ماراح اسمحله يضرك ...
وهي تضمهــا بحب:راح احميك منــه بكل مأملك حتى لودفعت الثمن روحي ..
وقفت بتطلع :يالله عطلتيني ,,عطيتك الكثيــر من وقتي ...
جُنـى تأثرت مره من موقف سالي وكانت تبكي..
سالي:اووووه اعدتك وهج ,,صرتي حساسه ...
جُنــى قامت وباستها على خدهــا: مشكوره يأغلى خاله..
سالي وهي تدزها وتمسح خدهــا:وووووع دموع مع سعابيل ,,,يالله بااااااي ..
وطلعت ...
جلست جُنـــى تفكــر بخالتهاوباللي عرفتــه اللي يوم عنهــا :معقوله سالي شايله كل هذا بقلبهــا,,سالي مو من طبعهــا تكلم مع أحد عن أهلهــا اول مره اتكلم عنهم وعن علاقتهــا فيهــم ,,كنت اعتقد إنها محبوبه عند أهلها لأنهـا بعيده عنهـم ,,بس الظـاهر أنه غيـر مرغوب فيهــا بينهم ,,معقوله فيـه أم ماتحب بنتهـا مثل جدتي,,الحمدالله إن امي ماطلعت عليهــا,,ماتصور عمري بمثل هالموقف ,,أمي اقرب الناس لي تبعدني عنهــا..
*يــــوم الخميس العصــر*
سالي وهي ماسكه عباتهـا:يالله وهج تروحين معي المشغل ..
وهج اللي جالسه تفرج على التلفزيون :بتروحين ...
سالي :لازم تسالين ماتشوفين ماسكه عباتي ..
وهج :وأمي رضت ..
سالي :افا عليك تشكين بقدارتي بالأقناع ..
وهج :طيب شعرك وش بتسوين فيه ..
سالي وهي تطالع بشعرها بالمرايه وتشده على تحت :امممممممم طول صح لازم اقصه ..
وهج:اللحين كذا طول حتى رقبتك مايغطيهــا ,, خليه يطول على لأقل لحد كتوفك يطلع عليك أحلى..
سالي :راضيه بشكلي كذا ,,وبعدين ماحب اطول شعري احسني بنت...
وهج:ليه انتي وش ..
سالي:اووووووووف وهج عن الحنه بتجين أو اروح لحالي ...
وهج قفزت من على الكرسي :ايه بجي بس ثواني بجيب عباتي واجي ...
*بالسيــــــاره*
وهج :أمي مو جايه المشغــل ..
سالي: الابتجي تقول لاوصلتو المشغل خلو راجو يرجعلي..
وهج:وش فيك شكلك مو على بعضك ...
سالي:مافيني شي يتخيل لك ..
وهج:ولو كني ماعرفك ..
سالي:دامك تعرفيني اسكتي عني ما بغى أغلط عليك ..
وهج:أمي صح ..
سالي:اووووووف ارجوك وهج اسكتي..
وهج:بسكت بس بقولك قبل شي ,,لاتزعلين من أمي لأنهــا تبغى مصلحتك وهي تعتبرك بنتهــا مو أختهــا ..
سالي:وأنا مابغــاها تكون لي أكثر من أخت ,,أمي للحين عايشه مماتت عشان أحد يجي مكانهــا...
وهج بنظرات ترجي :سالي أنتي عاذره أمك صح ...
سالي :وهج تدرين أني اكره الطيبه الزايده اللي فيك ,,وبحقد الدنيا كله :لا ياعيوني مو عاذرتهــا مافي أي سبب بدنيا يبرر اللي سوته فيني ,,وهذي اخر مره تكلمين معي بهالموضوع ...
نهـــــــاية الفصل الأول
من الجزء الخـــامس

...الجــزاء الخامس ...
(الفصـل الثـانــي)
ناظرتهـا بأسف ممزوج بالشفقه ولفت تناظر الطريق ...
مهمـا صار سالي ماراح تنسى اللي صار لهـا بسبب أنانية أمهــا حتى لو أنا مكانهــا ماراح أنســى ,,اللي سوته جدتي مو هين,,مافيه أم تخلى عن طفلهـا اللي بشهره الثاني عشان تزوج ...
سالي:يالله وهج ننزل وصلنا ,,راجو ارجع للبيت عشان ماما تبغى أنت ...
راجو:اوكي ماما سالي

وفمكـإن ثاني كان فيه واحد يحترق من داخل من القهــر ..
نايف :اهدى يافارس وش فيك ..
فارس وهو يضرب الجدار بقبضته :يومين يانايف يومين من أرسلت لهـا الرساله وهي ماردت ولا اتصلت ...
نايف :ياخي أنت وش تبي فيهـا غصب تكلمك ...
فارس :آآآآه ,,لو تحس بالنـار اللي فيني يومين وانا ماقاطع الناس اخاف اتصل فتدق هي وتلقى الخط مشغول ,,ومانام أخاف تتصل وانا نايم ,,و من بعد صلاة العشـاء اتسلل للبيت مثل الحراميه واطفي انوار الحديقه وجلس بالظلام انتظرها إلى الفجـــر ,,وهي ولاطرى عليهـا تجي تلقاها نايمه متهنيه وانا مجافي عيني النوم ...
نايف وهو يمسك فارس يجلسه :ياخي أنت ليه محرق قلبك عليهــا ,,قلن عليك البنات ,,عندك اللي تسواهــاو تسوى طوايفهــا ...
فارس :بلاك ماشفتهــا هذي غيــر بكل شي غيــر وأكبــر دليل أنهــا ماعبرت تهديداتي ,,,آآآآآآآه يانايف بس لو أشوفهــا مره ثانيه لخليهــا تلعن اليوم اللي شافتني فيه ...
نايف مايدري ليه طرت على باله جُنـى يوم قال فارس هالكلام وتذكر أول مره شافهــا فيـه وش سوى فيهــا :فارس تعوذ من أبليس وخل بنت الناس بحالهــا ,,شكلهـا بنت محترمـه وش تبي فيهــا الداشرات واجد أنت بس طب وتخيــر..
فارس باصرار عجيب:لا يانايف أنـا مايملى عيني غيــرها صاراً كل البنات عندي واحد هي بس اللي غيــر ,,والله لسعــى وراهـا حتى لوقضيت حياتي كلها في رجاها..
نايف :انا اللي علي سويتـه نصيحه ونصحتك وأنت عقلك براسك وتعرف خلاصك ,,ويالله أنا مواعد بطلع ...
فارس بخبث :وش هالحركات صرت تلعب بذيلك وتواعد من ورانا ..
نايف :اووووووه فهمتني خطأ مو اعد رجـال ...
فارس :ومن الرجال أعرفه ..
نايف :لا الأشكـــال النظيفه ذي أنت ماتعرفهــا ..
فارس :وأنت من وين تعرفه وش تبغى فيه ...
نايف :عاد اعرفه وش ابغى فيـه ابغـاه بواسطـه ...
فارس :واسطه ,,هماك تقول نظيف ...
نايف:ياخي فرق انا اقول واسطه ماقول رشوه ..
فارس :جميــع الطرق تؤدي إلى رومـا...
نايف :اوووووه أنت الكلام معك ضايع يالله بااااااااااي...
فارس :تعال وين رايح بتقابل الرجال بجينز وتي شيرت ..
نايف:عادي تراه واحد من الأهـل...
فارس وهو يجلس ويأخذ الرموت :على راحتك ,,,وصك الباب وانت طالع ..
ناظره في نايف بقهـر يكرهه أحد يتأمر عليه فصك الباب بقوه يوم طالع ...
فارس بصراخ:نايف وجع ,, ويكلم نفسه:مدري متى بيترك عنه حركات البزران ...
نايف يوم سمع صراخ فارس انبسط انه اقهره نزل مع المصعد وركب سيارته الي موقفهــا بطريقه مخالفـه,, وانطلق بسرعه واستهتــار وصرير عجلات سيارته يفوق أي صوت اخــر ...


جلست تتافف للمره المليون بس محد عبرهـا حاولت تلفت انتباها فطفت التلفزيون اللي كانت تابعه بس شكلهــا مو مركزه فيه لأنهــا ماتكلمت ..
هديل:اووووووووف ملل..
جنــى :تراك من الصبح ماذيتن ,,ادري مملل وش تبين اسويلك ..
هديل:العبي معي..
جنــى :احلفي ياشيخــه ليه بيبي انتي العب معك عشان ماتحسين بالملل ..
هديل :ولي يسلمك جُنــى خل نلعب ..
جنــى :اللهم طولك يابال ,,طيب وش تبين تلعبين ..
هديل باحباط:ماعرف انتي قولي..
جنــى :اوكي لحضه بفكــر...
وبعد دقايق صرخت جنــى: لقيتهــا..
هديل قفزت وجلست قدامهــا بحماس:وش الي لقيتيهــا..
جُنــى:لعبــه مره حلوه ...
استئذان من العمـل وطلع وهو مستغــرب من اتصـال ولد عمتـه الغريب وش يبغى فيـه ,,بس مع هذا مانسى يرحب فيه ويخبـره أنه بيتأخر شوي وعلى بال مايشرب قهـوته يكون هو وصـل ...


كانت نظرات العالم تلاحقهـا من أول مادخلت القاعه مع أختهـا و وهج
بس هذا ماحرك فيهـا شعره لأن الشي هذا مو غريب عليهـا ,,,ماقدرت تمسك ضحكتهـا يوم تذكرت نظرات هيفـاء بنت خالتهـالها اللي كانت بالأستقبال
كانت مزيج من الأستغراب ولأحتقـار اللي ماخلى من لأعجــاب(كوكتيل عجيب)
...
وهج:اموت اعرف وش اللي يضحك ...
سالي وهي تضحك :ياربي مو قادره اوقف ...
وهج وهي ودهـا تضحك :بس اسكتي فضحتينا الأنظـار كلهـا عليك ...
سالي وهي تحرك خصل من شعرهـا اللي جايه على وجهـا بعد ماقصتـه وخصلته
عنابي وكان مرررره جنان عليهــا خاصه وأن لون فستانهـا سكري وفيـه ورود عنابيـه كان بدون أكمــام ويربط على الرقبه وضهــرها نصـه طالع :اوووووووف من هالشعــر يرفع ضغط ,,آآآه بس لو أقدر احلقه ..
اللحين جاء وهج تضحك :هههههههههههههههه ههههههههههههههههههههه ماقدر اتصورك بدون شعر بس مع ذالك بتطلعين قمــر...
سالي بثقه :ماقلتي شي جديد ...
وهج رفعت كرتون الكلينكس بتضربهـا فيه بس بعد ماتذكرت هم وين تراجعت ونزلته بقهــر:آه لوأنا فالبيت ...
سالي وهي ترفع لها حاجب :خلاص كلها ساعات ونرجع البيت ونشوف وش بتسوين ....
وهج بخوف من دفاشة سالي:من قال اني بسوي شي كنت امزح ,,وعشان تغيـر الموضوع :وينهــا أمي ..
سالي :أمك مع أم المعــرس هههههههههههههههههههههههههههههههههه.
وهج :وش اللي يضحك فالموضوع ..
سالي:تصدقين للحين ماني مصدقه إن حميدان بيتزوج ...
وهج:سالي بقولك شي بس لا تلتفتين اللحين لا خلصت ناظري,,شوفي الطاوله مو اللي وراك اللي وراهـا البنات اللي جالسين عليهـا خوات العروس وجالسات معهم ساميـه وندى خوات أحمــد لو تشوفين كيف يقزونك من يوم دخلنا عيونهـم مانزلت من عليك ...
سالي وهي تحرك يدهـا باستخفاف:وييه عاشتو اللحين ندوي وسـ....... قطعت كلامهـا يوم شافت من جاي لهم ..
ناظرت وهج للمكـان اللي تناظر فيـه سالي وشافت سلوى أخت أحمــد الكبيره متزوجه من سنتين حبوبه مره كانت صديقة سالي,, اللي مالهـا صديق لأنهـا ماتنطاق زي ماتعرفون ...
,,وهي الوحيده من خواتهـا اللي علاقتهـا حلوه مع سالي وماتضايقت منهـا يوم رفضت أخوهـا لأنهـا تدري أن هذا نصيب
سالي وهي تقوم تسلم عليهـا :هلا والله ..
سلوى :هلا سالي كيفك ,,والله لكم وحشـه ..
وهج :تسلمين هذا من ذوقك عيوني ..
سلوى :ياعيني على العنابي ,,وهي تغمـز لسالي :على مين ناويه اليــوم ..
سالي بخبث زاد من حدة عيونهـا الواسعـه الي الكحــل عامل عمياله فيهـا :على المعــرس ,,وبلهجه ساخره :حميدان ..
سلوى وهي تضحك ضربتهـا:ياحمـاره بتقطعين رزق العروس حرام عليك ,,طيب يوم خاطرك فيه ليش رفضتيه يوم جاك ..
سالي بتكبـر:أنا يكون خاطري برجال مابعد جابتـه أمه اللي يعجبني ...
سلوى :بسم الله علينـا والله خايفه الله يخسف فينـا لأرض وسبـبه غرورك ..
سالي:استغفـر الله ,,بعتب: سلوى وش هالكلام ..
سلوى :هههههههههههههه قهرتيني وبغيت اوقفك مالقيت إلى هالطريقـه ..

دق الجرس وفتحت له الشغـاله..
نايف:وين مجلس الرجال..
اشغاله اشرت عليه ..
نايف :طيب فيه احد من العيال ..
الشغاله :لا كل نفر برا ...وراحت
وقف نايف متردد بعدين توكل على الله وراح لباب الي أشرت عليه الشغاله اول مافتح الباب ودخل شوي وقف متصنـم مكانه...

كانت وحده لابس بنطلون شيال بيج تحته قميص كت اسود وجالسه تدور بالمجلس وهي تصقع بالكنبات ,, والمخدات اللي طايحـه على الأرض وتحاول
تدل طريقها بتحريك يديهـا بالجو بطريقه عشوائيه وكأنهـا بظلام وتبحث عن أحد ,,جلس على هالحاله ثواني يتأمل شعـرها لبني الطويل اللي يوصل لأخـر ظهرها ومسويتـه ذيل حصان وبشرتهـا البيضـاء الصافيه ,,بعدين رجع للواقع بعد صرختـهـا:هديلوووه ياحمـاره وينك اووووووف بس لوطيحين بيدي حأطعك حتت...
سمـع ضحكه صغيـره ...وانتبـه لحركه ورى وحده من الكنبات ..
جُنــى :والله ماكمل,, تحركي...انطقي ,,حسسيني أنك موجوده ..
ماحست باي تجاوب من هديل فجلست تغني :ناويلك على نيه بس أنت اصبر شويــه ..
وبحركه مفاجئه صارت تحرك يديهـا بعنف وهي تتجه لمـه سمعت صوت أنفاسه القويه لأن المجلس مره هدواء...
ضربت يدها بصدره,,وتجمدت مكانها مدت يدهـا ورجعت تتحسسه ...
مسك يدهـا الممدوده ,,ومد يده الثانيـه وفك الربطـه الي كانت على عيونهـا ..
كانت تشوف كل شي اسود من بعد الظلام اللي كانت عايشه فيه فقفلت عيونهـا ثواني عشان يروح الضباب اللي مأثرعليهـا ..
نايف بداخله :لا لتقفلين عيونك اللي سحرتني تكفين لتحرميني من شوفتهـا بعد كل هالشوق لهـا ..
رجعت تفتح عيونهـا وصابهـا رعب يوم شافتـه قدامـها كان الفرق بينهم أقل من متر جلست ترمش بعيونهـا يمكن تختفي صورته من عيونهـا بس ماختفت ..
تراجعت على ورى وحاولت تسحب يدهـا من يده اللي ماسكتهــا بس الصدمه سلبت كل قواهـا...
كان يناظر لعيونهـا مباشـره...انتبه لنظراتها اللي كانت ليدهـا اللي ماسكهـا فقلل ضغط عليهـا لين صار بأمكانها تفلت من يده..
تحركت جُنـى بسرعه على ورى بس تعثرت بالمخدات اللي على لأرض كانت بطيح بس يد نايف كانت اسرع ورفعتهـا بسرعه حتى صدمت بصدره بقوه ورجعت على ورى ترك نايف يدهـا يوم توازنت وهمس لهـا بكلمة :اشتقتلك ,,وهي ماصدقت ترك يدها فطلعت بسرعة البرق من المجلس صدمت بهديل اللي كانت واقفه عند الباب من برى هربت يوم شافت نايف ,,مسكتها جُنـى وراحت تركض فيهـا على فوق صكت الباب بالمفتاح مرتين ..
هديل :مين هذا مره خفت يوم شفته مره طويل اطول من ناصـر حتى ..
جنـى :لاتبالغين ناصـر اطول بس نايف انحف ..
هديل باستغراب :اسمـه نايف.. انتي وش دراك ..
جُنـى :اعرفه ولد عمتي شيخـه ..
جُنـى :هديلوه لاتعلمين أحد بالي صار ..
هزت هديل راسهـا بالنفي :ماني معلمه,,بس المجلس مكركب يويلنا من ناصر ..
جُنـى :اسكتي لتخوفيني ويالله انقلعي لغرفتك كله من تحت راسك ..
هديل بدلع :وانا شكو اانا اللي قلت له يجي..
جُنـى :لا بس انتي اللي حنيتي علي عشان العب معك وضاقت عليك مالقيت إلى المجلس ..
هديل:المجلس واسع ,,وبعدين بتفهميني انك ماكنتي مستانسه بالعب ..
جُنـى :هديل انقلعي شوفي ميري وش مسويه عشى ..
هديل:اووووف بس تحبين تأمرين علي ..وطلعت وهي تحرطم ..
انسدحت جُنـى على سريرها وهي تضم يدها الي مسكهـا نايف لصدرهـا :اوووووف وشهالأفكـار الغبيـه نسيتي وش سوا فيك ,,ولمست خدهـا بيدهـا الثانيه وهي تذكر بألم الكف الي جاها منه ,,هذي الي تهدد وتوعد اللحين جالسه تفكرين فيه اوووووف حقيركيف سمح لنفسه يمسك يدي,, وقح ليه كان يناظر في بذيك الطريقـه ,,سخيف ليه يقولي :اشتقت لك ,,اشتاقت لك جنيه انشاءالله ...

نايف جلس على اقرب كرسي له وهو يحس بكل جسمـه مخدر ,,دخلت الشغاله اللي كانت جايبـه القهوه ورتبت المجلس وطلعت وهو خبر خير ماحس فيهـا ..
دخل ناصـر وشافه سرحان والقهوه ومحد لمسهـا سلم بصوت عالي عشان ينبهه من سرحانه فز نايف بقوه ..
ناصـر:ههههههههههههههههههههههههه اسف بس شفتك سرحان بغيت انبهك ,,ماتوقعت اخرعك ..
نايف بارتباك وهي يدخل ربطة جنـى الي بيده بجيبه:لا عادي بس كنت سرحان ..
ناصـر وهو ياشر على القهوه :ليه ماتقوهيت ..
نايف :حبيت انتظرك ونتقهوى سوى...
ناصـر وهو يمدله الفنجان:اسف على التأخيـر,,ماكنت أدري إن العيال طالعين ولا استئذنت وجيت بدري ..

سلوى :يالله بنات قوموا ارقصـوا بطلب لكم أغنيـه خاصه ,, وهي تغمـز لسالي :وتليق على الحلوين اللي مثلكم وتحرق قلوب العذال ..
سالي هذا اللي تبيه قالت :بس لازم تكونين معي ...
اول ماراحت سلوى التفت وهج عليهـا بعصبيه :اللحين أمي مو محذرتك ماترقصين ...
سالي وهي تقوم توقف : وش علي من أمك هي تقول اللي تبي وأنا اسوي الي ابي ...
وهج وهي تلف وجهـا عنهـا : طيب إنا مو جايه معك روحي لحالك ..
احقرتهـا سالي ومشت متجهه للمنصـه وذيل فستـانها يسحب وراهـا,,اول مابتعدت عنهـا خطوتين فزت وهج ولحقتهـا ...
على منصة الرقص ماكان عليهـا الى سالي وهج وعلى انغـام أغنية محمد عبده كانو يرقصون :
ياماشاءالله عليك كل الجمال الكون فيك...
ياماشاءالله عليك كل الجمال الكون فيك...
كل من شافك يقولك ياماشاءالله عليك ..
ياماشاءالله عليك كل الجمال الكون فيك..
لو فيه مثلك كثير الدنيا صــارت بخـــير ..
صدقني وبكل صراحة صدقني وبكل صراحة
صدقني وبكل صراحة في كل شي أنت غير..
ياماشاءالله عليك كل جمال الكون فيك ..
رقه وجمال وحلا ابهــرت كل الملا..(عند هالمقطع صرخ الحضور من البنات مع تراقصات سالي المجنونه ,,القصيده بكلمـاتها كانت وكأنهـا مكتوبه لسالي )
تسكن القلب بسهوله تسرق بلحضه الغلا...
ياماشاءالله عليك كل جمال الكون فيك ..
ياكثر من يعشقونك ودهم بس يوصلولك ..
على نفسك اذكر الله علشان مايحسدونك ..
خلصت لأغنيــــه ونزلت سالي بعد ماسرقت عقول الجميــع بجمالهــا اللي ماله مثيل

مرت سالي من عند مجموعه من البنات كانوا يصفرون ويصرخون لهــا يوم كانت ترقص وابتسمت لهم بغرور وكملت طريقهــا بس مو لطاوله اللي كانت جالسه عليها لا اتجهت لطاوله الي كانو جالسين عليهـا أم ناصـر وهيفـاء وأم العروس ,, وجلست معهم بعد ماسلمت على أم العروس اللي كانت تعرف أن أحمـد كد خطب سالي ورفضته ,,لان العروس تصيـر بنت عمه فأمهـا مرة عمه وكانت امه تعلمها يوم كانوا يخطبون سالي ,,وبعد مارفضت خطبوله رهف بنت عمـه ...
كانت سالي جالسه وحاطه رجل على رجل فبانت فتحت فستـانها الي كانت إلى الركبـه...
سألتهــا أم العروس عن أمهـا وزوجهـا ..
وردت عليهــا سالي وهي تبتسم ابتسامه وسيعه كشفت لهم الالمـاسه اللي كانت تلمع على أسنـانهـا:بخيــر ماناقصهـم إلى شوفتي ...
قرصت وهج سالي اللي شكلها مو ناويه على خيـر الليله ...
بس سالي مافوتتهـا لها والتفت عليهـا وقالت بصوت عالي:تبغين شي ..
وهج ببراءه :لا ..
سالي باستغراب:أجل ليش تنغزيني...
وهج ماقدرت ترد و وجها مرت عليه جميع لألـوان ,,
وهج بداخلهـا:ياربي احراج سالي تعمدت تسوي فيني كذا ياءالله ذي ليه ماتحس مثل الناس ,, وقامت قبل ماتخونهـا دمعتهـا وتنزل ...
لحقتهــا سالي بعد ماودعتهم بابتسـامة اعتذار غيـرلائقه عليهـا عشان توري اختهـا كيف هي محترمه وهج الغلطـانه بس على مين تلعبهـا ..
وقف ناصر على الباب يودع نايف اللي ركب سيارته وهو يأشرله مع السلامـه
دخل ناصـر للبيت وهو مبسوط لأن ولد عمتـه لجأ له مع أنه يقدر يخلص هالأمـر بسهوله بدون مساعدته ,,بس هذا أن دل على شي فأنه يدل على انه يبغى يتقـرب منه وهذا شي يسعده لأنه عمـره ماكره أو حقد على عيال عمته أوعمـه هو كل كرهه لعمـه ولعمتــه اللي ابعدوا عيالهم عنهم وكانواسبب ألم له ولعائلته مده طويلـه ...


دخل الصاله وشاف هديل وجُنـى فالينهـا وجالسين يأكلون على الأرض وقدام التلفزيون
كانت اشكالهم تضحك وهم يأكلون وعيونهم متعلقه بالتلفزيون وشكلهم يتابعون فلم ...
جاء وقف قدام التلفزيون عشان يخرب عليهم ...
كان بيصرخـون عشان يوخــر بس يوم شافو إن اللي واقف ناصــر ماتجرأو ينطقون ..
ناصـر:وش العبط ذا مافيه طاوله تأكلون عليهـا بعدين ارجعوا على ورى ليش لاصقين بتلفزيون ...
وطفى التلفزيون وجلس معهم يأكل على لأرض ...
ناصـر وهو يأشر على البيتزاء: وشذا بيتزاء..
جُنـى بسخريه :لا ببسـي ...
ناصر وهو يناظرها بطرف عينه :تستهبلين ..
جنـى وهي ترج علبة الببسي اللي معهـا :انا اللحين اللي استهبـل ولا أنت ..
ناصـر وهو يحط يده على جبهتها :مصخنه أنتي ..
جُنـى:ليه اللي يتكلم بصراحه معكم يكون مصخن ..وقفت وطلعت فوق ..
التفت ناصــر على هديل بعد ماقامت جُنـى وهو مندهش من تصرفهـا :وش فيهـا اختك اليوم مو صاحيه ..
رفعت هديل كتوفهـا دلاله على انهـا ماتعرف..
اشر ناصر على البيتزاء وسأل هديل :وش ذا ..؟؟
قالت هديل وهي ميته ضحك :ببسي ...
ناصر وهو يشيلها ويرميهـا بالهواء :لاياشيخه ببسي ,,قولي وشو ذا..
هديل ماتت ضحك مو قادره ترد عليه ..
ناصـر وهو يرجع يرميهـا مره ثانيه :تبغين انزلك قولي وش ذا ,,ولا بعلقك بالسقف ...
هديل وهي تضحك: خلاص نزلني واقول ..
نزلها ناصر :يالله قولي..
هديل وهي تزين تي شيرتهـا وتراجع على ورى لين وصلت لسلم :اسأل روحك ..وطلعت لسانها له وركض على فوق ..
جلس ناصـر على لأرض وهو موقادر يوقف ضحك ياءالله من زمان ماضحك من قلب
ناصـر:ههههههههههههههههههههههههههههههههههههههه ههههه ههههههههههههههههههههههههههههههههههههههههههههه ههه الصراحه عندي خوات تحف ...

دق جواله وكان المتصل سلطان اتفق معه يمـر عليه ويطلعون ...

دخلت البيت مثل لأعصــار رمت عباتهــا على اقرب كرسي صادفهــا ,,وراحت تركض للغرفتهــا المشتركه مع وهج بدلت ملابسهــا وهي جايه بتطلع شافت وهج وعطتهــا ناظرات مثل السم ,,
الكلام اللي قالته لهــا أختهــا كبير بحقهــا واللي قهــرها إن وهج ساندتهــا بعد اللي سمعته منهــا كان هاين عليهــا تفتح باب السياره وترمي نفسهــا وترتاح وتريح بس بالأخيــر تراجعت لأن لها حسابات للحين ماصفتهــا...
انفجعت من الطريقه اللي فتحت فيهــا سالي الباب,,بس ماكلمتهــا لأنهــا شكلها معصبــه وأكيد متخانقه مع وهج لأنهــا ماتجي تنام معهـا إلى اذا تخانقو..
سالي:جُنــى نايمه ..
جُنــى:لا توني مانمت..
سالي وهي تجلس على طرف السرير :طيب وسعي بنام معك ..
جُنــى وهي تروح لطرف الثاني :توكم جايين ..
سالي وهي تدخل رجولها تحت الغطاء:ايه طلعنــا قبل الزفــه ولبركه بأمك ..
جُنــى:لااااااا ياخساره يعني ماشفتو العروس ..
سالي: لا ماشفناهاههههههههههههههههههههههههههههههههههههه هههه ..
جُنــى وهي تناظرها بأستغراب :وش فيك تضحكين ...
سالي :تدرين ليه أمك خلتنا نطلع قبل الزفه ..
جُنــى:لا مدري ليه ..
سالي :لانا وحنا رايحين قلت لهــا لجت الزفــه بروح اسلم على أحمــد ..
جنــى:ههههههههههههههههههههههههههههههههههههههه ههههه ههههههههههههههههههههههههههههههههههههههههههههه ههههه ههههههههههههههههههه..
جنــى وهي بالغصب تنطق ميته ضحك :ياحمــاره وأمي صدقتك ههههههههههههههههههههههههههههههههههههههههههههه ههههه ههههههههههههههههه.
سالي ضربتهـا بالمخده عشان تسكت بس هي مو راضيه كملت ضحك ...
سالي : خلاص اسكتي بتكلم معك بموضوعك ..
شرقت جُنــى يوم تذكرت مشكلتهــا اللي حارمتهــا النوم ..
سالي:تستاهلين كل هذا ضحك ..
جُنــى :وش كنتي بتقولين ..
سالي :لقيت لك الحل ,, بس بالبدايه قولي رقمه للحين معك ...
جُنــى:مادري بس شكلي رويته بدرج التسريحه مدري اذا كان موجود للحين اولا..
سالي :روحي دوريه ...
جنـى:وش تبغين برقمــه ..
سالي:عشان نكلمه ..
جنــى بغباء :نكلمه ,,نكلم مين ..
سالي :وش هالغباء مين بنكلم يعني ,,,بنكلم الحقير اللي يهددك..
جُنــى :طيب نكلمه ليش..
سالي :انتي اللحين روحي تأكدي من وجود الرقم ,,بعدين اقولك ليش نكلمه ..
جنــى:لا مستحيل اللي تطلبينه مني ..
سالي :تبغين صورك ترجع لك سوي اللي أطلبــه منك بدون نقاش ...
جُنــى:خلاص بس بشرط انتي تكلمينه ..
سالي:اوكي عادي اكلمه وش بيصير يعني ..
جُنـــى:سالي انتي واثقه انا ماراح انضر
احد بالي بنسويه ..
سالي :لا تخافين دام أنا معك ,,وبعدين هو اللي بدا وعلي وعلى اعدائي

شيخـه بدون نفس :حيانا الله من جانا حيا الله أم سالم واللي معهـا..
أم سالم(زوجـة أخو ابو نايف ) :الله يحيك,,وين البنات مانزلوا يسلمون ..
شيخـه بنفسها الخبيثه اللي تحسب كل الناس مثلها:مالها داعي هالتلميحات ,,,بناتي يعرفون لأصـول واللحين بينزلون ...
أم سالم :أنا ماقصد شي من اللي فهمتيه بس ابغى اسلم عليهم ..
شيخــه :ماله داعي تعلميني بقصدك ,,أنا ماعشرتك وعرف كل نواياك...
أم سالم :لاحول ولاقوة الا بالله ..
أم تركي(زوجة أخو ابو نايف الثاني):استهدي بالله يأم نايف وأم سالم ترا ماتقصد إلى كل خيـر ...
شيخـه بداخلهـا :من وين بيجي الخيـر وأنا ماتصبحه بوجيهكم ..
شيخـه :ماتشوفينهـا يأم تركي كيف تلمح أنا بناتي مهم ماتربيات ..
أم تركي :أم سالم بس تبغى تسلم على اللي بتصيـر مرة ولدهـا ..
شيخـه :وشو عيدي اللي قلتي ماسمعتك ..
أم سالم :هذا اللي كنا بنقوله من الصبح بس أنتي ماعطيتينـا فرصـه ,,حنـا جاين بنخطب فاتن لسالم ولدي ,,أبوسالم كلم أبوهـا وهو ماعنده مانع بس باقي رايك وراي البنت ..
شيخـه وهي توقف :لا عيوني اسمحيلي ماعندي بنات لزواج ,,,وفاتن اللي جايه تخطبينهـا لولدك سي سالم مخطوبـه ..
أم سالم بأستغراب :كيف تكون مخطوبه وأبوهـا ماجاب طاري وموافق على خطبتنـا ..
شيخـه وهي تجلس بتكبـر :يمكن ابو نايف نسى وتعرفين الكبـر شين ,,فاتن من يوم هي صغيـره محجوزه لياســر ولد أخوي ...
أم تركي :بس حنـا ماعمرنـا سمعنـا بهالكلام ,,بالعكس من يوم كانوا سالم وفاتن صغار وحنا نقول أنهم لبعض ...
شيخـه بقهــر :انا قلت لكـم ماعندي بنـات لزواج ,,وفاتن مخطوبه وقريب بتنعزمون على عرسهــا ..



قاموا أم سالم وأم تركي بيطلعون على نزلت أبتهـال اللي ماكانت تدري بوجودهم وتفاجاءت يوم شافتهم ..
سلمت عليهم أبتهـال وكملوا طريقه للباب ..
ابتهـال وهي تمشي معهم :وين بدري ماتقهويتوا ..
أم سالم وهي تلبس عباتهـا :مايحتاج قهوتنا أمك بكلامهـا ..وطلعوا وصقعوا الباب بقوه ..
شيخـه :كسـر يد انشاءالله ,,وانتي وش منزلك مو قايلت لك اذا كان هالناس موجودين لشوفك نازله ..
ابتهـال:طيب ليه يمه ..
شيخـه :مو لازم تعرفين ونفذي وأنتي ساكتـه ...
ابتهـال :بس ذولا مو غرب حريم عماني ..
شيخـه وهي تصر على اسنانها بقهـر :انتي ماتفهمين وعشانهم حريم عمانك مابغاك تنزليين ,,فاهمـه أو لا ..
ابتهـال والعبره خانقتهـا :لا مو فاهمه فهميني ..
شيخـه بصراخ : بطقاق عمرك مافهمتي طول عمرك غبيــه ليش ماتطلعين على أختك فاتن ذكيه وذهينه وماتهمها إلى مصلحتهـا مو مثلك يالعاقه ,,قامت بتطلع فوق ودزتهـا عن طريقهـا بقوه :وخري هنـا,, ماخذت منك إلى وجع الراس ولمعاند ..
اجلست ابتهـال على الارض وهي تبكي مقهوره من أمهـا اللي رغم كل اللي تسوي لها تقول عنهـا عاقه وتفضل عليهـا فاتن اللي عمـرها ماخدمتهـا بشي ...

دخلت عليهـا أمهـا فجاءه وهي تكلم بالتلفون ارتبكت وسكرت بسرعه,,مانتبهت لها أمهـا لأنهـا كانت مقهـوره من أبتهـال اللي ماتعرف مصلحة نفسهـا وذابحتهـا الطيبـه دخلت وجلست على السرير ..
فاتن :يمه ,,يمه ..
شيخـه بشرود :هاه ..
فاتن :يمه وش فيك تبن شي ..
شيخــه :اسمعي يمه انتي كبيره وفاهمــه وابغى رايك بالي أقوله ..
فاتن بقلق خايف اتكون كاشفه مكالماتهـا قالت بتريقه عشان تخفف من توترها :قولي يمه كلي اذان صاغيــه ..
شيخـه :اليوم جت اللي ماتنسمى مرة عمك ام سالم ..
فاتن:طيب وش فيهـا كل شوي وهي جايتنا,,
شيخـه :اووف خليني اكمل كلامي ..
فاتن :خلاص كملي ..
شيخـه: بس اليوم زيارتهـا غير,,تدرين وش جايه تبي ..
هزت فاتن راسهـا بالنفي...
شيخه: جايه تبي تخطبك لولدهـا سالم ..
ناظرت فاتن أمهـا بالصدمـه و وقفت بعصبيه :يمه وش قاعده تقولين انا مستحيل اتزوج أحد غيـر ياسـر ..
شيخـه وهي تمسكهـا وتجلسهـا :ايه هذا اللي كنت ابي اسمعه من بنتي الكبيـره العاقله ..
فاتن :يمه بس اخاف ابوي يغصبني اتزوج ولد أخوه ...
شيخـه :لاتخافين دامني موجوده ,,واذا على ابوك امره سهـل اذا جاك يسألك عن رايك بالخطوبـه
قولي له أنك تبغين تكملين دراستك ونزلي لك كم دمعه وبيقتنع برايك ...
فاتن :وياسـر إلى متى بنتظره كل يوم وثاني ارفض واحد عشانه ..
شيخـه :ماعليك مرده بيخطبك ,,بس اسمعي اللي بقولك زين اليومين هذي تقربي من مرة خالك فاطمـه عشان تخطبك لولدهـا ,,فاطمه خبيثه ومايندرا وش تخطط له أخاف تخطب لولدهـا من اهلها وحنـا ياغافلين لكم الله...
فاتن :لا انشـاءالله ,,اموت لو ياسـر تزوج غيري ..
شيخـه :بسم الله عليك من هالطاري انشاءالله بعدوينك ..


له ساعتين وهو جالس ينتظرهــا من يوم كلمتــه أمس وهو على أعصابه حاس إن اللي قاعد يصير حلم معقوله رضخت لتهديداته وافقت تقابله ,,,ياءالله ليش تأخرت هي قالت الساعه 12 واللحين الساعه ثلاث وهيي للحين ماجت ..
دق جواله وكان الرقم اللي كلمته أمس منه رقم بطاقه ..
رد بصوت ملهوف:الو ..
سالي بحزم :تنتظر بالحديقه زي ماقلت لك ..
فارس:ايه انتظرك زي ماقلتي..
سالي :طيب اوقف عند السور ..
فارس بلاهه :ليه ..
سالي بميوعه :عشان تمسكني لجيت انزل ,,وسكرت التلفون بوجهه..
فارس جلس يناظر للتلفون وقلبه يدقق بطريقه عجيبه :كلامهــا غريب مو هذي جُنــى الي اعرفهــا..وقف جنب السور ينتظرهــا وماصحى إلى على ضربه على راسه ,,
نزل للأرض يشوف اللي ضربه لقاهــا حجر مربوط فيه كيس فتح الكيس وانصدم بالي داخله ....
كانت صور رحاب اخته ومعها ورقه مكتوب فيهــا ..
(وش رايك بالمفاجئه حلوه صح ,,,عشان تعرف انه مو جُنــى الي تنهدد تبغى بقيت الصور رجعلي صوري والسلسال ,,ويادار مادخلك شر ,,,على فكره نسيت اقولك اني حريفه بتركيب الصور
سالي وجُنـى كانوا جالسين يتمشون بالحديقه ويفكرون بالي سووه ...
سالي جلست تلعب باسكت بول ..
جُنــى :سالي خايفه ..
سالي وهي ترمي الكوره بالشبكه:ليه وش اللي مخوفك ..
جُنــى :احس انا اخطأنا يوم أستخدمنــا صور رحاب ,,,اخاف يسوي لهــا شي ..
سالي :ما عليك منه هو أختـه يصطفلون ,,اهم شي تخلصين من تهديده ..
جُنــى :رحاب بتزعل لو درت بالي سويته ..
سالي :خايفــه على مشاعرهـا بعد اللي سواه أخوهـا فيك ..
جُنــى:رحاب صديقتي من قبل ماعرف الحقير أخوهـا ,,وهي مالها ذنب بالي صار ..
سالي :اذا كانت صديقتك صدق زي ماتقولين بتعذرك لأنك مضطره تستخدمين صورهـا كوسيلة ابتزاز لأخوهـا ,,يعني انتي ماعطيتيهـا احد غريب ...
جنـى :توقعين بيرجعلي الصور بهذي السهوله ..
سالي :لا تخافين بيرجعهــا ,,وهي تمسك شعــرهـا :والشعر هذا مو على بنت لو مارجعهـا..
جنـى:هههههههههههههههههههههههههههههههههههههههه ههههه ههههههههههههههههههههههه حسبي الله على بليسك كيف شقلبتي المثل ..
سالي :يالله نطلع نام قبل ماتصحى الحكومــه(ناصر) ..
جُنــى:معك حق الساعه ثلاث وحضر التجول يبدأ من 12..


نهــــاية الجزاء الخامـــــــس,,,

الجــــــزء السـادس
الفصل الأول

كان يجري بقوه على الرصيف المخصص للمشاه وهو يشد على عيونــه مايبغى يتذكــر اللي صار بعد زيارة أبوه المفاجئه له بالشقــه والحوار اللي دار بينهم ...
اصدم بواحد مانتبه له لأنه كان مغمض عيونــه,,الشخص كمل جريه بس ياســر وقف يناظــر فيــه
الناس تحرك من حوله وهو واقف بشكل غريب وفجاءه نطقهــا لسانه قبل عقله :سعود
وقف الشخص عن الجري والتفت يدور على اللي يناديه,,ناظر بياسر وكان على وجهه معالم الدهشه :مين ياســر ..
تقرب منه ياســر بخطوات متردده ,,وقف يتفحص وجهه يدور فيه سعود صديقه القديم ..سعود ماصدق إن الشخص اللي واقف قدامه صديقه القديم ياسر فأخذه بالاحضــإن وهو يصرخ بفرح :ياســر..
بعد عشــر دقايق كانوا بسيارة ياســـر يدورون مطعم مناسب يتعشون فيــه ...
سعود :ياءالله مو مصدق أنت ياســـر الجدي ..
ياســر:ههههههههههههههههههههههههههههههههههههههههههه هههههههههههههههههههههههه
وبعد ماتوقف عن الضحك :وانا مو مصدق أنت سعود المخروش..
سعود :ياءالله أيام تذكر يوم كنا ندرس بأمريكــا ...
ياســـر :وذيك لأيام تنسى ,,الا ماقلت لي كم لك من جيت ..
سعود :ست شهــور ..
ياســر لف عليه بصدمــه :ست شهور ومارحت لأهلك ..
سعود وهو يصد يناظر لطريق من شباك السياره :لاا,, ومابروحلهم ..
ياســر :بترجع أمريكـا..
سعود :لا ,,مليت من الغربــه بستقر هنــا ...
ياســر :وأهلك بتبقى بعيد عنهم ..
سعود : خلني أنا هنـا بعيد وهذا افضل لي ولهم ..
ياســر :بس عاد مالقيت إلى جده ,,الرياض أفضلك وبعد بعيد عن أهلك ..
سعود:أنا ابغى مكان مايعرفني فيه أحد ,,والرياض معارف ابوي اللي يعرفوني كثير فيهــا..وأنت وش تسوي هنــا..
ياســر وعينه على لأشاره :تهاوشت مع أبوي ..
سعود :والسبب..
ياســـر:ناصــر ولد عمي رافع قضيه عشان ورث أبوه من تركة جدي ...
سعود :طيب حقــه ..
ياســر :بس ابوي دخله شريك بالشركاتنا بدال مايعطيه نصيب أبوه ويفكنا..
سعود :لاتنسى إن اللي تكلم عنه يصيــر ولد أختي ..
ياســر :مانسيت والخيبه ..
سعود وهو يرفع يده بتهديد:ياســر ..
ياســر :ههههههههههه خلاص ياخوك امزح ..
سعود :ايه لاتنسى إن الناس مقامات ..
ياســـر:خلك مني وقول ,, باستهــزاء :جبت الشهاده الكبيره..
سعود :جبت بس مو اللي تبغاها ..
ياســر :ليش ,,لاتقولي ماكلمت طب..
سعود :الا بقولك ماكملت ...
ياســر :طيب ليه اذكر اخر سنه درست معك هناك كنت ماشي بالطب وش اللي ماخلاك تكمل ..
سعود:صح كنت ماشي فيه بس تدري اني دخلته بدون رغبـــه وهذي كانت رغبة أبوي ,,وبعد مافكرت فيهــا قلت بنفسي عنده عيال غيري خلهم ينفذون له رغباته ..
ياســر:طيب وش درست ..
سعود :فنون جميله ..
ياســر وهو يضحك :يعني بدال ماترجع بشهادة دكتور رجعت بشهادة رسـام ...
سعود:ههههههههههههههههههههههههههههههههههههههههههههه ههههههههههههه ,,قلت بدال ماضيع عمــري بدراسة شي ماحبه لتنفيذ رغبة انســإن بالاسم يعتبـر أبوي انفذ رغبتي وحلمي..
ياســر:والله انك مصيبـه وبعدين لاتنسى إن اللي تكلم عنه هذا أبوك ..
سعــود :الله ولأبو,, شرد عياله وماعاد سأل فيهــم ..
ياســر :وأمك ..
سعود:أخس واردى ,,تلقاها نست أن عندهـا ولد اسمه سعود ..
ياســر وهو يمسكه مع كتفه :فلها ياولد ويالله ننزل وصلنـا...
سعود:ندخل وأشكالنا كذا ..
ياســر :وش فيهــا اشكالنا ..
سعود :لا حبيبي اذا كان شكلك عاجبك انا شكلي موعاجبني وماحب ادخل مكان زي كذا الا وأنا على
اخر شياكه ,,وبعدين اسمحلي مامشي مع واحد رابط شعره مافيه فرق بينه وبين البنات ..
ياســر وهو يمرر يده على ذقنه :واللحيه ذي مو ماليه عينك ,,بعدين جالس تشرط علي ,,انا نازل بتنزل حياك..ونزل من السياره ..
سعود :يوووه نزل من جده بيدخل بهالشكل ..ونزل وراه ..

بسمــه:وش فيك ياحلوه شكلك كلش مو رايقـه ..
فاتن :آآآه يابسمــه ,,احس شابه داخلي حريقــه ..
بسمــه :ياكافي وراه ..
فاتن :السخيف سالم ولد عمي خاطبني ..
بسمــه :والله وأنتي وش رايك ..
فاتن :انتي يابسمـه تسألين عن رايي ,,وانتي أكثر وحده تدرين اني مستحيل أتزوج غيـر ياســر..
بسمــه :فاتن لا تعلقين أمالك على ياســر وتضيعين الفرص من بين ايدينك ...
فاتن تذكرت كلام أمهــا يوم تقول يمكن امه تخطبله أحد من أهلهــا:بسمــه في شي مخبيته عني ..
بسمــه :شي مثل ايش ..
فاتن :يعني مثلاً أمك ماتبغاه ياخذني ..
بسمــه :لا ماعتقد امي بتخليه ياخذ وحده غيــرك وبعدين انا من زمـإن ما سمعتها تكلم معه عن الزواج ..
فاتن :طيب ليش ..
بسمــه :مره سألتها متى ياسـر بيتزوج ..قالت انها ملت من الحنه عليه وهو ولا معطي الموضوع اهميه وتقول اذا بغى يتزوج يجي هو بنفســه يقول ..
فاتن :يعني بجلس معلقه لين حضرته يحن ...
بسمــه :وانتي ليش رابطــه نفسك فيه وافقي على ولد عمك وفتكي ...
فاتن بعصبيـه :لا مستحيل اخذ احد غيــر ياســر ,,وبعدين انتي ممكن توافقين على أحد غيــر نايف ..
بسمــه :مدري وش اقولك ,, بس اذا كان مثل ياســر اخاف يجي يوم ومن اليأس اوافق على غيــره..
فاتن :هذي اللي ذابحتنــا أحبــه وأحبــه ,,بكل سهوله بتخلين عن حبك وتزوجين غيــره ..
بسمــه :أجل اضيع عمـــري انتظره وهو ولا سأل عني,,,غيــري الموضوع ..
فاتن سرحانه:........
بسمــه :ايه صح ابتهال ليش ماجت معك ..
فاتن كانت سرجانه وفزت يوم تكلم بسمه فجاءه ..
فاتن وهي تضربهــا على كتفهــا:ياحمــاره خرشتي قلبي ,,وبعدين من حبك لأبتهــال تسألين عنهــا..
بسمــه :الصراحه أختك ثقيلة طينه ماتنحب ..
فاتن :احترمي نفسك ترى اللي تكلمين عنها أختــى ,لاتقلبين الحقائق ابتهــال خفيفة دم والكــل يحبهــا ..
بسمــه: اسكتــي والي يعافيك أختك مايحبهــا إلى المطافيق اللي مثلهـا ,,و بعدين من متى الحب أنشاءالله ..
فاتن :ابتهــال أختي ومن يومي أحبهــا,,بس حنا نختلف بطريقة التفكيــر عشان كذا نكون دايم على أختلاف ..


جت وهج ووقفت بمــكان قريب من سالي اللي جالســه بالحديقه تذاكــر ,,,شافتهــا سالــي وناظرتهــا بأحتقار وقامت بتدخل للبيت ...
وهج بانكســار وبصوت مخنوق :سالي أنا آسفــــه ..
سالي ولا كأن أحد كلمهــا ودخلت بدون ماتعبــرهـا ..
دخلت سالي لصــاله اللي ماكان فيهــا إلى أم ناصــر ...
أم ناصــر :أبوي اتصــل يبغاك تروحين له الخميس هذا ..
سالي :بالمشمش اروح له ..
أم ناصــر :ياحافظ وليش أنشاءالله ..
وهي تجلس وتأخذ رموت التلفزيون تدور على المسلسل اللي تابعه :يعني ماتعر فين أبوك أكيد جايب لي عريس,,يبغاني اروح عنده عشان يدبسني فيــه ...
أم ناصــر :اقول عن السخافه ,,روحي شوفي وش يبغى فيك ..وبعدين انتي وش اللي مخوفك اذا كان عريس زي ماتقولين ارفضيــه ومحد غاصبك عليه ..
سالي :طيب وليه كل هالفه ماروح ومايكون فيـه مو ضوع من لأساس ..
أم ناصـــر بهدوء:اقول سالي ..
سالي:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه..
أم ناصــر :وش فيك تضحكين ..
سالي :لأني ادري وش بتقولين ...
أم ناصــر :طيب خقولك قبل مين ..
سالي:هيله واللي يسلمك مو وقتــه عندي امتحــانات ..
أم ناصــر :واللي عنده امتحــانات يتفرج على التلفزيون ..
سالي :انا اشوف التلفزيون عشان اروق ,,وأنتي تغثين بالكلام بهالموضوع ..
أم ناصـــر :والله الولد مايتفوت ,,أبوه صديق أبوي ,,وسمعتــه زي الفل ..
سالي :طيب دام إن الولد زين كذا زوجيه بنتك ..
أم ناصــر :وهج صغيــره ومستحيل ازوجهــا قبل ماتخرج ..
سالي :طيب انا كبرها ,,وبعدين مو أنتي اللي صاجتني باسطوانة اني مثل بنتك ,,كيف ترضين علي اللي ماترضينه على بنتك...
أم ناصــر :سالي حبيبتي انتي فعلاًمثل بنتي والله يشهد عمري مفضلت بناتي عليك ,,بس انتي ماتنقارانين بوهج ,,انتي ذكيــه وفطينــه وتفكيرك أكبر منك بعكس وهج اللي على نياتهــا وتصرف ببراءه...
سالي :مو عذر ,,,وقولي لأبوك عندي أمتحانات وماراح اجيــه ,,واذا كان متمسك بالعريس لهدرجــه يزوجــه وحده من بناتــه اللي كثــر نمــل ..وقامت .

طلعت فوق وهي مقهــوره على المسلسله اللي فاتت عليهــا بسبب سوالف أختهــا ,,مرت من جنب غرفــة وهج وتذكرت الكلام اللي قالته امهــا عنــها كسرة خاطــره فقررت تدخل تصالحهــا ,,,
بداخلهـا:وهج طيبــه وماتستغني عني وأكيد عايشــه بضيــاع باليومين اللي ابتعدت فيهم عنهــا ..
طقت عليهــا الباب بس محد رد عليهــا فتحت الباب ولقت الغرفــه فاضيــه وسمعت صوت الماء جاي من الحمــام ...
جت لسالي فكره شيطانيــه على طول نفذتهــا ...
سكرت أنوار الغرفــه ...وقفلت الغرفــه وخذت المفتاح وطلعت لبلكونه وصكت الباب وراهــا...
سالي :اخاف البنت تستخف ,,لا هي متعوده على مقالب جنــى الي تشيب الشــعر هذا مقلب بسيط مايسوى عليهــا ,,وتقنع نفسهــا:بعدين هذا عقاب لهــا عشان ماتزعلني مره ثانيه....
طلعت وهج من الحمــام وهي رابطـه الروب عليهــا شافت أنــوار الغرفــه مسكره فخــافت ركضت للباب بتطلع من الغرفــه حاولت تفتح الباب لقتــه مقفل ومالقت المفتاح فيــه تخبلت وجلست تبكي وتضــرب الباب ,,,
سمعت سالي صوتهــا وهي تبكي فخافت عليهـــا جلست تطق عليهــا باب البلكونه عشان تفتحلهـا ,,وهج سمعت الصوت اللي جاي من البلكونه فتخرعت زياده وجلست تبكي بشكل أكبــر ...
سالي وهي تطق وبصراخ :وهج افتحي الباب هذا أنا سالي ,,وهج وهج انا سالي افتحــي ...
وهج كانت تسمع صوت سالي بس تحسب انه جاي من برا الغرفــه ماتوقعت تكون بالبلكونــه ...
سالي وهي تضــرب الباب بشكــل أكبــر وتهزه :وهج افتحــــــي أنا سالي ...
وهج يوم شافت الباب يهتــز بالظلام انرعبت وقامت تفتح النور ,,,
رجع لهــا صوت سالي :وهــج وهــج ,,وهج ردي علي وش صار فيك ...
وبعد مادققت وهج بالصوت انتبهت أنه جاي من البلكونــه ...
اول مافتحت وهج الباب ,,,صرخت عليهــا سالي :ساعــه عشان تفتحين الباب ..
وهج كانت بحاله ترثى لهــا اختلطت دموعهــا مع قطرات الماء النازله من شعــرهـا وهج وهي تشاهق :وش تسوين هنــا ..
سالي:ولك عين تسألين بعــد ساعه محجوزه هنـــا ..
دخلت وهج للغــرفــه ومسكت الفوطه تجفف شعــرهــا ..
سالي وهي تجلس على السرير :خفتــي ..؟؟
وهــج وهي تناظرها بالمرايــه :ماشــاءالله من متى حل العفو وانتهت المقاطعــه ..
سالي :رحمتــك ,,,بعد ماشفت دموعك ...
وهج اللي انقهــرت من كلام سالي رمتهــا بالفوطه وهي تقول :عديمة احساس من يوم عرفتك,, عديمة احساس ,,لو الحجر يحس انتي ماحسيتي ..
سالي وهي تقوم لهـا :يالله عاد اللي يسمعك يقول أمس بس متعرفه علي ,,وانصدمتي فيني ..
وهج سكتت عنهــا لأن الكلام معهــا مامنه فايده ..
سالي عشان تغيــر الموضوع :وش سويتي بامتحان اليوم ..
وهج :زفت ..
سالي :وراه ,,كان مره سهــل ..
وهج :فيــه اشيــاء كثيره ماكنت دارستهــا وجات ..
سالي :ماعليه فيه وقت تعوضين بامتحان الشهــر الثاني ...
وهج :اتمنــى ,,وانتي وش سويتي ..
سالي وهي تغمــز لهــا :لا تخافين علي انا فل ..


دخلت عليهم جُنـــــى وشكلهــا ضايقــه ومعهــا كتابهــا,,,
جنــى وهي تجلس معهم على السريــر :ماشاءالله تصالحتوا..
سالي :تصالحنــا تخانقنــا أنتي شكو ..
سكتت جُنــى ماردت وهذا اثار استغرابهم مو من عادت جُنــى تستسلم بسهولــه ...
وهج :وش فيك جُنــى أنتي مصخنــه ..
جنــى باستغــراب:لا ,,ليه علي حراره ...
وهج :لا بس غريبــه صايره مسالمــه ..
جنــى :اووووووف ضقت من الدراســه ,,وش رايكــم نطلع ..
سالي :وش نطلع مو وقتــه ,,,
وهج :معهــا حق جُنــى خل نطلع كلها ساعتين نغيــر فيهــا جو ونـرجع مو مطولين ..
سالي :لا مستحيل اطلع قبل ماخلص المقرر..
جنــى :بكيفك عمــرك ماطلعتــي أنا و وهج وهديل بنطلع وأنتي اجلسي ..
سالي :لا ماتطلعون وأنا محبــوسـه يانطلع سوى يانجلس ...
وهج : اللي يسمعكـو يقول شوركم بيديكم ,,من بيسمحلكم تطلعون وعندكم أمتحانات ...
جُنــى :هذا خلوه علي بس أنتو وافقو ..
سالي :اوكي أنا مو افقه بشوف كيف بتقنعينهم ...
جُنــى :دامي اخذت موافقة الأميــره سالي كل شي تمـــــام ...وطلعت تركض لغرفتهــا ..
سالي بلاهه :فهمتــي شي ..
وهج بتردد:تبغاين الصــراحه شكلهـا بتوهقك ..
سالي :كيف ..
وهج :بتخلينــا نطلع على مسئوليتك ...
سالي :لا مو ناقص مشاكل مع أمك ..
وهج بمكــر:بس أنتي عطيتيهــا كلمــه ,,ومايصيــر سالي الـ........ تراجع عن كلمتــها ولا تصيــر كلمتك كلمة مــره ..
سالي :لا تحاولين ماراح اطلع بدون شور أختــي ..
وهج بأحبـــاط :اذا بنحتري موافقة أمي بنخيـس وحنـا ماطلعنا..
دخلت عليهم جنــى معهـا عباتهـا وشنطتهــا والابتسـامه شاقه الوجه ..
وهج :يافرحه ماتمت مافيه طلعه ..
جُنــى :لا ليش حنـا اتفقنا وانتهى الموضوع ..
سالي :اخذتي موافقة أمك ..
جُنــى :دامك أنتي مو افقه ماله داعي نزعج أمي بالحنــه ..
سالي :لا حبيبتي انتم تطلعون تستانسون وأنا كل شي يطيح على راسي ...
جنــى وهي تجلس بجنبهـا وتبوسهـا على خدهــا :سالي حبيبتي خالتي بليــز ,,والله بمــوت من الضيق ..
وهج :سالي واللي يخليك بموت وأطلع ..
سالي :طيب وش رايكم بها لأقتراح ,,اليوم مافيــه طلعه لأني مستحيل اطلع وأنا ماخلصت ادراســه
بس مايصيــر خاطركم الي طيب جهزوا أنفسكــم يوم لأربعــاء لأحلــى طلعــه ...
جُنــى بيأس :مع اني كنت ابغاها اليوم بس اهـــــــم شي ضمنت طلعـــــه ...
سالي :طيب استانستــي انقلعي برا بذاكــــر ...
جنـــى :طيب قبل ماطلع عطيني كتابك بكتب لك فيــه شــي ..
سالي وهي تمد لهــا الكتــاب :اكتبـــــي بخـط حلو وبقلــم رصــاص ..
اكتب جُنــى شي بســرعه على الكتاب ورجعتــه لسالي وهي تقول :لا تورينــه وهج ,,وغمــزة لهــا..
وهج اللي كانت جالســه على السرير وتذاكــر:وييييييه بمــوت عاد اذا ماقــريتــه ..
جنـــى :من القهـــر اللي فيك ...وطلعت من الغرفــه وهي تطلع لوهج لسانهــا...
قرت سالي اللي بكتابهــا وقامت بتطلع ..
وهج :وين رايحــه..
سالي :بروح اجيب لنا شي ناكلـــــه

اول ما طلعت سالي قفـــزت وهج من مكانهــا وخذت كتــاب سالي تقرى اللي مكتــوب فيــه ...


سالي :خيـــر وش بغيتي ...
جنـى قامت بدون ماتكلم وفتحت درج التسريحــه وطلعت منــه كيســه ورمتــها على السريــر ..
سالــي :وش هذي ..
جنــى :افتحيهــا وتعرفيـن..
جلست سالي على السريــر ..
قالت وهي ترفع الكيسه وتفرغهــا من محتوياتهــا :هذي مو الكيســه اللي رميناهــا وفيهــا صور رحــاب ..وشهقت :هذي صورك ..
جنــى :ايه هذي صوري ورفعت السلســال :وهذا سلسالي ...
سالي :صورك كاملــه..؟؟..وكيف جبتيهــا ..
جُنــى :ايه كاملــه ,,جابتهــا لي رحاب اليوم..
سالي :وش قالت ..؟؟
جُنـــى:ماتكلمت معي كثيــر لأنهــا كانت جايــه تختبــر وتطلع ,,,بس كان شكلهــا مره متأثــره باللي صــار ,,كانت تكلم معي وعيونهــا بالارض ماتمنيت اشوفهــا بموقف زي كذا ..
سالي :ماسألتك عن صورهــا ..
جنــى :لااااا..
سالي :أحســن ,,اصلاً ماراح اخليك ترجعينهن لهــا ..
جنــى بصدمــه :بس حنا ماتفقنـا كذا ..
سالي :ليه عيوني لا تكونين تبغين ترجعين له الصور ,,,وضربتهــا على راسهــا :فتحي هذا
,,حنـــا وش يضمن لنــا أن ماخذ احتياطاته ونسخ الصور ...
جنــى بغبــاء :ياربي مافكــرت بهالطريقــه ..
سالي: لأنك غبيــ......وقطع كلامهــا دخول وهج المفاجيء..
وهج وهي متكتفه :ياعينــي على لأســــــرار,,
جنــى وسالي :ساكتين ....
وهج :يالله انطقو وش مخبين علي ..
سالي :مالك دخل ,, وهي تزفهــا بخفه عشان تمشي قدامهــا :ويالله قدامي على الغــرفه انتهى وقت المماطلــه وبدا وقت الجد ...
جنــى :خذو الباب معكم ...
سالي بسخريه :وش قالو لك حماليه ...
جنــى :اقول صكي الباب ولا يكثــر ..
وهج بدلع :وييييييه وش فيكم تكلمون كانكم شباب ..
زفت سالي بخشــونه عشان تطلع من الغرفــه وصكت الباب بقوه ...
جنـــى من داخل الغرفه :وجعوووه ..
سالي من برا:توجع العدو,,, ياحمـــاره ...
وبعد مادخلوا غرفتهــم ,,
وهج :وش بينكم ..
سالي :لو كنا نبغاك تدرين قلنالك..
وهج :ياعني ماراح تقولين لي ...
سالي :لا ..واسكتي بدرس ,,والله لوتنقصني ربع درجــه لطلعهــا من عيونك ..
وهج :لا خلاص بسكت يمه صعيديه تخاف على الدرجــه ,,
ماردت عليهــا سالي لأنهــا اندمجت بالمذاكــره ********مثلــي دافوره ههههههههههههههههههه.

نايف :فارس حــرام عليك الي تسويه بنفسك ..
فارس ساكت ..
نايف:يعني كيف مو راد عليك ,,يعني عاجبك حالك كذا يافاقد ,, ياساكت وحزنان ..نايف يوم شاف مافيه ردة فعل من فارس كمل كلامــه :نصحتك بس أنت اللي ماسمعت النصيحــه ,,يعني عجبك اللي انحطيت فيــه قدام أختك ..
فارس بصراخ:نايف ارجوك اسكت مو ناقصك ...
نايف باستهبال :يعني تكلم اشوا على بالي فقدت حاسة النطق ..
فارس اخذ مفاتيح سيارته وقام بيطلع ..
نايف : تعال وين رايح خذني معك ..
فارس وهو واقف على الباب :انا طالع بفتك منك تبغاني أخذك معي ...
نايف بعد ماطلع فارس :وش فيــه ذا اللحين بنت الناس تذله يحط حرتــه فيني ,,مشكلة اللي يماشي سكارى ...
وبهالحضــه دق جواله وكانت المتصلــه (هبــه)
نايف :هــــــــلا والله بالغالين القاطعين ...
هبــه بدلع :هلا نايف حبيبي كيفك ...
نايف :بخيــر من يوم سمعت صوتك ...
وتستمــــر المكالمه ....

طلع فارس من الشقه وركب سيارتــه وهو موداري وين يروح ,,,بعد اللي صارله مع جُنــى صار يقضـي اغلب وقتــه بالشــــرب ويجلس يومه كله نايم واذا صحــى رجع يشرب ,,له اسبــوع ماطلع من الشقــه ,,اليوم طالع وماهو راجع إلى بعــــد مايلقـــى الفكـــــره اللي بيدمـــــر فيهــا جُنــــى وعائلتهــا بكبــرهـا ..

ياســــر :يالله عاد سعود مايصيــر ,,,حجزت لك معي ..
سعــود : اوووف الشكــوى لله بروح معك بس اسبــوع ورجــع ..
ياســــر:المهم تجي معي ..
سعــود :وأنت وش اللي معجلك على رجعــه ..
ياســـر :طولت على الشــركه والأشغال متكدســه على راسي لازم ارجــع اخلصــها ,,بعدين خست من الرطوبــه واشتقت لهوى الرياض ...
سعــود :الله عاد اللي يسمعك يقــــول موسكــو مو الرياض ...


يوم لأربعـــــاء 8مســـاءً...
سالي :راجــو شغــل لـfm
جنــــى :توقعــون نرجع قبل ماتجي أمي أو تشكــنا ...
سالي :خليهـا على الله انتو محد قايل لكم شي كل شي بيطيح على راسي ...
وهج :تستاهلين محد قالك تطيعنا ..
سالي :ايا الخاينه بدال ماتوقفين معي تقولين هالكلام,,,
وهج :اصلاً انا طالعه غصبن عني ..
سالي بقهــر :جُنــــى سكتي أختك لأذبحــها ...
جنــى:وهج خلاص اسكتي بتخربين علينا الطلعــه ,,ماذكرك نحيسه ...
وهج :ههههههههههههههههه تعلمتهــا منكم ..
سالي :والله تندمين على اللي قلتيه قبل شوي وتشوفين ...
وهج :من قهــري كم مره قلت لك لاتلبسين العبــاه هذي بالسوق وأنتي تعاندين وتلبسينهــا ...
سالي :اوووووف وانتي شكو أحد قالك أنك مسئواله عني ,,أنا الكبيــره هنـــا وأنا المسئوله ...
هديل وهي تمسك راسهـا :بس حنا بالسياره صدعتوا راسي ...
سالي :عشتوا حتى أنتي طلع لك لسان ...
جنــــى :ياربي خربت الطلعه بهوشتكــم ...

وبعد نص ساعـــــــه كانوا يتمشــون بالفيصليــه و وهج وجُنــــى يطلعــون من محــل ويدخلـــون ثاني وفلســـوا سالي اللي الطلعــه كانت على حسابهــا ...
سالي تكلــم هديــل باستهــزاء :أحد يعطي ذولا وجـــه صدق بـدو ماشافوا خيـــر ...
هــديــل براءه :حتــى أنا بدويــه ..
سالي :بس أنتي غيــر انتي طالعــه على خالتك بــدويه مـــودرن ...
جُنـــى وهي تأشــر على قميــص :وش رايك حلو مو ...
سالي :وععع مو حلو أنتي كل شي عند حلــو ...
جنــى :ماطلبت رايك أنا اسأل وهج ..
وهج :بالعكس حلو يجنن خذيه ,,وأنا بأخذ مثــله بس لون ثاني ...
سالي :حــــراام عليكم فلستوني وأبــوي بعد ماطنشتــه,, أكيد ماراح ينزل بحسابي لين اروحلــه ..
جُنــى باستهبـال :اقول سالي ممكن تسلفين جدي يصيــر أبوي شهـــــر بس...
سالي وهي تزفهــا على خفيف :مو وقتــه هالكــلام ,,, شوفي وش بتاخذين ,,خلصــونا بنطلــع وبعدين ماتشوفين هاللزقه اللي من الصبح ورانا ...
جنــى :لزقــه من تقصدين ,,
سالي:واحد شوفيــه واقف قدام باب المحـــل ,, دخلنــا ثلاث محلات وكله يمشي ورانـا ...
طلعـــوا من المحـــل ..
سالي :يالله نروح نشــرب لنا شي ....
هديــــل:انا جوعانه نبي نتعشــى ..
سالي :ياحبيبي افتكينــا من الحلوات خواتك جيتي أنتي عيوني تعشي بالبيت ...

وجاهم صوت من وراهم :ولا يهمكم عشاكم علي ...
صوت ثاني :لا حلفت عشاء الحلوين علي أنا ...
سالي :اووووف وش هالسخافــه ..
وهج :سالي طنشي ...
رجع لهم الصوت :طيب ماتبغون العشاء خذوا الرقم **********
التفت عليه سالي :خيــــر وش تبي ..
الشاب :اخيـــراً مابغيتــوا تعطونا وجــه ..
سالي بعصبيــه:صدق قليل أدب ,,حل عنـــــا يأخي ..

وكملت طريقهـــا...بس الشاب ماتركهم بحــالهم وجلسوا يمشي وراهم هو صديــقه ...
وهج وهي ترتجف بخوف :سالي بليز طنشيهم بيملون ويتركونا بحالنا ..
هديل وهي تبكي:خلاص بنطلع من هنا مانبغى شي ..
جنـــى:اذا سكتنا لهم بيتمادون ...
الشاب :طيب ليه العصبيه ياحلوه ..
صديقــه :حركه كأنهــا تقول امش وراي ...
الشاب :ههههههههههههههههههههههههههههه,,طيب بمشي وراها بدون ماتقول ..


سالي بهالحضــه ماتحملــت وبصراخ: احتـــرم الفاظك ياحقيـــر ,,صدق خايس ..
الشاب :والله الخايســه اللي تلبس مثل عباتك وتدور بالاسواق بدون رجــال ...

...تجمعــــــوا الناس عليهــم وصاروا بموقف لا يحسدون عليـــه ,, وهج كانت متجمده من الرعب مو مصدقه الموقف اللي نحطوا فيــه وهديــل كانت تبكي وماسكــه فيهــا كانت بجد تكســر الخاطــر
جنـــى كان دمهــا محروق ودها تقوم وتمسح بوجه هالحقيــر الارض....
سالي :ياحيوان الخايســه أمك اللي جابتك ...
الشاب تنرفز وتقدم بيضربهــا بس صديقــه مسكه :خلهــا عنك هذي وحده مو متربيــه ,,مالقت رجال يمسكهــا ...
سالي : لا عاد أنت المتــربي والرجال ,,لو كنت رجال ماجلست تلاحق بنات الناس ...
الشاب :متربي غصبــا ً عنك يالتربية الشوارع ...
سالي باستهــزاء :طيب انا تربية شوارع ,,اوريك وش تسوي تربيــة الشوارع ,,,وعطتــه كف صوته تردد بالفيصليــه وسمعــوه كل أهل الرياض (ههههههههههههههههههههههههههههه)
هديل شهقت بــرعــب يوم شافت الكف وراحت تركض برعب إلى شخص لمحتــه وعرفتــه رغم أنهــا ماشفتــه إلى مــره وكان هو ملجأها الوحيــد ..



نهـــــــــاية الفصـــل الأول من الجــــزء الــسادس,,,

--------------------------------------------------------------------------------

الجـــــزاء الســـادس
الفصل الثاني ,,





ياســـر وهو يوقف بوجــه الشاب اللي كان مندفع بتهـــور باتجـاه سالي ورفع يده بتهديد:حاول تقـــرب منهــم وشف وش يصيــرك والله لمحيك من على وجــه لأرض...
الشاب :وانت وش حاشــرك هنــا ,,وخر بربــي بنت الـ....... اللي وراك ...
ياســـر :لاياشيخ تهجم على بنات الناس وماتبغى أحد يوقف بوجهــك ...
وبهالوقت جوا الأمــن ومسكوا الشاب وصديقــه ,,
*سعـــود كان يناظــر الموقف من بعيـد باستغــراب ومو فاهم وش اللي قاعد يصيـر...

ياســر اللي كان ماسك يد هديل مشــى بعيد عن تجمــهر الناس اشاره منه للبنات عشان يلحقونه بهدوء ,,بس اللي ماتوقعه ياســر إن سالي جلست بمكانها تطالع بالشاب اللي من صدمة الموقف اللي انحط فيــه قدام العالم جالس يصارخ ويهدد ويتوعد والسكورتيه ماسكينه هو وصديقه ,,,

سالي بصوت عالي عشان يسمــعه الشاب :ياشيــن الفشيله تمرمطت كرامته وانمسح فيه الارض ...

الشاب بهالحضه جن جنونــه وافلت نفســه من السكورتيه واتجه لسالي اللي كانت واقفه بصلابه وماتحركت شبــر من مكانهــا ,,مد يده بيضربهــا بس يد ياســـر كانت اسرع منـــه ومسكت يده ولفهــا ورى ضهره ورماه على لأرض ..وجر سالي من يدهــا وزفهـا قدامــه عشان تمشي ,,ونظــرت الاحتقار من الناس تلاحقها,,
وصلو للبنات اللي كانوا يتابعون الموقف من بعيد ,,البنات كلهم كانوا بحاله يرثى لها ,,وهج ماوقفت بكاها اللي بالصمت ,,وهديل كانت دمـوعهــا مغرقه وجهــا وهذ اللي كان مسكت ياســـر ولا كان صارت علوم ,,جُنـــى صح كانت بالبدايه متهوره مع سالي,, بس بعد ماشافت الولد وهو يتجه بيضــرب سالي خافت وحست بالغلطه الكبيــره اللي ارتكبوهـا يوم جو بدون وجود رجال معهم يحميهم ...
اتصــل ياســر بالسعود يطلب منــه ينتظره تحت عند المواقف ,,ركبـوا المصــعد عشان ينزلون تحت ,,
اول ماركبــوا المصعــد فكت سالي لثامــهاوجلست تحرك يدهـا قدام وجهــا دلاله على الحــر ,,وسط دهشــة ياســر وذهـــول البنات ...

وهج ماقدرت تمنع نفسهــا انهـا تنطق باستغــراب :سالي..
انفجــرت سالي بضحك وهي ترجــع تربط لثامهــا ..
جنــى بصوت واطي وبنبرة اسستخفاف :وش تضحكين عليــه ..؟؟
سالي ماعبـــرتهـا وكملة ضحـك ...
ياســر بسخـريه :يمكن تضحك مبسوطـــه على سواد وجهــا,,!!
سالــي :اللحين البنت تسألني أنت ليش قاط عمــرك بالنص ..
ناظــرهـا ياســر باحتقــار وجه كلامــه لوهج وهو يطلع من المصــعد :ناصـــر كيف يتـركم تطلعون لحـالكم ..
وهج ماقدرت تنطق وفضلت الصمت ..
جنــى تكلمت وانقذتهــا :ناصــر مايدري ,,حنـاطالعين بدون محد يدري ...
ياســرباستنكـار :وشو كيف تطلعون بدون شور أحــد ...
سالي وهي تحرك اصبعهــا وتأشــر على نفسهـا بغرور:طالعين بشوري عندك مانــع ...
ياســر التف عليهــا بحده وقال :أنتـــي تسكتــين ,,أنا قايل من قبــل ,,أنتــي كلك على بعضك خطـــر على اللي حولك ...
سالــي :وأنا اقولك اترك ارئك لنفسك ,,ومنت مسؤال عنـا ولالك سلطه علينا ...
ياســر وهو يأشــر على البنات :ذولي بنات عمــي وغصباً عنك لي سلطه عليهن ...
وصــلو ا لمواقف ,,,
ياســـر :يالله قدامي على السياره وعلى البيت طوالي وأنا بمشي وراكم بسيارتي ...
سالي بضحكتها المغروره اللي تنرفز الواحد واطلعه من طوره غصب:هههههههههههههههههههه ,,,شوف من بيطيعك,,وبميوعـه: زين حبوب ...وركبت السياره ..

بعد ماركبــوا البنات السياره ,,,طلب ياســر من السواق مايتحــرك وجلس يكلم بالجوال ثواني وجاه سعود اللي سأله وش صايــر قاله ياســر أنه بيعلمه بعدين وعطاه مفاتيح سيارتــه ,,
بعدين فتح الباب وجلس بالكــرسي اللي جنب السواق وطلب منــه يوصلهم للبيت ...

سالي:هااي أنت وين راكب ,,عيب يابابا ماتشوفنــا بنات لحالنــا مايصيـــر تركب معنــا...
ياســـر:ماشاءالله تعرفين العيب علمي نفسك قبـــل ,,,العيب انك تطلع من عنــدأهلك وتروحين تسكعين بلأســـواق ...
سالي :ههههههههههههههههههههههههههههههههههههههه ,,صح أنا طلعت من عند اهلي بس مارحت اتسكع بالاسواق رحت اسكن عند أختـــي ...
جنـــى انفجــرت بضحكه غبيــه بغيــر وقتهـا كملتهــا معهــا هديــل ...
ياســــر بداخلــه :سخيفــه وسخـافه تقطـــر منك ,,,لازم أمســك اعصــابي لأنـــي لوفقدت اعصابي مدري وش بيصــير اقل شي ممكن اسويه بمسكـها ورميهــا من السيــاره ,,
سالي بهبــال :جنــى وراك ماتردين ,,ولا القطـوه اكلت ألسـانك ...
جنــى استغربت ويوم فهمت وش تقصــد سالي رجعت تضحك بصوت أعلـــى ,,,
سالـي :اقــول جُنــى انزلي بكرامتك أحســن ...
ياســر يوجـه كلامــه لراجــو :أنت واقف للين اللحيــن ,, يالله حرك على البيت ...
سالي :راجــو لاتحــرك لين اقــولك ,,,
ياســر بعصبيــه :هييي أنت اصمخ اقولك تحرك للبيــت ..
راجــو بخــوف:ماما سالــي ,,,روح بيت ..
ياســـر بصراخ :أنت حمــار ماتفهـــم اقـولك روح للبيــت ..
حرك راجــو بدون أي كلمــه زياده ...
سالــي :اقووول جُنــى طحتـي من عيني ماعندك كـرامــه ,,,بس الصــراحـه معذوره من وين بتجيبين الكـرامــه من أبوك الحــرامي ,,,ولا مـن أمك بنت ههههههههههههههههههههههههههههههههههههههههههههه ههههه ههههههههههههههههههههههههههههههههههههههههههههه هههه, ,اقول صج جنـــى جدتك كانت ههههههههههههههههههههههههههههههههههههههههههههه ههههه هههههههههههههههههههههههههههه ماقدر اتصــور ويــه عاد جدك مالقى غيــر ههههههههههههههههههههههههههههه...
جُنـــى طلعــت عيونهــا من مكـانهـــا ماهي فاهمــه وش السالفــه ,,,وهج اللي صدق انصدمت بكلام سالي اللي ماتوقعت ابد يطلع منهــا لأن ياســر مستحيــل يسكت على كلامهــا ...

ياســـر اللي كان يمتلك اعصاب حديديه مع كل الأهانات اللي وجهتـا له سالـي بقـى ثابت وماحقق لها مبتغاه باستثارته ,,, التــزم الصمت وماقال إلى كلمــه وحده يوم وصلو بيت ابوناصــر وبعدهــا نـــزل من السياره واتجـه لشارع الرئيسـي وقف تاكســي ركبــه وراح ,,,



نزلــوا البنات اللي كانوا ساكتيـن مافيــه أحد يتكلم غيــر جُنــى وسالي ....
عادل :حمدالله على السلامــه ,,من ويـن جايين ..؟؟
جُنــى وهي تحط يدها على قلبهــا:حسبــي الله عليك طيحت قلبــي حسبتك ناصــر ...
وهــج :أمــي جات ...
عادل:لاااتوهـا,, ماتوقع تجي قبل 12 ..

سالــي وهي تجلس على الكراسي اللي بالحديقــه اللي كان جالس فيهــا عادل قبلهــم :ويه ,,افتكيت من عـوار الراس ,,لودرت انا طالعين من وراهـا بتسويلنـا سالفـه..
عادل:والله لعلم انا ماقلتولي من وين جايين ...
سالــي بتهديد:افتح فمك بكلمـه وشووف وش بسويلك ...
هديــل :وين سامــي ..؟؟
عادل:سامــي خلاص فل ترك البيت لك ..؟؟
هديــل وهي شوي وتصيح:كذاب وين راح سامــي...
وهــج :عادل مو ناقصين صياحهــا ,,قلهــا وين راح سامــي ..
عادل:اووووووه والله انكم اذى خلوني العب عليهــا شوي ...
جنــى وهي معصبــه :ترا رفعت ضغطي انطق وين راح سامــي ولا باضربك بالشنطـه على راسك..
عادل:يمــه بيموتون لو مادروا ...
سالــي وهي تنزل صندلهـا(الله يكرمكم) وترفع بوجهه:انا اللي بضــربك انا ماتكلمت...
عادل :خلاص توبــه بقول ,,راح الدكـان ...
وهـج :وهذي اخـرتهــا صدق ماعندكم سالفة ..
عادل:وانا وش دخلني ,,هم الملاقيف اللي يبغون يعرفون كل شي ...
سالـي :وش عندكم راجعين اليوم من النادي بدري ...
عـادل:ياماما امتحانات مافيــه نادي ...
سالي :طيب وين كنتم طالعين بعد المغــرب...
عادل:لا ياشيخــه اللحين ماتبغون تقولولي وانا طلعتم وانتم بنات ,,انا الولد تبغوني اقولكم وين رحت ...
سالي وهي تقوم بتدخل :ياعــم روح مصدق عمــرك قال ايش قال ولد خيــر ياطيــر وأن صرت ولد ,,,الي يسمعك يقول اكتشفت الذره ...


سعــود:ياســـر ماراح تقولي وش فيك ,,وتفسرلي اللي صاربالسـوق...
ياســر بداخلــه :من مصلحتك ياسعــود ماتدري لأني لوكنت مكانك مايشرفني وحده زي هذي اتكون أختـــي ,,بعدين وش بتستفيد حتــى لوقلت لك ماراح تغيـــر شي لأنك مو ناوي تخبــر أحد برجعتك للبلاد ,,والموضوع على بعضــه بيسبب احراج لي ولك فالافضــل ماتدري..
سعود :ياهوووووه يابــو الشباب ,,انا اسألك وش فيك تروح تسرح ...
ياســر :سعــود لو سمحت مابغى تكلم بهالموضوع ..
سعــود اللي الفضول ذابحـه بس مابيده شي :على راحتك ,,بتروح لأهلك ..
ياســر:لا اليوم بجلس معك بالشقـه ,,وبكــره لاطلعت من الشركــه بروح لهم ..
سعــود:حلو عشان نسترجــع ذكــريات أمــريكا ..
ياســـر:هههههههههههههههههههههههههههههههههههه,,والل ه ذكـريات ...

دخـل نايف البيت وهـويدندن بأغنيـــة راشــد الماجـد (يالله نعيش بدنيــا غيــر ..مليــانه حب مليــانـه خيـــر ..فيه الحبيب انتا وبـس الأول أنتا والأخيـــر...) وفجــاءه جلس يغنــي اغنية عبدالمجيد عبدالله الحــب الجديد (ايش جابك من بلادك لبلادي ...ايش اللي خلاك تسكن في فؤادي..احس بمهجتي لك شي غيــر عادي
..كل ماشوفك يزيد ياذ الحــب الجديد )
,,وهو يتذكــر الموقف الأخيــر اللي صارلــه مع جنــى بدايةً كيف تفاجيء بوجودهــا بالمجلس وكيف انصدمت بوجوده وجلست تغمض عيونهـا وترجع تفتحـها وكأنهـا تمنى أنهـا تحلم وهو مو موجـود فعلاً ,, وكيف مسك ايدهــا وساعدهــا يوم كانت بتطيح ,, وابتسم يوم تذكــر كيف هربت من المجلس أول ماترك يدهـا,,

نايــف يكلم نفســه :ياءالله صدق اللي صار,, صدق لساني خاني ونطق لهــا ,,ولا أنـا اتخيــل ,,ناظــر لشال الأســود الصغيــر اللي كان رابطــه على يده قرب من وجهه وجلس يستشنق ريحته ,,,
فاتــن وهي تحب يدها على الوجهين:الحمـد الله والشكــر وش جالس تسوي ...
نايف اللي تفاجأبوجودهــا:متى جيتي مانتبهتلك ...
فاتن :والله العظيم أنك مو صاحــي ,,حبيبي انا جالسـه من زمـان هنـا أنت اللي داخل كأنك مسطــول تغنــي وبعديــن جلست وكأنك مخــدر ,,وبالأخيـــرسويتلي حركتك الهبلا هذي ...
نايف عشان يغيــر الموضوع :أمــي وينهــا ..؟؟
فاتـن :بيت خالي ..ليه تسأل ,,,
نايـف:مالك دخــل ...
وبعد صمت دقائق,,
فاتن:دريت...
نايف بعد أهتمــام:لا ,,وش عندك ..
فاتـن بعبط :انخطبــت ...
نايف باستغراب :والله مبـــرووك ,,ومـن اللي داعيــه عليه أمــه اللي خطبك ...
فاتـن :سالم ولد عمــي ..
نايف:سالــم عاد ,,وش يبي بوحده مثلك ...
فاتن :بـس ابشــرك رفضتــه...
نايف:اشوا والله رحمتــه ,,لأول مـره تسوي شي زين تشــكرين عليــه ..
فاتـن:بس اخاف ابــوي يغصبني عليـه ...
نايـف :أخـاف يكون هو اللي مغصــوب عليك ...
فاتـن :وش فيك أنت ليــه تكلمنـي كذا...
نايف :كيف تبغيني أكلمك ماعــرف اتكلم إلى كــذا ...
فاتــن :وش عندك الأيام هذي ماتجلس بالبيت ..
نايف وهويمدد يديه على الكنبه من فوق ويحط رجل على رجــل :لابــس قررت انجح المستــوى هذا وتعرفين البيت مايساعــد الواحد على الدراســه ..
فاتن بسخــريـه :والله مبــروك اخيــراًمابغيت تتخذ هالقرار الخطيــر ..
نايف وهو يقوم :اقووووول والله مو برايق لك,, مبسوط ومابغـى اخــرب وناستي ولا وريتك شغل الله فيك ...
فاتــن بعد ماراح :هـذا اللي طلع معـك,,,الصراحـه أخـوان زيادة قلق بــس..
وطلعت الموبايــل اللي كان يدق ونايف موجود بس كان على الهــزاز ,,,
كانت فيه5 مسدكول من طلال,,1من خالـد( واحد توها ماتعــرفـه عليــه بس يختلف كثيــر عن اللي كانت تكلمــهم شخصيتــه مره قويـه عرفتهــا عليه صديقتهـا ابتسـام يصيـر صاحب اللي تكلمــه ,, سمــع اصدقائـه يتكلمـون عن فاتـن وأنه محد قدر يطيحهـا فحـب يجرب حظه معهـا,,ويوم سألـوه الشباب عن رايـه فيهـا قال أنهـا عادي ومثــل باقي البنات اللي يكلمهم ,,وهذا اللي قهـر فاتن اللي انقلت لهـا أبتســام الكلام ,,وقررت تجيب راســه )...


فــز من نومـــه وهو يصرخ:لااااااااااااااااااااااااااااااااااا,,,,
جلس ناصــر على سريره وهو يلهث وعلى لسانـه كلمه وحده يرددهـا:سامحنــي يبــه ,,,سامحنـــي...
وبعد ماهدأ قام توضى وصلــى ركعتين ورجع ينـام بس النوم مجافيــه ...

ناصــر :ليش ياربـي يصيـرلي كذا معقولـه انا أخطأت يوم رضيت بالصلح مع عمــي ,,بـس هذا كان أفضــل خيـار ..وأمــي كانت موافقـه ,,أنا مابغيت اتصــرف تصـرف متهـور يضيـع فيـه حق أخواني لو كان الأمــر يتعلق فينــي لحالــي فلــوس الدنيــا كلهـا ماترضينــي ولاترجــع كرامــة أبــوي اللي انهدرت بعد موتـــه,,,الله لايســامحك ياعمــي ليش سويت فينــا كذا وش اخذت فلـــوس شركــات عقــارات ,,,هذا هي بترجــع لنــا وبعد ماكبــرتهـا وضاعفتهــا ,,ياعنــي ماستفدت بحياتك شي غيــر كـــرهي اللي يايدمـرني يايدمـــرك ....

بمكــــان ثانـــي كان فارس يحبك أول خيوط خطتـــه اللي شعارهـا ابشــع إنـواع الانتقــام
بيدفــع ثمنهـــا أشخــاص أبــرياء ذنبـهم الوحيد رابط الأخـــــوه ,,,

وتحــت نفس سقف البيــت كانت فيهــا أنســانــه تدفـــع ثمــــن أهمـــال الأهــل وبعدهم عن ابنـائهــم ,, كانت رغــد تبكــي بحــراره مثــل عادتهــا كل ليلــه مـن اربـع شهــور,, ,, وجلست تستعيــد ذكــرياتهـامع حبيبهــا الخاين اللي وثقت فيــه وقضــت معـه ليالــي طويلــه وهي تكلمـه وبعدين صاروا يتقابلــون بالأماكــن عـامـه لين ذيك الليلــه المشئومـه اللي كانوا أهلها كلهم طالعيـن.. ومافيـه إلى رحـاب ونايمــه,,تذكــرت كيف جلس يترجاها تطلــع معــه لين وافقـت بعد
ماهددهـا يقطــع علاقته معهـا ,, ليين وصلت بذكـرياتهـا للموقف اللي مافارق مخيلتهــا من اربــع شهــور جلست تبكي بصوت مسموع وتوون بألم وهي تسترجع اللي صار لحضـه بالحضـه ,,وكيــف صابهـاانهيـارعصبــي بعــد ذيك الليــله نومت على اثــره شهـر بالمستشفـى,,ومـن بعد اللي صــار ماغادرت غـرفتهـا وقطعت كل اتصـالاتهــا بالناس
وقضت ايامهـا بألـم وعـــذاب ونــدم بوقت ماينفع فيــه النـدم ,,,

صحت جُنـــى على صوت المنبــه الساعـه 9صباحـاً سوت لهـا نسكافيـه وطلعت تشـربهـا بالحديقــه ,,

ناصــر من رواهـا:ماشاءالله وش هالنشاط اللي نازل عليك اليـوم ...
جُنــى:يمه هذا أنت من وين طلعـت ,,,
ناصــر :ههههههههههههههههههههه,,من صدقك خفتــي ماتوقعتك أنتـي بذات تخافين ...
جُنــى:ليش أنا مو بشــر ...
ناصــر وهو ياخذ كوب النسكـافيـه من يدهـا ويشـربـه :وااااااو لذيذ ,,وش فيك تطالعيني كذا عيب أنا أخوك الكبيـــر ...
جنــى وهي مقهـوره :أنا اللي عيب علي ,,,عيب عليك أنت ياكبيــر ...
ناصــر وهو يشدهـا مع اذنهـابقـوه :كم مره حذرتك من قلة الأدب ذي ..
جنــى وهي تمسك يده اللي ماسكه اذنهــا : آسفـــه ,,خلاص توبـه والله معيدهـا...
ناصــر :يويلك اذا عدتيهــا ,,أنا طالع قولي لأمــي لاتنســى العزيمــه الليلــه ...
جُنــى بلقافـه :أي عزيمــه ..؟؟
ناصــر بنظرات تخوف :مالك دخـل عزيمة رياجيــل ,,لاتنسين تقولين لأمــي ..
بعد ماطلع ناصــر صرخت جُنــى :كريـــــه شرب النسكافيــه حقتـي وقرصنــي مع اذنــي
وهزأني ,,وجلست تصــرخ بقهــر ...
جنـــى : خروح اسأل أمـــي وش سالفــة العـــزيمــه..؟

دخلـت علـــى أمهــا بالمطبــخ,,
جنــــــى:يمـــــــه وش سالفــة العــزيـمـه ؟!
أم ناصــــر:ايه صح العـزيمــه والله أنـي نسيتهــا,,وطلعـت جوالهــا وجلست تدق رقـم ,,
جنــى:لحضــه أول قولي وش مناسبــة العــزيمـــه ...
أم ناصــر وهي تحط الجوال على أذنهــا :بعـدين ,,,بعديــن..
قامــت جنــى مـن على كرسيهــا وهي تسوي بوجهـا حركات تدل على أن الوضع مو عاجبهــا..طنشتــهـاأمهـــا وسوت مكالمتهــا ..

دخــل ياســـر الشــركـه أول ماشافـوه موظفي الاستقبال جلسوا يتحمــدون له بالسلامــه ..
كمــــل ياســر طريقــه لمكتبــه اللـي بالدور الثالث وهــــو يحــس أنـه اشتــاق لكــل ركن في الشـــركــه ,,ياســـر لنفســـه :اغبــى شي كنت بسويه اني فكرت اتخلــى عن الشــركـه بهالسهــوله ,,,كل شبــر بهالشــركـه لي ذكــرى فيــه مستحيــل اتخلــى عنهـا وابدأ من جديـد وضيع شقــى عمــري والمجد اللي بنيتـه ...


أول ماشافــه معتـز سكرتيره فز من مكــانـه: ألف حمدالله على الســلامــه طال عمــرك ...
ياســر وهويدخـل مكتبــه :الله يسلمــك ,,معتـــز جب لــي كل الشغــل المتأخــر على حسب الأهميــه ..
معــتز اللي واقف على الباب:حاضــر استاز ...
ياســر لمعتـز قبل مايطلع :وجب لي كابتشينــو ,,ولاتحــول لي أي اتصــال ...

طلــع معتـز يجيب الأوراق اللي طلبهـا منه ياســر شاف جمـال سكرتير أبـوياسـر :اهلين شو بدك ...
جمــال وهو يأشــر على المكتب براسـه :شرف الاستاز ...
معتـز :آه هلى اجـا ...
جمــال: مابتعـرف شو عنده غايب كل هالمده ..
معتـز وهو يفتش بدروج مكتبـه :لا مابعــرف ,,بـس باين عليه جاي من سفــر لأن مـــوده مره مزبوط ..
جمــال :كويــس أنا رايح بلغ والــده ...

ياســــر وهو يرمــي الأوراق اللي بيده بعـد مادق التلفـون :اوووووووف أنا ماقلت لـه لايحولي أي مكـالمــه ,,يووه هذا الوالــد ...
ياســـــر:هلا طال عمــرك ...
أبـوياســـر :تعالـي بالمكتب ...
ياســر :دقايق واكون عنـدك ..

وبمكتـب أبـو ياســر ...
ابـوياســــر:ادري أنك متضـايق من اللي صار بس صدقنــي كل اللي سويـه لمصلحتك أنت وأخوانك ,,لاتخـاف ناصــر عمـره ماراح ياخــذ مكانتك بالشركــه مهمــا صـارت نسبة اسهمــه بالشــركــه ولاتنســى أنك نائب رئيـس مجلس الأداره فـلاتخلـي موضـوع سخيــف زي كـذا يأثــر على شغلـك,,وعشــان تـرضــى هـذ ملف المنـاصقـه الجديـده اللــي ربحــتهـا الشـركــه وراح نجنــي من وراهــا ملاييـن وخصــوصـاً أنا بنكـون المـورد الوحيـد فالمنطقــه كلهــا كل الصلاحيــات لك ســو اللي تبــي فيهـا ومحد راح يعتــرض طـريقـك ...
ناظــر ياســر أبــوه بفــرحــه هـذا كـان حلــم لـه :مشكـــور طال عمـرك ,,ومالــك الا اللي يبيـض وجهـك ..

وعــــلى الغـداء كانت الحــرب قائمــه بيـن سامــي وهديـــل,,,
أم ناصــر :سامــي خلاص اسكت عن أختك ,,خلنا نتغـداء بهدواء..
سامــي :لاااه كله علي أنا هي اللي تحــر ش فينــي ..
هـديـل :كذاب أنت اللي بديت ...
عـادل باستهبــال:خلاص لا أنت ولاهـي أنا اللي بديت ...
أم ناصــر بتحذيـر:عادل ,,اللي يتكلم اللحيـن يويلــه ...
جلست هديـل تاكل وهي شوي وتبكــي ,,وسامـي يناظـر فيهـا ويسـوس حركات تقهــرها..
هديــل :يمــه شوفيه ..
أم ناصـر :سامـي وبعدين معك ...
سـامــي :خلاص ماراح اسـوي شي ,,وسكت وجلس يأكــل ..
وهـج :لا سالي هذا كاســي ..
سالي :لاياشيخـه هذا حقــي ...
وهـج :والله حقـي أنا من اليـوم اشـرب فيـه ..
أم ناصــر :لاحـول ولاقوة ألابالله ,,خلصنـا من الكبـار بدوا الصـغار...
جنـــى :ههههههههههههههههههههههههههههههههههههههههههه,, وش فيك يمـه عكستيهـا ...

أم ناصــر :وانتي مايفوتك شـي ,,وش اسـوي دار راســي منكـم ..
سـالي :وش هـذا ليـش ماحطيتو لي كأس بايـش أشـرب يعنــي بالملعقــه ..
عادل:ه ه ه ,,ماتضحك ..
سالي :صدق سخيف ماتشـوفنـي طايحــه بورطـه تجلس تتريق علي ..
أم ناصــر :الحمـدالله والشكــر سويتيهـا ورطـه قومــي جيبي لك كأس وريحنـا من حنتك ..
سالــي :أنا سالـي ,,بنت صالح الـ.......,, اولااو أقــوم من الغـداء عشـإن اجيب كأس مويـا ...

وهج :ميــري ,,ميــري ..
سالي :وش تبغين فيهــا ..
وهج :ماتبغين كأس انتي ..
وبعد ماجت ميــري :جيبــي كأس ورجعيــه ...
ميــري :وت ...
وهج :جيبــي كأس ورجعيـه ...
سالـي:ههههههههههههههههههههههههههههههههههههههه ههههه ههههههههههههههههههههههههههههههههههههههههههههه ههههه ههههههههههههههههههههههههههههه..

وهـج :وجع ليش تضحكين ,,وانتي روحي جيبي اللي قلته لك ...
أم ناصــر :الحمـدالله والشكـر وليش ترجعــه ..
وهج :وش ترجع ..
سالي :والله أنك غبيــه تقولين للأدميـه جيبـي كأس مويا ورجعيه ...
وهج بأستغــراب :انا قلتـه ..
جنــى :لاجنيتك اللي قالتــه ,,ايه أنت تو تقولينــه ..
وهج :والله أنا قلتـه ...
سالي :قسم بالله قلتيــه ...
وهج :كله منكم طلعت براســي قرون من هرجكم وأنا تونتي صاحيــه من النوم ...
سالي :لاتحطين كل شــي علينا قولي أنك خرفتــي...
وهـج وهي تحرك الشوكه بتهديد قدام وجهـا:ساليوووووه حلي عني مو ناقصتك ...
أم ناصــر :خلاااص ,,أنتو على كل كلمـه تخانقـون ...
وبعـد صمت دقائق ..
سالي :سامــي ,,ساميوووه ..
سامــي اللي مندمج بالأكــــل :هااااه ...
سالي :بسك أكل بتنفجــر ...
أم ناصـــر :سالــي ,,قولي آآآميـــــن ...
سالي :آآآآآآميـــــن ..
أم ناصــر :جعلك لرجـــل الله يعقلك ...
سالي :ليـه وش قالولك مجنـونه ,,بعـدين كم مــره قلت لك ,,لاتدعين اني اتزوج ..
أم ناصــر :ولايهمك بكــل صلاه بدعيلك ..
سالي بنرفــزه :يوووووه مالقيتي إلى هالدعــوه,,, أجـل حتــى أنا بكــل صلاه بدعيلك بالرجــل ...
أم ناصــر:سالــي ياقليلة الأدب ..
سالــي :ياربي هذي جزاتــي أني بدعيلك ,,ولاوحـده بست عيال من يبيهــا ..
أم ناصــر :سالي ومــرض انشــاءالله وش هالكلام ...
سالي:هههههههههههههههههههههههههههههههههههههههه ههههه هههههههههههههههههههههههههههههههههه..محد قالك تباريني تدريــن لساني متبــري منـــي ...
وهج :الأعتــراف بالحق فضيــله ...
سالي:أحلــى يم الحكـــم ,,بأي مقــرر قريرتي هالحكمــه ...
وهج وهي تهــز راســه بملل:سالــي واللي يرحــم والديك اسكتــي ..
سالي :وأن ماسكت ..
وهج وهي تقوم :الحمــدالله ..
سالي:اجلســي ماتغديتي,,جنـى ماودك تلحقينهـا ..
أم ناصــر:لا أنا اللي بلحقهـا ..وقامت ..
سالي:واااااااو ,يالله عادل سامي قوموا ..
عادل وهو يوقف:أنا بقــوم ,,بـس سامي لاتحاوليني ماهو قايـم ..
جنــى :اقووول خالتــي مو كنك من جلستـي تكلمين ماشوفك تأكلين ..
سالي :ليه انتي جالسه تراقبينـي ...
قامت هديـل وبعدها سامي ,,وبقــى جنــى وسالي على الطاولـه ..
سالــي بشرود :جنــى وش قصده بالكلام اللي قالـه ..
جنــى وهي ترفع راسهـا عن الأكـــل:ميــــــن !!
سالي:ياســـــر...

نهــــــايــة الجــــــزء الســــــادس....

الجـــزء الســابــع ,,,
الفصـــل الأول,,



ســــالي :توك تفطنين تقولين لي ,,اذامنتــي ناسيـه تراه أبوي مثل ماهـو أبوك ..
أم ناصـر بعد اهتمـام :طيب انتي وش اللي مزعلك ,,وش كنتي بتسوين لودريتي أمس أو قبلـه ..
سالي :لوكنت داريـه قبـل ,,فكرت لي بعذر اتعذر فيـه لاسألني ليش مارحت له يوم طلبني ...
أم ناصــر:اقول سالي اذا كنت فاضيــه انا عنـدي شغل كثــر شعر راسي فنقلعي عنـي ..
طلعت أم ناصــر ,,وجلست سالي بالصالـه وهــي ميتـه قهـــر مسكت الرموت وقعدت تقلب بالقنـوات ..


دخــل ناصــر البيت وكانت السـاعه الخمـس عصـر ,,وشـاف سالي على حالتهـا ذيك ..
ناصــر :السلام عليكم ..
سالي :وعليكم ..
ناصـر وهو يجلس بجنبهـا :هذا وجـه بتقابلين أبوك فيــه...
سالي :وش فيه وجهــي مو عاجبك ..؟؟
ناصــر :لاااا..
سالي بعصبيه :احسـن وانشاءالله عمره ماعجبك ...
ناصـــر :ول وش فيك صايره كبريت ,,وبعدين عن طولت اللسان ,,وانا اقووول منين جايبه جُنـى طولت اللسـان ...
سالـي بسخـريه :لا أحسـن تعال طقنـــي ...
ناصــر :سالي ,,لتخليني اقـوم احوسك اللحين ...
سالي :نصور مالك دخل فيني لاتنســى أني خالتك ...
ناصــر وهو يضحك :لا مانسيت وذا شي يتنسى ,,فيــه أحد ينســى خالتـه اللي اصـغر منه بـ 8 سنوات ...
سالي :اقـول ناصــر ماتدري اذا كان سعيدان بيجــي معـه ....
ناصــربضحـكه :حسبي الله على بليسك اللحين خالي سعد اللي عياله طولك صار سعيدان ...
سالي :اذا سألتك جاوب على قد السؤال ..
ناصــر بسخريـه :حاضـر خالتي وآسف على الخطـأ ,,ايه بيجـي ..
سالي :أنا مارحت لأبــوي عشان ماشـوف شيفتـه يجـي مع أبــوي ليش ...
ناصــر:اصلاً هو ذراع جدي اليمين وين ماراح معــه ...
سالي :اصلاً مالاعـب براسي ابوي غيــره ,, بحســره:لوكان سعـود موجود ماصار كل هذا ..؟؟
ناصـر:سالي ترا خالي سعد أخوك مثل ماخالي سعود أخوك ..
سالـي:لا ماحزرت أنا ماعندي الا أخــو واحد وأخــت وحده بــــــس ...
ناصــر:طيب ماقلنـا شي انا ماعرف شي عن خوالي وخالتي الثانين بـس خالي سعـد طيب معك ..
سالي :أقول ناصــر خلني ساكته أحسـن,, ولا أقــول خل أعلمك عشان ماتكون نايم على اذونك ,,تدري أن سعــد كان ماعارض أبوي وماكان يبغاه يسدد ديوان أبـوك الله يرحمــه ...
ناصــر بصـدمـه :مستحيــل خالي سعد يسوي كذا ....
سالي:ويسوي أكثــر من كـذا ...
ناصـر:كيف.. خالي سعــد ماني مصدق ؟؟..
سالي:الا صــدق ,,,وازيدك من الشعــر بيت كان يقول لأبــوي يكتبك على اوراق عشان اذا رجعت حقوقكم من عند عمك ترجع لهم الفلــوس بـس أبـوي ماعبـره وسوى الي املاه عليه ضميــره ...

أم ناصــر اللي كانت تسمــع الكلام من بدايتـه :سالي بـــس ..
سالـي :لاتطالعيني كذا أنا ماقلت الا الصدق وبعدين إلى متـى بيبقــى على عمـاه خليـه يعرف خوالـه زين ...
أم ناصــر :المواضيع اللي تكلمين فيهـا انتهت بوقتهـا ماله داعي نفتحهــا ونرجع نعيد ونزيد فيهـا ...
ناصــر:خلاص سالي مايحتاج أفهــم أكثــر الكلام اللي بتقولينه لي وصــل ..

طلــــع ناصــر ,,جت أم ناصــر بتكلم بــس سالي طلعت من الصاله وهي تقـــول :مو وقتــه خلي الخطبــه لبكره الجمعـه ..

أم ناصــر :حسبي الله على أبليسهــا من بنت مدري وش ذكرها بهالمواضيــع ,,وبتنهيده طالعه من قلبهـا:آآآآه ياسالي متــى بتعقلين وتخلين هالعناد اللي فيك ...


دخلت سالي على وهــج اللي كانت تذاكـــر ,,تجهت للدولاب طوالي ,,
سالي :وهج تعالي اختاري لي لبس يثور شياطين سعيدان ..
وهج بغباء :سعيدان مــن ..؟؟
سالي بملل:سعيـدان خالك ...
وهج :اووووووف ,,وبعدين معك وش ناويــه عليــه ..
سالي :ولا شــي بس ودي ارفع ضغطــه شـوي ,,تعرفيـن هذا تخصصـي رفع الضغط ...
وهج :يافضواتك ياشيخــه فيــه أحد عنده امتحــان احصــاء يوم السبت ويفكــر بشــي سخيف مثل هذا ...
سالي :الشـيء السخيف هذا يسليني اكثـر من ملزمـة الاحصـاء ,,بعديـن انتي ماتحسين بالسعاده الي اشــعر فيهـا وأنا اشــوف اللي قدامــي شـوي وينفجــر من الغيـض بسـببي ..
وهـج:طيــب روحــي طلعــي مواهبـك بعيـد عنــي ...
سالـي :ترا بنتدميـن بعـدين أنك ماساعدتيني ...
وهـج وعيـونها بالكتاب:محد بيندم بالآخيــر غيـرك ...
سالـي بهباله :كني سامعــه الجملــه من قبل بس مدري ويـن ...
وهـج بسخـريه وهي تحرك حواجبهـا فوق:سامعتهـا قبـل يوميـن ,,وهي تقلد سالي :من ولد فطـوم بـس بشـكل ثانـي ..


تغيـر وجـه سالي يوم تذكـرت الموقـف وجلست تحوس بدولابهــا وهي مو مـركـزه وبعصبيـه,,وفجاءه صرخت سالي ومسكت يدها اللي صك عليـه باب الدولاب حست الدنيـا دور فيهـا بعـديـن فقدت الوعـي وماعلى لسانها إلى كلمــه وحـده :جبان ماي قدر يسـوي شـي ..



صحـت على صياح وهـج بسياره وهم رايحين المستشفـى ,,,صـرخت سالي بألم يوم حاولت تحرك يدهـا,,وهج من بين دموعها :سالي صحيتي..
سالي:آآآآآي ..توجعني ..
ناصــر:اصبري شوي نوصل للمستشفى...
سالي بصراخ :كيف شوي ونوصل وانت تمشي على بيض حرام عليكم حسوني فيني بموووت من الالم ...
زاد ناصر سرعتــه حتى يفتك من صراخ سالي وقطع كذا اشاره...