--------------------------------------------------------------------------------
أبتهال :أنتي بتخبل فينــــي اليوم تبغى البنت تأخذ فكــره سيئه عنــك ..
نايف :لا أبيهـــا تمــوت من الغيـــره ...
أبتهال :تغار وليــه تغار وعلى ميـــن ..
نايف اللي خلص تصــوير :يالله أرسليهن اللحيــن واكتبـي الكــلام اللي قلت لك ...
أبتهال :طيب أطلع خلنـــي على راحتــي أنزل تحــت ماسمعت فاتــن وش تقــول شوف أمــي وش تبــي فيك ..
نايف :لامانــي بمتحرك ليـــــن ترسلينهن لهــا وأمي لحق عليهـا ...
وفعلا ً ماتحــرك لين أرسلت الصور وكتبت الكــلام اللي قالته وطلــع بدون مايشـــوف نتيجــة اللي ســـــواه ...
-------------------------
كانت متمــدده علــى الكنبــــه وبيدها الرمــوت ومنــدمجه مـره مع الفلم اللي تابعــــــه بس سمعت صــوت فتح الباب ســوت نفسهــــا نايمــه ... دخل ياســر للشقــه وشافها نايمـه على الكنبــه قدام التلفزيــون وبيدها الرمــوت ..طفــى التلفــزيون وسحــب الرمــوت من يدها بخشــونه كل هذا عشـان تصحـــى بس سالي ضلت على تمثيلهــا .. ياســر يوم شاف أن مافيــه أمل تصحــى وهو مضطــر يدخـل الكنبــه والتلفزيــون شالها لغرفتها ...
سالي كــان الأمــر عنـدها عادي وتمثيل أنها نايمــه أرحم عنــدها من أي مواجهه مــع ياســــر وخصـوصاً انها هاليوميــن تحس بأرهاق فضيــع ...
بس أنتفضت من مكــانها يوم سمـعت صوت تقفيلــة الباب من برى يعنــي موكفايــه ساجنهـا بالشقــه اللحيــن بيسجنهـا بالغرفـــــه بعد لا الحـاله هذي ماينسكــت عليها بس هي اللحيــن مافيها حيــل تقــول أي شــي أوتعتــرض على أي شــي ... حط ياســـر راسه على المخــده بس النــوم جافاه صعب عليــه يسجنها ماتهــون عليه يشوفها متعذبــه بس بعد نفســه ماتهــون عليــه الا متــى بيصبر عليها لازم يكــون حازم مع نفســه قبل مايكــون حازم معهــا ومن اليوم كل تصرفاته وكلامـته معها بتكــون جافه قاسيــه ولاكــــل هالتجــربه ماهــو بطالع منها بأي نتيجـــــه اذا كان بيجـرح من هنا ويداوي من هنــا ..تذكــر أهلــه اللي المفــروض يتصـل عليهم اللحيــن وش بيقـولون وهو اللي متصــل فيهم لازم يدبر له تصـريفه لهالمـوضوع ولاوش بيفكــه من لسـان أمــه اذا رجــع للبيــت وتفكـيره هذا وصله لشــي ثانــي امــه وسالي مايتطابقــون وأكيــد حرب ضروس بتقــوم بينهــن للجمعهــن مكـان واحــد ... يارب يعنـــي أن كان ناقصنــي العقــده الجديده هــذي بعـــد بس من هنـا لسـاعتها بكــون عقلت سالي شـــوي (ايه كثــرلي منهـــا ...)
صحـت سالي وشافت النــور مالي الغرفـــه ماتدري كم الساعه ولاتدري كم نامــت بس اللي تذكـره أنها صحــت على اذان الفجــر وصلت هذا كان اخــر خبرها بالدنيـــا .. قامــت وغسلت وجها من المغسلــه اللي فالحمـام ورجعت تنــام تحــس بكســــل وجــوع شديد ... فكــرت ليه مايكــون فتح الباب لهــا جربت تفتحـه لقتــه مقفل جلست على الأرض وبالتعب جلست تطق على الباب وبعد عشــر دقايق من الطق المتــواصل سمعت فتحــت باب بعديـن صوت فتحت باب الغرفـه ينفتح دخــل ياســر للغرفه وشكلــه توه صاحــي من النــوم وشرار يتطاير من عيــونه ماتكلــم ولافتح فمــه بكلمـــه بس سحبــها من يدها لين وقفــت على رجــولها وعطاها ذاك الكــف اللي دور الدنيــا بعيــونها ورماها على الأرض بكــل قسوه وطلـــع بس ... سالي مأقدر أوصف لكم حالتها فضيع الظلـم اللي تحــس ,, هــي وش ســوت اللحيــن مأرتكبت أي ذنب تستحق عليــه هالكف عشان طقت الباب وصحته من النــوم طيب جيعـانه تبــي تأكــل وهو سجنها وش تســوي أول مــره تحــس أنها ضعيفـــه بحـاجـه للشفقه عليهــا ,, نامــت على فراشهــا وهي لامــه يديها حــولها وغصباً عنها جلست تبكــي بصوت مســموع ... جلست على هالحاله لين دخل عليهـا مره ثانيــه بعد مده طويلــه ..
ياســر بلهجــه جافه:أنا طالع وبترك لك باب الغـرفه مفتوح عشـان اذا بغيتـي تأكــلين لطيحيــن علي وأبتلش فيك ...
وطلع وترك الباب مفتــوح ..
جلست سالي محلهــا وهي تراقب فتحــت الباب كانت بتعاند بس فيـه شي داخلها حذرها أن هالعنـاد محد بيدفـع ثمنــه غيرها ,, تحاملت على نفسهـا وقامت للمطبــخ سوت لها كأس شاي وأكلت معه ساندويـش واكتفت بهذا .. قلبت عيونها فالمطبخ تدور شي يسليها مالقت شي رجعت لغرفتها ونامــت .. واستمــرت على هالحال يــوميـن تأكل وتشرب وتنام ياســر يفتح لها الباب أذا طـلع وأذا رجـع قفــل عليها بعد مايرمي عليها كم كلمه قاسيــه وهي ماترد عليهــن الا بالسكــوت ... سالي مأعجبها الوضـع أنها تكــون فمــوقف ضعف مستحيــل تستمــر على هالحــاله وبعد مابيتت النيــه أنها تبين قوتها فأول مواجهه تصير بينهم .. وجتها الفرصـه لحد عنــدها يوم دخــل عليها ياســر وكان راجــع من برى ..
ياســـر :أرجعي لغرفتك ..
كان متعـود تطيــعه لاقال لها كذا ..بس المــره ذي طنشــته ولا كنــه يكلمهــا ...
ياســــر جرها مع يدهــا لين طالعت فيــه :أكلمــك أنا ارجعي لغرفتك ...
سالي :واذا مارجعت وش بتســوي يعنــي .. وبعــدين أنا لي أسم وفكــت يدها منــه ...
ياســـــر :يعنــي مأنتي راجـعه بالطيــب ...
سالي بعنــاد :لااااااااا ...
ياســـر جــرها مع يدها وهي تضــربه وتحاول تفك يدها منه لكــن هو كان أقوى منهــا دخــلها غرفتها وبعــد هزها لين شوي وتفقــد وعيـها وعطــاها كم كف محتــرم ...
سالي بالصــراخ ومن بين دمـوعها :وحش متخلف حقيررررررررر الله ينتقم منـــك ...
ياســر طلــع ورجـع ومعــه كرسي وحــبل ... وبالقــوه جلسهــا عليــه وربطــها بقســـوه كانت بتكســر عظامهــا ..
سالي وهــي تركل برجلهــا فالهــواء تحــاول تأصله :انت مجنــووون ولا واحــد يسوي مثلك أنت مجنـووووون مجنـــوووون ...
ياســـر بعد ماخلص اللي بيده تكتف وجلس يطـالعها وهي تبكـــي وتـصارخ وهو طالع قال لها :للأسف ماشفتــي شي من جنــوني يا سالي ولاتحدينــي عليه ...
سالي :أنا اكــرررهك أكــرررهك يارب تمــوووت وأرتاح منـــك ...
ياســـرصح كان طالع بس سمع كلامهــا ورجــع لها وعطــاها كف نزل الدم من فمهــا ..
طلــع وجاب له كرسي وجلس يدخــن ويراقبها وهي تبكــي ودمعها يختلط مع دمهــا والشي هذا زاد سالي وخلاها تبكــي بهستريا وهي تلعنــه بداخلهــا وتدعي عليــه بأنواع الأدعيــه قليل اللي نزلـوا دمعهــا واليــوم ومن دخلت الشقــه ودمعها ماوقف ويــن راحت قوتها تمــردها على أصعب الظروف أنطحــن تحت جبـروت ياســر وأستبداده ويــن كانت كل هالقــوه مخبيها ليــه ماطلعهـا من البدايـــه كم لك وجــه يا ياســـــــر ...
ياســـر :توقعيــن بكم اهلك يشتـــرون صورتك لوصورتك وأنتي بهالمنظــر ....
سالي شهــقت بالضعف وماردت داريــه أنه مايقول هالكــلام الاأستفزاز عشــان ترد عليــه ويضربهــا ...
ياســــر :صوره مررره مأثره بنتهم الدلــوعه اللي ماقوو لها وهي تبكـــي ...
سالي :لوكان وراي أهـــل ماسويت فينـــي كذا أنت تدري أن ماوراي أحــد عشـان كذا متطمــن للي تسويــــه ..
ياســـر :أنا اسوي اللي أبــي ومأخاف من أحـــد لأهلك ولاغيــرهم ...
سالي بصوت مليـان كره وحقــد وألم :يارب أشوف فيــك يوووم ..
ياســـــر :تدرين اني بحــركه وحــده مني اللحيــن أقدر أخليك مشلــوله وطــول عمــرك ,, هاه وش رايك أرمــي هالكــرسي اللي جالســه عليــه ...
سالي وهي تبكــي بقهــر من طريقة اذلاله لها:يالله أشوف محد ماسكك ...
ياســر قفى عنها :لا أنا بعــد أخاف ربــــــي ..
وماكتفــى انه رابطها بعـــد قفل الباب عليهـــا ... وهــو موداري أن هـــذا أخــر عهــد له فيهـــــا ..
كانت الجلســه على الكــرسي متعبــه كيف أجـــل وهي مربوطــه عليــه بس اللي هــون الأمــر أن الرباط صح محكم بس ماهــو مشدود ظلت علــى هالحال ساعتيــن بعدها بدت تحــس بالتعب وألم من هالجلــسه اللي بتطـــول ...
طلــع ياســر من الشقــه وركــب سيارته كان تفكيــره مشغــول بألف شغله وشغله كفيلــه أنها تخليه يقطــع الأشــاراه وبالســرعه فظيعــه وبدون ماينتبه على نفســه واللي زاد الطيــن بله انه ناسي محفظتــه اللي فيها كل أوراق اثباتــه فالشقــه ...20 ساعـــه قضاها فالتــوقيف حــاول خلالها يتصــل بالسعـــود كان جــواله دايم خارج الخـدمــه وأهلــه مايقدر يتصـل فيهم وهم اللي يدرون أنه مسـافر كان بيــن ناريــن يتصــل على أهلــه وينفضح قدامهم ولايصبــر يحتـري الفرج من الله وتبقـــى سالي لمصيــر مايعلم فيــه غير ربنـــا ...
ماتقــدر تحمــل أكثر بدت تبكــي وتصــرخ من الألم حاولت تنــام عشـان تنسـى الألم ويمــر الوقت بالسـرعه بس ماقدرت فبطاء شديـــد كان الوقت يمــر وينـــه ياســـرليه مايرجــع ويخلصهــا من هالأســـر ...
ياســـر فالمــوقف لايحســد عليــه عمــره ماتصــور أنه ينحط بمــوقف مثل هــذا ويوم أنحط فيــه كل اللي همــه سالي وش بيصيــر عليها بتبقــى صامــده ليــن يرجــع لهـــا أو ..... اذا صــار لها شــــــي ماراح يســامح نفســه طول عمـــره لا ان شــاءالله مايصير شـــي كلها كم ساعـــه وبيطلــع من هنـا وبيرجــع لهــا بيرجع ياســـر اللي قبل وبينسيهــا كل ألم سببه لهـــا بس هــويطلــع من هنــا ..
------------------------
بووووووووو وش تســوين ...
جنــى ويدها على قلبها :وجججججججع طيحتــي قلبي ...
هــديل :صدق والله أجل كيف عايشه للحيـــن ... بعديــن ليش حطيتــي جوالك ورى ظهـرك يوم دخلــت ...
جنــى رجعــت تطالع بجــوالها :انقلعــي بس من هنـــا ..
هديــل :انقلع أوكي بنقلع بس أنتي اللي بتخســرين ...
جنــى :انقلعي وصدقيني ماراح أخســر شي ..
هديــل :الابتخســرين طلعه لسوق ..
جنــى :ومن قال أبي أطلع لسـوق أنا حرمت اطلع معك بعد اللي صار ذيك المــره ..
هديل :على العمــوم أنا سويت اللي علي وخبـرتك ,, باي باي ...
وطلعت من عنــدها ...
جنــى بقت على نفس جلستها وتطالع بالصور اللي في موبايلها ..
جنــى لنفسها بصوت مسمـــوع :وش فينــي أنا انهبلت بس أطالع بالصوره وكأني ماشفت خيــر اوووووف الحقيـر يدري انه مملوح وبيغضنــي بس اوريهــا أبتهالوه كله من تحت راسهــا ...
دق جــوالها بيدها كانت بتــرميــه بس بعد ماشافت الرقم ردت على طــول ...
جنــى :ياهلااااااااااااااا والله ...
رحـاب :هلا حبي كيفك ...
جنــى :تمــامو كيفك أنتــي ...
رحاب :بخيـــر وأشتقت لك حيل يالدبا ...
جنـــى :وأنا كمـان أشتقت لك كثير ماعنــدك نيــه ترجعيـن لنا ...
رحاب بتنهيـده :لأنا خلاص استقــريت هنا على الأقل هالسنـــه ..
جنــى :رحــوبه ياليتك هنــا عنــدي همــوم كثيــر أحتـاج أحد يشـاركني فيهــا ..
رحاب :سلامة ياقلبي من الهم بس وش طــرى طـول عمـرك وأنتي مهمــومه ...
جنــى :تتريقين علــي هذي أخــرتها ..
رحاب :أمززززح وش فيك صايره حسـاسه ماتحمليـــن .. بعدين وينها خالتك المصــون حلالة المشـاكل ..
جنــى :خالتي ميــن ياحســره تزوجت ونستنــى ...
رحاب :بدينا بالسب ..
جنــى :ماسبيتهــا بس اشكــي الحال من عقب فرقاها ...
رحاب :لاوصايره شاعــره بعــد ...
جنـــى :آآآآآآآه من حـــر مابقلبـــــي ...
رحاب :لا أنا مش فهمـه حاقه أنتي بتهببي بتأولي أيه ..
جنـــى :رحــوبي فيكي اللي يحفظ الســر ...
رحاب :أنا احفظ ســر مأحسنتي الأختيــار بكـره تلقينه بالصفحــه الأولي بجـريدة الرياض ..
جنـــى :تذكــرين نايف ولد عمتــي اللي رماني بالمسبح ...
رحاب بالضحكــه : ايه اذكــره وش فيك لايكــون اعاد الكــره ...
جنــى :لا مأدري وش أقولك بس أنا.. أنا .. أنا ..,,وبالســرعه: أحبـــه ..
رحاب بعدم تصديق :شوووو أنتي شوووو ..؟!!
جنــى :من قال هاه سمــع ...
رحاب :جنــى لايكــون هذا واحد من مقالبك ...
جنــى:لاوالله صدق وهذي أول مره أتكلم جد ...
رحاب :جنــى لحظــه ماني مستــوعبه شوي بس أستوعب اللي قلتيه ...
جنـــى : خبلــه أنتي وش تستوعبيــن قايلـــه لك معادلــه رياضيـه أنا ...
رحاب : والله هذي أصعب جنــى تحب صعبــه على الفهم ..
جنــى بقهــر :اللحيــن أنا مأتمنتك على سري وجالســه أشكيلك الحال وأنتي تتمصخـرين علي ... روحــي زيــــــن ..
وقفلت بوجهــا ..
وينك ياسالي ماراح يفهمنــي غيرك بس حتــى أنتي بالموضوع هذا مأتوقع تفهمينــي ياربي وش هالورطــه اللي طيحت عمــري فيهــا وانت يانايف وش قصدك بحركتك هذي صادق ولاتبغــى تلعب علـــي ..لاوش يلعب علــي أنا ماني سهـله لهدرجــه .. أنا المفروض مافكــر فيه وأوجــع راسي بعد اللي سواه هــو وأختــه فينــي مسويني مصخــره ...
اليــوم الثانـــي صحت جنــى بالنشاط لأنه أول يوم بالدراســه بعد أجازة العيـــد ,, كانت مشغلــه أغنيــه ومعليه على الصوت وجالسه تضبط الميــك آب فمـاحست باللي دخـل عليها لين أختفــى صوت الأغانـــــي ألتفت بحده وشتيمــه تنطلق من فمهــــا ... بس يوم شافت من على الباب طاحــت فرشة الشدو من يدها وبعدم تصــديق صـرخة :ساااااااااااااااااااالي ...
سالي اللي متمسكــه بالجدار كانت عليها عباتها :ايه سالي ..
جنــى ركضت وحضنتها:ياعمــري سالي والله لك وحشــــــه .. بس ..وأبتعدت عنهـا :خالتي أنتي تعبانه ...
سالي بأرتباك:اكيد بالتعب هذا سفر مولعبــه .. وش فيها وهج مومداومــه مريت على غرفتها لقيتها مقفلــه الباب ...
جنــى :لاماهي مداومـــه .. والله كنت حاســه أنك ماره عليهـا قبل ماتجينــي ...
سالي بالضحكـه رغم التعب :ياحليلك ياجنـــى مابتتركـين هالغيره عنــك ...
جنــى :ايه غيــره واللي يسلمك .. يالله أنا بطلع شكلك مــره تعبانــه ...
وهي واقفه على الباب ومعها شنطتها وعباتهــا :أحـــلام سعيـــده ...
سالي بالتنهيده بعــد ماطلعت جنــى :أي أحــلام سعيــده الاقــولي كوابيس ...
نزلت جنـــى تحـــت وشافتهم كلــهم مجتمعيـن على السفـره يفطـرون ...
ام ناصر :وينها سالي ياجنــى مانزلت معك ...
جنــى وهي تجلس على الكـرسي :لامانزلت شكلها مررره تعبانــه ,, بس غريبه رجعــوا بهالســرعه ...
ام ناصر :الله يستــر شكلها مايطمــن وأسألها تقول أرهاق من جلست الطيــاره ...
جنــى لهديــل :وش فيك أنتي مبرطمــه الدراســه فيك.. فيك ...
هديل :ياربي منكم أبي اغيب بجلس عنــد خالتي ...
ام ناصر :خالتك ماهي بالطايره بترجعين الظهــر وتلقينها ...
هديل :اصلاً بأرجع قبل الظهــر اليوم حفل معايده ..
جنــى :احلــى ياحفل المعـايده المفروض يكرفونكم من أول يوم دراســه ...
هديــل :غيرانــه ..
جنــى :وليش اغار بالعكــس أنا أحب الدراســه ...
سامــي اللي نصف نايم :كذابه مأحد يحب الدراســه ..
جنــى :أنت بس كمل نومك .. الله يرحم أيام الرياضــه ...
أم ناصر :عادل أطلع شوف أخوك تأخر وهو مع ياســر ...
عادل :اروح وش اســوي هواذا راح ياســر بيدخــل ..
جنــى :وهذا وش جايبه على الصبح ..
أم ناصر :حلوه وش جايبه أجل خالتك من بيجيبها ...
جنــى :ايه صح خالتي والله نسيت ..
ناصــر اللي دخل عليهم فجأه :وينهـا خالتي ...
ام ناصــر :فوق نايمــه ..
ناصــر :طيب يمه أنتي وجنــى أطلعــوا من هنــا ياســر بيطلع لهــا ..
نهــاية الجـزء العشــرون ..
موضوع: رد: الزمن طبعه كذا .. جنااااااااااااااااااااااان 
الأربعاء نوفمبر 26, 2008 5:11 am
